Oseaa̱ 3
3
Oseaa̱ íchjítjé nga kamándé kuí na̱masiee̱n
1Kó ti̱ bi̱ ti̱ katsó nginína Néná:
Tꞌen nginí ji, kó ti̱ꞌintjé ji kui xota̱chjo̱on xí tsꞌéntꞌaa̱kjo̱a̱ xi̱ꞌii̱n, kui xi kje̱ꞌe jè tjítsꞌentjó,
kó bo̱a̱ tsꞌén ti̱ꞌintjé ji xikó tsꞌén tjoó Néná xota̱ Israee̱l,
ndatsi ne xi kje̱ꞌe tjimátji̱ngii̱,
kó achichí mejeén pan tostsi̱je̱è xí tsꞌenkꞌásꞌieén kui nee̱.
2Kó án, tsꞌatsie an kui chjo̱on, kó tjiꞌún to̱ntiboa ichjí án, ko̱jo ján úchán kilo̱ sebanda̱, 3sꞌe̱ bi̱ kixiáa̱n:
Án boá xi ku̱i̱ndyinje̱ní kjín ni̱xtjin,
ta̱nga mejénjínna nga si̱ꞌinmasin ji yojòo̱,
ti̱nde ka̱májín tsi kje̱ꞌe xíꞌín tsjajníje̱ ji,
ti̱nde an kꞌuiéjínna kje̱ꞌe chjo̱on.
4Ngatꞌa̱ xota̱ Israee̱l achichí kjín ni̱xtjin nga jmí re kꞌuiéjiín, ti̱nde kꞌuiéjiín ngo ngito̱ko̱, ti̱nde sa̱ꞌínkꞌasꞌienjín ngase kjo̱a̱tjó, ti̱nde ngiti̱ kꞌuiéjiín a̱si̱én, ti̱nde kꞌuiéjiín efoo̱nd, ti̱nde kꞌuiéjiín ni xi ne ka̱tso̱o̱. 5Jaskan ngije jaꞌa ni̱xtjin, xota̱ Israee̱l kji̱ndi̱bá nginí, kó ko̱ngase Néná, kui xi Nee̱, ko̱jo Ndabii̱ kui xi ree̱ ma, kó ngaskande kjo̱tsie má nga ko̱e̱je̱koo̱n Néná, ko̱jo kjo̱a̱a̱ kjo̱a̱ni̱ma̱takoón, ngije kju̱i̱e̱tꞌani ni̱xtjii̱n.
Currently Selected:
Oseaa̱ 3: MAIX
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
