Joo̱b 15
15
Xi ma joó ndi̱yà nga tsíchji̱a̱ Elifaa̱
1Kósꞌe̱ Elifaa̱ nda̱ xi chji̱a̱ni nangi Temaa̱n, bi̱ katsoó Joo̱b:
2Xota̱ xi kjínkoón, jmí tsi énkjínkón xi jmí ni chjíjiín xi chji̱a̱,
ti̱nde jmí tsi tjo̱ sibé xi ꞌbikítsieni nga̱tsꞌo̱a̱,
3jmí tsi ta̱soboá kjo̱a̱chi̱ni xí chji̱a̱,
ko̱jo tsi én xí jmí ni chjíjiín xi chji̱a̱.
4Kó jí niꞌínchjíjíi̱n kjo̱a̱yandikón xí chjiéngá ko̱e̱ꞌeé Néná,
kó nde ndasénjín maá nga chjiéngá ko̱ndokjoaá kui.
5Ngatꞌa̱ ti̱kuíní ndso̱ꞌbe xi tsíchji̱a̱ ni xi ꞌniú ndajín,
ngatꞌa̱ tindokjo̱e̱ ji xikoó ngo xota̱ xi maña̱.
6Ndso̱ꞌbe boá xi ko̱óngítaꞌii̱n, kó jmí tsi an,
ti̱kuíní ni xi ko̱ndókjo̱e̱ ji xi kondraa̱ ka̱ma.
7A jí xí tjón katsen ji ta̱bo̱a̱jiín Andaa̱n.
A jí xí tjón kiniꞌándaa̱ ta̱bo̱a̱jiín na̱xi̱i̱.
8A ki̱a̱ ndókjo̱e̱ni ji mosoo̱ nkꞌajmii̱ xi fochó ngindyi̱ko̱n Néná,
tsi̱ꞌe̱ nga kui ku̱i̱ꞌaa̱ ngo kjo̱a̱botíxoma.
9Mí ni xi ye ji xi yàjínjne̱ ji̱n,
kó mí ni xi makjiín xi makjínjínjne̱ nga.
10Ngi̱jinjne̱ síndo xota̱ xi je kichjí tokó ko̱jo xi je xchá,
xota̱ xi xchá ngase ji̱n, ta̱bo̱a̱jiín na̱ꞌmíi̱.
11A chiboa maá nga ti̱kuíní Néná xi tjítsꞌéndájoón,
kó a chiboa maá én xí tsjatsꞌèn tjindókjo̱a̱joo̱.
12Ánní nga je tjítsꞌénkjinkoon ini̱màa̱,
kó míkjo̱a̱a̱ nga ꞌbíchjándsékón ndyikin ji.
13Ánní nga Néná tiniꞌínxchínje̱ kon ji,
kósꞌe̱ ta̱xkiya tindokjo̱e̱ ji.
14ꞌYání bo̱a̱ xota̱ nga̱sondiee̱ tsi̱ꞌe̱ nga tsjie kꞌo̱xié yojoo̱,
ko̱jo nga bo̱a̱ ka̱tso̱ nga jmí jéjiín.
15Néná ndeskande ndítsjiee̱ ꞌniákónjín,
kó ti̱nde nkꞌajmii̱ tsjiejín ngindyi̱ko̱n kui.
16Akja̱ꞌmíra̱ xota̱ nga̱sondiee̱ ka̱maꞌniátakón,
nga be nga ndajín ko̱jo nga chꞌo,
nga xikoó tsi xíndaá nga ni xi ndajín mejeén sa̱ꞌín.
17Ji Joo̱b, tasínijìnní,
kó an xiyaá ni xi je kamábe an.
18Kuí bí ni xi akóyájne̱ xota̱ xi kjínkoón,
ni xi akóyaá xota̱ xi xchaá kui, kó ꞌbíꞌmájín.
