Esndraa̱ 10
10
Nga ikiyotji̱ngii̱ ínchjín xi xín nangi chji̱a̱nii̱
1Kó tji̱e̱nga Esndraa̱ tsꞌénchji̱a̱a̱ Néná nga tsꞌéntsóyà ngayeje kui nii̱, nga tsꞌénkjandá ko̱jo nga sikoón tikoó ki̱a̱ Ndiꞌaa̱ Néná, achichí kamá xota̱ xi kamátikó nga ngo foaꞌatjiyajoo̱n kui, xi chjo̱on xí xi̱ꞌin, ko̱jo jákjíndí, kó ngayeje xota̱ na̱xi̱ńdaá achichí ndasen askjandá. 2Kósꞌe̱ Sekaniyaa̱ ndií Jeiee̱l, ngo ndií Elaa̱n, tsíchji̱a̱ nga bi̱ katsoó Esndraa̱: Kixi̱jín kamájne̱ kó kiniꞌánjéjne̱ kondra̱a̱ Néná, nga kixindyionjo̱jne̱ ínchjín xí xín nangi chji̱a̱ni xi tjín kuí nga̱sondiee̱, ta̱nga to̱kó tjínrií kjo̱a̱chiyá xota̱ Israee̱l kjo̱a̱a̱ kui nii̱. 3Ngotꞌe̱ ꞌne̱, ngo ni kꞌuíndajo̱ Néná, tsi̱ꞌe̱ nga ko̱ꞌna̱xié ngayeje ínchjiín ko̱jo ndí xí kisꞌiee̱, xikó katsó ni xi atíxoma Ndi̱a̱na, ko̱jo xota̱ xi fotsié má ntꞌieé kjo̱a̱botíxomaa̱ Néná, kó ngatama kui nii̱ xikó tsó kjo̱a̱kitii̱. 4¡Ti̱sítji̱n ji tsobo̱a̱, ngatꞌa̱ jí boá xi tsoboá nga kui xaá xi si̱ꞌin ji, kó ji̱n ki̱a̱ ku̱i̱ndyionjo̱jne̱ ji! ¡Ti̱ꞌingaꞌní jí, kó tꞌítsꞌi̱yenii̱ nga si̱ꞌin ji kui xaá! 5Kósꞌe̱ Esndraa̱ jastjíe̱n, kó katsꞌén nga katsjá tsꞌoa ngito̱ko̱o̱ já chináꞌmii̱, ko̱jo já lebitaa̱, ko̱jo ngayeje xota̱ Israee̱l, nga bo̱a̱ tsꞌén sa̱ꞌinkjatjosón xikó tsó kui eén, kó bo̱a̱ katsꞌén kui jaá. 6Kó ngije jastjíe̱n Esndraa̱ ki̱a̱ kje̱n Ndiꞌaa̱ Néná, tsꞌasꞌien ki̱a̱ ngi̱yaꞌmaa̱ Joanaa̱n ndií Eliasii̱b. Kó nga kisꞌijña ki̱a̱a̱, jmí pan iskjiniejín, ti̱nde jmí ndáfoa katsꞌejín, ngatꞌa̱ ndasen kisꞌijña kjo̱a̱a̱ jé xí katsꞌén xota̱ xi tsangínjo̱ꞌniuú. 7Kó kandokjo̱a̱a̱ ngayeje xota̱ xi tsangínjo̱ꞌniuú xi chji̱a̱ni na̱xi̱ńdá Jundáa̱, ko̱jo na̱xi̱ńdáꞌniú Jerusalee̱n tsi̱ꞌe̱ nga ka̱matikó ki̱a̱ na̱xi̱ńdáꞌniú Jerusalee̱n, 8kó ngayeje xi kjo̱chójín xi ma jaán ni̱xtjii̱n, xikó tsó ni xi índa já xí botixómaá ko̱jo xota̱ xi xchaá, ngayeje ngi̱ndie nínga síndo ni xi ndajín ka̱ma, kó nga ti̱ kui xi̱ꞌba̱ ngiti̱ ki̱a̱jín ku̱i̱chji̱a̱ni xota̱ xi je kjindibáꞌoyá nginí nga tsangínjo̱ꞌniuú. 9Kó kamátikó ngayeje jáxíꞌín xi chji̱a̱ni xota̱ tji̱e̱e̱ Jundáa̱ ko̱jo xota̱ tji̱e̱e̱ Benjaa̱ ki̱a̱ na̱xi̱ńdáꞌniú Jerusale̱n nga ján ni̱xtjin xi ikꞌíjñaá nga kjo̱chó. Kó ni̱xtjin kaa̱n sá xí ma nijaa̱n má, nga ngayeje xota̱ na̱xi̱ńdaá kamátikó ki̱a̱ Ndiꞌaa̱ Néná, kó ngaskande jatsié má kjo̱a̱a̱ kui nii̱, ko̱jo kjo̱a̱a̱ stséꞌniú xí tsaꞌaá. 