Oseaa̱ 14
14
Xota̱ Israee̱l chjiéngá sa̱ꞌínkꞌoyà yojoo̱
1Oseaa̱, bi̱ katsoó xota̱ na̱xi̱ńdá Israee̱l:
Jún xota̱ na̱xi̱ńdá Israee̱l, ti̱ꞌankꞌoyàjnú yojojnú,
kó ndibáchon nginíjnúu̱ Néná kui xi Nejnú,
ngatꞌa̱ ta̱ngatꞌanií jéjnú nga tsꞌákanijnú.
2Ni̱ma̱tꞌínjnúu̱ Néná, kó ti̱ꞌankꞌoyàjnú yojojnú, bi̱ tꞌínjnúu̱:
Chje̱ꞌéxínjne̱ ngayeje ni xi ꞌniú ndajiín, kó nda ti̱ꞌinjo̱ꞌojne̱,
kó ko̱ndàjne̱ nga si̱ꞌantsjajne̱ ji.
3Xota̱ Asiriaa̱ ka̱májiín kꞌo̱xiéꞌájne̱,
jè ngiti̱ jmí ndi̱je̱ ku̱i̱ndyionsónjínjne̱,
ti̱nde ngiti̱ bi̱jín kꞌuínjne̱ ni xi katsꞌénda ndsa̱jne̱:
¡Jún boá xi nejne̱ jún!
Ngatꞌa̱ xota̱ xi xꞌi̱a̱a̱n, ta̱ Jí tsí xi Nejne̱ xi ni̱ma̱ maa̱.
Néná katsóyàtjón nga sa̱ꞌínchikonñé xota̱ na̱xi̱ńdaá
4Néná, bi̱ katsoó xota̱ na̱xi̱ńdaá:
Án boá xi sa̱ꞌíndaya An kjo̱a̱a̱ nga kisꞌijinjiín An,
kó sa̱ꞌintjó An ta̱ngatꞌanii̱ kjo̱a̱ndana,
ngatꞌa̱ jè jaꞌaxíi̱n kjo̱a̱xchánna.
5Án boá xi ka̱ma An xikoó xoñoo̱, tsi̱ꞌe̱ xota̱ na̱xi̱ńdá Israee̱l,
kó kꞌuieé naxó, xikoó naxó ndáfoaa̱,
kó ꞌniú kꞌuíndo ja̱ma̱a̱, xikoó yákón xi tjín nangi Líbanoo̱.
6ꞌNiú tsingá kꞌuíndo tjiaa̱, kó tsjakon ka̱ma xikoó yáꞌoliboo̱,
kó kjo̱a̱ꞌándà sije̱n sije̱n xikoó yákón xi tjín nangi Líbanoo̱.
7Kó xi síndo mára ngindie tji̱nkꞌi̱e̱én kjo̱e̱ꞌe̱ꞌóyá nginí,
kó sa̱ꞌínxchá to ndso̱ko̱a̱n ṉño̱paa̱n,
kó ko̱a̱ja̱a̱ naxó, xikoó ńꞌniuú tostsi̱je̱è,
kó xcha̱ndikón xikoó bino̱ xi tjín nangi Líbanoo̱.
8Xota̱ tji̱e̱e̱ Efraii̱n, bi̱ katsoó:
Kó sa̱ꞌín ngase án kui ne xi jmí ni chjíjiín,
kó Án kuintꞌièe̱, sꞌe̱ skòo̱n kui,
kó kuí bi̱ ka̱tso̱: Án boá xi xikoó ngo yá xkjuién xi tsjá to.
9ꞌYání bo̱a̱ xota̱ xi kjínkón xi makjiín kui nii̱.
Ko̱jo ꞌyání bo̱a̱ xota̱ xi tjiín kjo̱a̱kjíntakoón tsi̱ꞌe̱ nga sku̱i̱e̱ kui nii̱.
Ngatꞌa̱ ndi̱yà xí tsi̱ꞌe̱ Néná kixi̱ boá,
kó xota̱ xi kixi̱i̱ boá xi ki̱a̱ ꞌbítso̱ma,
ta̱nga xota̱ xi kitikjo̱a̱a̱ kuí boá xi stingí, kó bixó.
Currently Selected:
Oseaa̱ 14: MAIX
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