19Néná ta̱kuítsí xi katsjaá tꞌanangii̱
kó jmí xota̱ xi xín nangi kisꞌiejín ngi̱jii̱n.
20Xota̱ xi ꞌniú ndajiín, ngayeje ni̱xtjin nga ꞌbíndo nga tsie kjo̱a̱ni̱ma̱a̱ niꞌánkjaꞌatio,
kó kui xota̱ xi ndajiín, nde bejín kókjiꞌi ni̱xtjin xi katseꞌeé.
21Ngatsjéni̱xtjin nga ntꞌié ni xi mindyiandíkoón,
kó kjiꞌanga sakoó kjo̱a̱xió,
fochó xota̱chejeé, kó kjánjo̱.
22Sꞌijinjiín nga kjo̱tjongii̱ yojoo̱ nínga tikón kjo̱a̱bo̱yaa̱,
kó ta̱kuítsí ni xi koyaa̱ nga ki̱cha̱ si̱ꞌankꞌienni,
23ríkieé skji̱ni̱e̱ yojoo̱,
jè be nga je tsá ko̱yà.
24Kuíni nga kjo̱a̱ni̱ma̱ foaꞌatio ko̱jo tsakjón má,
xikó maá ngo nda̱ re xi je ku̱i̱xkánjo̱,
25kuíni nga bo̱a̱ kjimaa̱ ngatꞌa̱ iskjininkꞌaa̱ tsja Néná,
kó nkꞌakon kamá kondraa̱ kui xi tsi̱ꞌe̱ ngayeje ngaꞌniuú.
26Achichí nkꞌakon kamá nga kijítsꞌuieé Néná,
nga tjiyátsjà ni xi bosikójo nga fí kjo̱a̱xcha̱án.
27Kje̱n ngaskande bi̱ yiꞌii̱ nga xinié,
kó ndáyaá achichí yiꞌi,
28ki̱a̱ kisꞌijña na̱xi̱ńdáꞌniú xí je kjiꞌitiya,
ndiꞌa xi je ngiti̱ jmíjín xi síndoyá ngatꞌa̱ je ixóndó,
29jè ngiti̱ ndajín ko̱e̱je̱e̱, kó kjo̱a̱cho̱o̱n jè tsá kju̱i̱e̱,
kó jè ngiti̱ ka̱matsiejín ngase ni xi tjiín.
30Ka̱májín kjo̱tjonginii̱ yojoo̱ kjo̱a̱bo̱yaa̱,
xikónií ngo yá xí je kití ka̱ma,
¡Néná sa̱ꞌínkjié nga ta̱ ngo ndi̱yà ko̱ótsiérií tjo̱o̱ tsꞌoa!
31Xota̱ xi ꞌniú ndajiín ngata̱ maꞌniátakónjín kjo̱a̱a̱ ni xi jmí ni chjíjiín,
ngatꞌa̱ kuí boá kui nii̱ xi xꞌi̱ṉcha̱joni.
32Ngindie ni̱xtjin ko̱yà,
kó kꞌuiéjiín xota̱ tji̱e̱,
33bo̱a̱ ka̱maa̱ xikoó tostsi̱je̱è xí boajájiín to,
ko̱jo tsi xikó maá yáꞌolibo̱ xi bixó naxoó.
34Xota̱ xi ꞌniú ndajiín kju̱i̱e̱, kó jmí xota̱ tji̱e̱ kꞌuiéjiín,
kó ndiꞌaa̱ xota̱ xi ma cho̱n nga ꞌboṉcha̱a̱, ndiꞌí boá xi sa̱ꞌínkjiéni.
35Ni xi ndiso boá xi kjimaxchá ngi̱jin yojoo̱,
ngatꞌa̱ xikoó tsi ndí tsaꞌa ko̱jo tsi ndí tsijeén kjo̱a̱a̱ ni xi ndajiín.
Currently Selected:
Joo̱b 15: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