10Kó chináꞌmi Esndraa̱ jastjíe̱n nga bi̱ katsó: Jún ndajín kjiꞌi ni xi kiniꞌánjnú ngatꞌa̱ kiniꞌánjéjnú nga kixindyionjo̱jnú ínchjín xí xín nangi chji̱a̱ni, kó tsie ngase kiniꞌánjnú jeé xota̱ Israee̱l. 11Kuíni nga ngotꞌe̱ ꞌne̱, ti̱ꞌankiejnú Néná, kui xi Nee̱ xota̱ xi xchájnú, kó ti̱ꞌánjnú ni xi tsja maa̱ kui, ti̱ꞌankjinjnúu̱ yojojnú nangi xi tjín kuí tꞌanangii̱ ko̱jo ínchjín xí xín nangi chji̱a̱nii̱ nga. 12Kósꞌe̱ ngayeje xota̱ na̱xi̱ńdaá, ꞌniú askjandáyá nga bi̱ katsó: ¡Jo̱o̱n! Bo̱a̱ si̱ꞌanjne̱ ngayeje ni xi je kase ji, 13ta̱nga achichí má xotaa̱, kó ni̱xtjii̱n stsé boá ngotꞌe̱, kó xchikjo̱a̱jínjne̱ nga ki̱a̱ ku̱i̱ndyiajne̱ ndi̱tsee̱n, kó kui xaá jmí tsi jó tsi ján ni̱xtjin ka̱mani, ngatꞌa̱ achichí májne̱ xi bo̱a̱ tsꞌén kiniꞌánjéjne̱. 14Ngotꞌe̱ ꞌne̱ xota̱ xi botixómaá xi ngatama ngito̱ko̱o̱ xota̱ xi matikoó, kó ngayeje xota̱ xi xi síndojo̱ ínchjín xi xín nangi chji̱a̱ni, ngatjandibá chi̱bo̱a̱ ko̱jo ni̱xtjin xi je kꞌuijñaá, kó ngatjandibájo̱ xota̱ xi xchaá nga ngo nga ngo na̱xi̱ńdáꞌniú ko̱jo xota̱ xi nendiꞌamasiee̱n, ngaskande nga je katjoꞌóxín kui kjo̱a̱xchán ꞌniuú Néná kjo̱a̱a̱ kui nii̱. 15Ngototo Jonataa̱n ndií Asaee̱l ko̱jo Jaasiyaa̱ ndií Tikbaa̱ xi kamámejénjiín, ko̱jo Mesulaa̱n, ko̱jo Sabetai̱ kui xi xota̱ lebitaa̱ nga xi asíko̱jo. 16Ta̱nga xota̱ xi tsangínjo̱ ꞌniuú kui xi je jeꞌeꞌoyá nginií bo̱a̱ tsꞌén katsꞌén kui nii̱. Kó chináꞌmi Esndraa̱ boá xi jaꞌájin ngito̱ko̱o̱ xota̱ ndiꞌaa̱ na̱ꞌmii̱, kó ngayejee̱ nga xki̱ jaꞌén kachjeꞌéjin. Ni̱xtjin tjoón sá xí ma tiee̱ má nga kisꞌińdo nga askjoyáni kui kjo̱a̱a̱. 17Kó ni̱xtjin tjoón sá xí tjoón kamándo̱jo̱ó nga askjoyáni kui kjo̱a̱a̱, tsi̱ꞌe̱ xota̱ xi ínchjín xí xín nangi chji̱a̱ni kisꞌińdojo̱. 18Kó ngi̱jii̱n ndií já chináꞌmii̱ kasako nga tjín xí kisꞌińdojo̱ ínchjín xí xín nangi chji̱a̱ni, ko̱jo tjín ndií Jesuaa̱ ndií Josandaa̱k, ko̱jo já ntsꞌi̱e̱ kui xi Maasiyaa̱, ko̱jo Eliesee̱r, ko̱jo Jarii̱b, ko̱jo Jendalíyaa̱. 19Kó ndse̱je̱n kamá nga índa nga ko̱ngatji̱ngii̱ ínchjiín, kó nga kui xi konnii̱, ngo cho̱tsa̱nga̱ xi kui tsꞌénxchá katsꞌenkꞌasꞌien kjo̱a̱a̱ jé xí katsꞌén. 20Xi chji̱a̱ni ndií Imee̱r, kuí boá xi: Ananii̱, ko̱jo Sebandiyaa̱. 21Xi chji̱a̱ni ndií Arii̱n, kuí boá xi: Maasiyaa̱, ko̱jo Eliyaa̱, ko̱jo Semayiaa̱, ko̱jo Jeyiee̱l, ko̱jo Usiyaa̱. 22Xi chji̱a̱ni ndií Pasuu̱r, kuí boá xi: Elioenai̱, ko̱jo Maasiyaa̱, ko̱jo Ismaee̱l, ko̱jo Natanaee̱l, ko̱jo Josabaa̱nd, ko̱jo Elasaa̱. 