Mìn-su Ki 3

Â-lùn ke Lai-é

1Song-chú chhai Sî-nai sân tui Mô-sî kóng-fa ke sṳ̀-chiet, Â-lùn lâu Mô-sî ke heu-thoi yû hâ-poi liá-têu ngìn: 2Â-lùn yû si-ke lai-é: chóng-chṳ́ Nâ-tap, kì hâ-lòi he Â-pí-fu, Yî-li-â-sat, Yî-thâ-mâ. 3Kì-têu chhiòn-phu su kò-yù, su sṳn-chṳt cho chi-sṳ̂. 4Chúng-he Nâ-tap lâu Â-pí-fu chhai Sî-nai khóng-yâ hiong Song-chú hien mò ha̍p-fap ke fó ke sṳ̀, sí chhai Song-chú mien-chhièn. Kì-têu mò lai-é, só-yî Yî-li-â-sat lâu Yî-thâ-mâ chhai Â-lùn hàn-chhôi ke sṳ̀ chhiu cho chi-sṳ̂.

Chṳ́-phai Li-vi-ngìn Cho Chi-sṳ̂

5Song-chú tui Mô-sî kóng: 6“Ngì oi thu Li-vi kî-chhu̍k chhièn-lòi, phai kì-têu cho Â-lùn chi-sṳ̂ ke phu̍k-ngìn. 7Kì-têu oi phan-lî sṳn-chong-phùng ke sṳ, thoi chi-sṳ̂ lâu chhiòn fi-chung chṳp-hàng ngim-vu. 8Kì-têu oi kón-lî sṳn-chong-phùng só-yû ke yung-phín, thoi khì-thâ ke Yî-set-lie̍t-ngìn chṳp-hàng ngim-vu, phan-lî sṳn-chong-phùng ke sṳ. 9Li-vi-ngìn he tui Yî-set-lie̍t-ngìn chûng kién-sién chhut-lòi ke, kì-têu vì-yit ke chit-ngim he fu̍k-sṳ Â-lùn lâu kì ke-têu lai-é. 10Ngì oi phai Â-lùn lâu kì ke-têu lai-é fu-chit chi-sṳ̂ ke chṳt-vu. Só-yû khì-thâ ke ngìn na-he kôn-sa̍p liá-ke chṳt-vu#3:10 “na-he kôn-sa̍p liá-ke chṳt-vu” ya-he yi̍t-cho “na-he chiap-khiun sṳn-chong-phùng”., yit-thin oi chhú sí-hìn.”

11Song-chú yu tui Mô-sî kóng: 12-13“Li-vi-ngìn liá-ha oi kûi-su̍k Ngài. Ngài chhṳ̀-sí Âi-khi̍p-ngìn só-yû ke thèu-thôi ke-ngit, Ngài chiông Yî-set-lie̍t tak-kâ ke chóng-chṳ́ lâu tak-chak thèu-sâng ke thèu-thôi, chhiòn-phu fûn-phe̍t vì-sṳn, kûi-pûn Ngài. Chúng-he, liá-ha Li-vi-ngìn oi thoi Yî-set-lie̍t chóng-chṳ́ ke thi-vi; kì-têu oi kûi-su̍k Ngài. Ngài he Song-chú.”

Li-vi-ngìn ke Ngìn-khiéu Thiàu-chhà

14Song-chú chhai Sî-nai khóng-yâ min-lin Mô-sî, kóng: 15“Ngì oi cheu chûng-chhu̍k lâu kâ-chhu̍k tên-ki Li-vi-ngìn, chhut-se yit-ke ngie̍t yî-song ke se-lai-é chhiòn-phu tên-ki hâ-lòi.” 16Mô-sî chhiu cheu Song-chú só min-lin ke hi tên-ki.

17Li-vi yû sâm-ke lai-é: Kiet-sun, Kô-hot, Mí-lâ-li;

kì-têu he Kiet-sun-chhu̍k, Kô-hot-chhu̍k, Mí-lâ-li-chhu̍k ke chú-siên.

18Kiet-sun yû lióng-ke lai-é: Li̍p-nì lâu Sṳ-mî.

19Kô-hot yû si-ke lai-é: Am-làn, Yî-sṳ̂-ha̍p, Hî-pak-lùn, Vû-siet.

20Mí-lâ-li yû lióng-ke lai-é: Mat-li lâu Mû-sṳ.

Liá-têu lai-é he tui Li-vi kî-chhu̍k chhòn hâ-lòi tak kâ-chhu̍k ke chú-siên.

21Kiet-sun chûng-chhu̍k yû Li̍p-nì lâu Sṳ-mî lióng-ke kâ-chhu̍k. 22Chhut-se yit-ke ngie̍t yî-song ke se-lai-é tên-ki ke chúng ngìn-su he chhit-chhiên ńg-pak ngìn. 23Liá chûng-chhu̍k oi chhai sî-phién, chhai sṳn-chong-phùng heu-poi ôn-yàng. 24Lâ-yî-le̍t ke lai-é Yî-li-ngâ-sat he liá chûng-chhu̍k ke chhu̍k-chóng. 25Liá chûng-chhu̍k oi fu-chit chóng-kón sṳn-chong-phùng, sṳn-chong-phùng tî-poi ke phùng-táng lâu ngoi-chhèn ke táng-koi, mùn-liàm, 26sṳn-chong-phùng lâu chi-thàn chû-vì thìn-yen ke chong-man, thìn-yen mùn ke mùn-liàm, lâu sok-è. Kì-têu oi fu-chit só-yû lâu liá-têu tûng-sî yû-koân ke sṳ-vu.

