Oseaa̱ 13
13
Néná ko̱tíjeé xota̱ na̱xi̱ńdá Israee̱l
1Kjiꞌanga tsíchji̱a̱ xota̱ tji̱e̱e̱ Efraii̱n jatsiéndíkón xotaa̱,
kó kamáyàndikón ki̱a̱ na̱xi̱ńdá Israee̱l,
ta̱nga ta̱ngatꞌanii̱ ne Baa̱l nga katsꞌénjé, kó kiniꞌánkjiesón.
2Kó ngotꞌe̱ ꞌne̱ saꞌniú saꞌniú ngase ndyi̱tsꞌénjé,
ndyi̱tsꞌénńdá to̱ntiboaa̱ nga ndyi̱tsꞌènda a̱sie̱én ne,
xikó tsꞌén tsꞌénda xota̱ xi ꞌniú maá nga tsꞌén kuí xaá.
¡Kósꞌe̱ bi̱ tsoó xotaa̱: Ti̱ꞌankꞌasꞌiénjnúu̱ kjo̱a̱tjó,
kó tatíndsoꞌájnú kui ne xi ja̱kon ndií cho̱yojo ma koón!
3Kuíni nga kjo̱a̱mindyioo̱n xikónií ṉdi̱xa̱ xi ngotjón chií fotjokjà nga ta̱jño̱ó ka̱ma,
ko̱jo tsi xikoó maá xoño xi tsá chaja,
ko̱jo tsi xikoó maá xka̱ kixí xi fíjo̱ tjo̱o̱,
ko̱jo tsi xikoó maá ṉdi̱ xi fotjoo̱ ngo orjno̱.
4Ta̱nga ndeskande nangi Ejiptoo̱, Án boá xi Nejnú má An.
Ngiti̱ kꞌuiéjínjnú kje̱ꞌe ne tsi Ánjín,
ti̱nde ngiti̱ kꞌuiéjínjnú ingo xi kꞌo̱xiéꞌájnú tsi Ánjín.
5Án boá xi askonjnúꞌun ki̱a̱ nangi kixií,
ki̱a̱ nangi xi ta̱nisién ꞌniú kixií.
6Ta̱nga ki̱a̱ ngi̱jin ndi̱xcho̱o̱ kasakoo̱ ni xi iskjinie,
kó ngije kitsiee̱, kamá nkꞌakon, kósꞌe̱ katsꞌénchíyána.
7Kuíni nga ngotꞌe̱ ꞌne̱, Án xí ka̱ma An xikoó ngo xandi̱je̱,
kó skonda An ki̱a̱ tꞌa ndi̱ya̱à xikoó ngo xaꞌindó.
8Kó skjanjo̱ An xikoó ngo cho̱ꞌoso̱ xi kachjeꞌéxiín ndií,
kꞌo̱xié An ini̱ma̱a̱, kó sa̱ꞌinxi̱ An, ko̱jo skjíni̱e̱ An xikoó ngo xandi̱je̱ chjo̱on.
9Ta̱ngatꞌanii̱ nga Án ikixkánjo̱jnúꞌun,
kuíni nga je kichajájnú jún xota̱ Israee̱l,
ngatꞌa̱ Án boá xi bosiko̱jojnúꞌun katsaki.
10Kósꞌe̱ ñá tikón rejnú ꞌne̱, tsi̱ꞌe̱ nga kui kꞌo̱xiéꞌájnú ngayeje na̱xi̱ńdáꞌniújnú.
Ñá síndo nendiꞌamasienjnú xi bi̱ kiꞌmíjnúu̱: Te̱ꞌéjne̱ ngo re ko̱jo xota̱ ngito̱ko̱.
11Achichí tjítsꞌenxchán An nga katsjajnúꞌun re,
kó kjiꞌanga ꞌniú kamáxtína jaꞌaxínjnúꞌun.
12Ta̱nga tjichíyajínna ni xi ꞌniú ndajín xi katsꞌén xota̱ tji̱e̱e̱ Efraii̱n,
ngatꞌa̱ jeé to̱kó tikón.
13Sꞌe̱ kji̱ndi̱baá xi so xi ndakjaa̱n, xikoó ngo na̱ xi je stse̱n ndií,
ngatꞌa̱ chi̱ni kuí ndií, kó nde kji̱e̱ ꞌbíjñandajín tsi̱ꞌe̱ nga stse̱en.
14Kó, a Án boá xi kꞌoxiéꞌá An ngi̱yaa̱ nga̱tsjo̱ó.
A Án boá xi kꞌoxiéꞌá An ngi̱ya tsja kjo̱a̱bo̱yaa̱.
Ji kjo̱a̱bo̱ya, ñá tikón chiꞌìi̱n ꞌne̱.
Ji nga̱tsjo̱ó, ñá tikón kjo̱a̱niꞌánkjiée̱ ꞌne̱.
Jè ngiti̱ ni̱ma̱jín ka̱mana.
15Ndatsi nda ko̱e̱je̱e̱ ngayeje ni xi sa̱ꞌín ngi̱jii̱n ntsꞌi̱e̱,
ta̱nga kji̱ndi̱bá ngo tjo̱ xi ndibání xtji̱e̱e̱n nínga fotjo tsꞌueé,
kó xi̱ya ndáńchꞌií, ngiti̱ jmí ndáfoa kꞌuiéjiín.
Kó Néná kjo̱a̱ꞌáxiín ngayeje kjo̱a̱cho̱o̱n ko̱jo ni tsjakon xi tjiín.
16Ta̱ngatꞌanii̱ nga Nee̱ askjanjo̱, kuíni nga xota̱ Samariaa̱ kꞌuieé jé,
kó ki̱cha̱ndojó si̱ꞌankjiesónni,
ndíndaa̱ kjotójó nga̱són tꞌanangii̱ ngaskande nga ko̱yà,
kó ínchjín xí ndyi̱yaꞌa ndií, jó tjín si̱ꞌan.
Currently Selected:
Oseaa̱ 13: MAIX
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