23Xi chji̱a̱ni xota̱ Lebitaa̱, kuí boá xi: Josabaa̱nd, ko̱jo Simeii̱, ko̱jo Kelayiaa̱ nda̱ Kelitaa̱, ko̱jo Jundáa̱ ko̱jo Eliesee̱r. 24Xi chji̱a̱ni já xí siee̱, kuí boá xi: Eliasii̱b, xi chji̱a̱ni já xí konda nga̱ntjo̱a̱a̱, kuí boá xi: Saluu̱n, ko̱jo Telee̱n, ko̱jo Urii̱. 25Xi chji̱a̱ni xota̱ tji̱e̱e̱ Israee̱l, kuí boá xi: Ndií Paroo̱, kuí boá xi: Ramiyaa̱, ko̱jo Jesiyaa̱, ko̱jo Malkiyaa̱, ko̱jo Mijamii̱n, ko̱jo Eleasaa̱, ko̱jo Malkiyaa̱, ko̱jo Benaniyaa̱. 26Xi chji̱a̱ni ndií Elaa̱n, kuí boá xi: Mataniyaa̱, ko̱jo Sakariyaa̱, ko̱jo Jeyiee̱l, ko̱jo Abndii̱, ko̱jo Jeremoo̱t, ko̱jo Eliyaa̱. 27Xi chji̱a̱ni ndií Satuu̱, kuí boá xi: Elioenai̱, ko̱jo Eliasii̱b, ko̱jo Mataniyaa̱, ko̱jo Jeremoo̱t, ko̱jo Sabaa̱nd, ko̱jo Asisaa̱. 28Xi chji̱a̱ni ndií Bebaii̱, kuí boá xi: Joanaa̱n, ko̱jo Ananiyaa̱, ko̱jo Sabaii̱, ko̱jo Atlaii̱. 29Xi chji̱a̱ni ndií Banii̱, kuí boá xi: Mesulaa̱n, ko̱jo Maluu̱k, ko̱jo Andaliyaa̱, ko̱jo Jasuu̱b, ko̱jo Seaa̱l, ko̱jo Ramoo̱t. 30Xi chji̱a̱ni ndií Pajaa̱t-Moaa̱b, kuí boá xi: Andnaa̱, ko̱jo Kelaa̱l, ko̱jo Benaiyaa̱, ko̱jo Matatiyaa̱, ko̱jo Besalee̱l, ko̱jo Binuii̱, ko̱jo Manasee̱. 31Xi chji̱a̱ni ndií Arii̱n, kuí boá xi: Eliesee̱r, ko̱jo Isiyaa̱, ko̱jo Malkiyaa̱, ko̱jo Semeyiaa̱, ko̱jo Simeoo̱n, 32ko̱jo Benjaa̱, ko̱jo Maluu̱k, ko̱jo Semariyaa̱. 33Xi chji̱a̱ni ndií Asuu̱n, kuí boá xi: Matenaii̱, ko̱jo Matataa̱, ko̱jo Sabaa̱nd, ko̱jo Elifelee̱t, ko̱jo Jeremaii̱, ko̱jo Manasee̱, ko̱jo Simeii̱. 34Xi chji̱a̱ni ndií Banii̱, kuí boá xi: Mandaii̱, ko̱jo Amraa̱n, ko̱jo Uee̱l, 35ko̱jo Benaiyaa̱, ko̱jo Bendiyaa̱, ko̱jo Keluii̱, 36ko̱jo Baniyaa̱, ko̱jo Meremoo̱t, ko̱jo Eliasii̱b, 37ko̱jo Mataniyaa̱, ko̱jo Matenaii̱, ko̱jo Jaasaii̱, 38ko̱jo Banii̱, ko̱jo Binuii̱, ko̱jo Simeii̱, 39ko̱jo Selemiyaa̱, ko̱jo Nataa̱n, ko̱jo Andayiaa̱, 40ko̱jo Maknandebaii̱, ko̱jo Sasaii̱, ko̱jo Saraii̱, 41ko̱jo Asaree̱l, ko̱jo Selemiyaa̱, ko̱jo Semariyaa̱, 42ko̱jo Saluu̱n, ko̱jo Amariyaa̱, ko̱jo Kosiee̱. 43Xi chji̱a̱ni ndií Jeyiee̱l, kuí boá xi: Matatiyaa̱, ko̱jo Sabaa̱nd, ko̱jo Sebinaa̱, ko̱jo Jandau̱, ko̱jo Joee̱l, ko̱jo Benaiyaa̱. 44Ngayeje kui jaá xi kisꞌińdojo̱ ínchjín xí xín nangi chji̱a̱ni, kó tjín xí kisꞌiee̱ ínchjín xí je nijan kisꞌiejoo̱ ndí.
Currently Selected:
Esndraa̱ 10: MAIX
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
