1 Samuee̱ 31
31
Nga kꞌien Sauu̱l ko̱jo jaá
(1Kr 10:1-12)
1Kó tji̱e̱nga xota̱ Filisteaa̱ ndyi̱kjánjo̱ xota̱ Israee̱l, xota̱ Israee̱l tsanga xtji̱e̱e̱n kje̱n xota̱ Filisteaa̱, kó ki̱a̱ na̱xi̱ Ngilboa̱ jesón ngayejee̱. 2Kó xota̱ Filisteaa̱ kijítji̱ngi tiñaa̱ Sauu̱l ko̱jo ndií, kó katsꞌénkꞌién ndií Sauu̱l kui xi ꞌmí Jonataa̱n, ko̱jo Abinandaa̱b, ko̱jo Malkisúaa̱. 3Kó ꞌniú ngase ikixkánjo̱ Sauu̱l, kó já xí kjiní yáyojoó jachótji̱ngii̱, kó ꞌniú katsꞌénꞌoón. 4Kósꞌe̱ Sauu̱l, bi̱ katsoó nda̱ xi boaꞌa ni xi kjánjo̱:
—ꞌNa̱xié ji ki̱cha̱ndojóo̱, kó ti̱ꞌinkjaꞌextikjéní, tsájmi̱ kui xota̱ xi jmíjiín sirkunsisioo̱n sa̱ꞌínkꞌiénna, sꞌe̱ ko̱jno̱chana ngijee̱.
Ta̱nga kui nda̱ xi koo̱n kui, kamámejénjiín, ngatꞌa̱ achichí katsakjónní. Kósꞌe̱ Sauu̱l iskjíbé ki̱cha̱ndojoó, kó asiénnijín, sꞌe̱ ti̱kuii tsꞌajminieé yojoo̱.
5Kó kui nda̱ xi koo̱n, nga kamábe nga je kjiꞌme Sauu̱l, ti̱ bo̱a̱ ti̱ tsꞌén katsꞌénkꞌién yojoo̱ kui nga, tsi̱ꞌe̱ nga nijan kꞌien Sauu̱l. 6Kó bo̱a̱ tsꞌén kui ni̱xtjii̱n kꞌien Sauu̱l, ko̱jo nga ján ndií, ko̱jo nda̱ xi koo̱n, ko̱jo ngayeje jáxíꞌín xi síndojo̱.
7Kó kjiꞌanga xota̱ Israee̱l, xi kisꞌińdo ngayeje kui nangi soón xi ingoboaá ndejèꞌ Jorndaa̱n, kamábe nga je ndyi̱monga xota̱ Israee̱l, ko̱jo nga je jesón Sauu̱l ko̱jo jaá, índomasien na̱xi̱ńdáꞌniuú, kó tsanga, kósꞌe̱ xota̱ Filisteaa̱ jachó kui ngi̱ndiee̱, sꞌe̱ ki̱a̱ kisꞌińdo.
8Kó nga kamángindyiojón, xota̱ Filisteaa̱ jachókjaꞌáxiín ni xi tjiín xota̱ xi je jesoón, kó kamábe nga ki̱a̱ kjiyojo kꞌien Sauu̱l ko̱jo nga ján ndií ki̱a̱ na̱xi̱ Ngilboa̱. 9Kó tsatiesen, sꞌe̱ jaꞌáxiín ni xi bixkánjoo̱, kó kiꞌmíyà kui nii̱ ngayeje nangii̱ Filisteaa̱, ko̱jo ki̱a̱ na̱ngo̱xi̱i̱ ne xi tsꞌénda kui xotaa̱, ko̱jo ngi̱jii̱n xota̱ na̱xi̱ńdaá.
10Kó ki̱a̱ yejénboaꞌa ni xi kjánjo̱ ki̱a̱ na̱ngo̱xi̱i̱ naa̱ ne Astaroo̱t, kó ki̱a̱ akjatꞌa yojo kꞌiee̱n, ki̱a̱ nga̱ndee̱ na̱xi̱ńdáꞌniú Bee̱t-Saa̱n.
11Ta̱nga kjiꞌanga xota̱ na̱xi̱ńdáꞌniú Jabee̱, ngi̱ndie xi chji̱a̱ni nangi Ngalaa̱nd, tsintꞌié ngayeje ni xi xota̱ Filisteaa̱ katsꞌénjo̱ Sauu̱l, 12jastjíe̱n ngayeje já xí chꞌokoo̱n, kó kijí nga ngo kui ni̱xtji̱e̱e̱n, sꞌe̱ tsꞌenje̱ntꞌa yojo kꞌiee̱n Sauu̱l, ko̱jo yojo kꞌiee̱n nga ján ndií ki̱a̱ xoó na̱xi̱ńdáꞌniú Bee̱t-Saa̱n, sꞌe̱ kijí na̱xi̱ńdáꞌniú Jabee̱, kó ki̱a̱ ítí kui yojoo̱. 13Sꞌe̱ iskjíbé ńdaa̱, kó ki̱a̱ ínijín ngo ngindie yá tamarisko̱ ki̱a̱ na̱xi̱ńdáꞌniú Jabee̱, kó yito ni̱xtjin katsꞌénkjaꞌa kjindiá yojoo̱ ngijee̱.
Currently Selected:
1 Samuee̱ 31: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