27Kô-hot chûng-chhu̍k yû Am-làn, Yî-sṳ̂-ha̍p, Hî-pak-lùn lâu Vû-siet si-ke kâ-chhu̍k. 28Chhut-se yit-ke ngie̍t yî-song ke se-lai-é tên-ki ke chúng ngìn-su he pat-chhiên liuk-pak ngìn. 29Liá chûng-chhu̍k oi chhai sṳn-chong-phùng nàm-phién ôn-yàng. 30Vû-siet ke lai-é Yî-li-sat-fán he liá chûng-chhu̍k ke chhu̍k-chóng. 31Kì-têu oi fu-chit chóng-kón yok-khui, kiûng-chok, tên-thòi, lióng-chho chi-thàn, chi-sṳ̂ chhai sṳn-só yung ke yung-phín, yî-khi̍p to sṳn-só mùn-héu ke mùn-liàm. Kì-têu oi fu-chit só-yû lâu liá-têu tûng-sî yû-koân ke sṳ-vu.

32Li-vi-ngìn ke chúng liâng-chhiu he chi-sṳ̂ Â-lùn ke lai-é Yî-li-â-sat; kì fu-chit kón-lî ke-têu chhai sṳn-só chṳp-hàng ngim-vu ke ngìn.

33Mí-lâ-li chûng-chhu̍k yû Mat-li lâu Mû-sṳ lióng-ke kâ-chhu̍k. 34Chhut-se yit-ke ngie̍t yî-song ke se-lai-é tên-ki ke chúng ngìn-su he liuk-chhiên lióng-pak ngìn. 35Liá chûng-chhu̍k oi chhai sṳn-chong-phùng pet-phién ôn-yàng. Â-pí-hâi ke lai-é Sû-lie̍t he liá chûng-chhu̍k ke chhu̍k-chóng. 36Liá chûng-chhu̍k phai-hi fu-chit chóng-kón sṳn-chong-phùng ke kut-ka, vàng-kong, chhû-é, chhû-chho lâu liá-têu tûng-sî só-yû ke fu-khien. Kì-têu oi fu-chit só-yû lâu liá-têu tûng-sî yû-koân ke sṳ-vu. 37Kì-têu ya oi fu-chit chóng-kón thìn-yen ke chhû-é, chhû-chho, tâng-é lâu sok-è.

38Mô-sî, Â-lùn lâu kì ke-têu lai-é oi chhai tûng-phién, chhai sṳn-chong-phùng ke thèu-chhièn ôn-yàng. Kì-têu oi fu-chit thoi Yî-set-lie̍t-ngìn chṳp-hàng sṳn-só tî-poi ke sṳ-vu. Só-yû khì-thâ ke ngìn na-he kôn-sa̍p liá-ke chṳt-vu#3:38 Khon 3:10., yit-thin oi chhú sí-hìn. 39Mô-sî lâu Â-lùn chûn-cheu Song-chú ke min-lin, cheu chûng-chhu̍k tên-ki Li-vi-ngìn, pâu-hàm chhut-se yit-ke ngie̍t yî-song ke se-lai-é, nàm-ngìn tên-ki ke chúng-su he lióng-van lióng-chhiên ngìn.

Li-vi-ngìn Thoi Chóng-chṳ́ ke Thi-vi

40-41Song-chú tui Mô-sî kóng: “Yî-set-lie̍t só-yû ke chóng-chṳ́ chhiòn-phu oi kûi-pûn Ngài, só-yî oi cheu miàng-è tên-ki tak-ke chhut-se yit-ke ngie̍t yî-song ke Yî-set-lie̍t-ngìn ke chóng-chṳ́. Thùng-sṳ̀, Ngài siên-pu Li-vi-ngìn oi thoi kì-têu kûi-su̍k Ngài! Ngài he Song-chú. Ngài ya siên-pu Li-vi-ngìn ke thèu-sâng oi thoi só-yû thèu-thôi ke thèu-sâng kûi-su̍k Ngài.” 42-43Mô-sî chhiu cheu Song-chú ke min-lin, chiông Yî-set-lie̍t-ngìn só-yû chhut-se yit-ke ngie̍t yî-song ke chóng-chṳ́ chhiòn-phu tên-ki hâ-lòi, chúng-su yû lióng-van lióng-chhiên lióng-pak chhit-sṳ̍p sâm-ngìn.

44Song-chú tui Mô-sî kóng: 45“Liá-ha ngì oi chiông Li-vi-ngìn fung-hien pûn Ngài, lòi-thoi Yî-set-lie̍t-ngìn só-yû ke chóng-chṳ́, ya oi chiông Li-vi-ngìn ke thèu-sâng fung-hien pûn Ngài, lòi-thoi Yî-set-lie̍t-ngìn thèu-thôi ke thèu-sâng. Li-vi-ngìn oi kûi-su̍k Ngài; Ngài he Song-chú. 46Yîn-vi Yî-set-lie̍t-ngìn ke chóng-chṳ́ pí Li-vi-ngìn tô-chhut lióng-pak chhit-sṳ̍p sâm-ngìn, ngì yit-thin oi chiông liá-têu chóng-chṳ́ su̍k chón-hi. 47Cheu sṳn-só kûi-thin ke phêu-chún, tak-sà oi na̍p ńg chak ngiùn-pi. 48Ngì oi chiông liá thoi-su̍k chhièn pûn Â-lùn lâu kì ke-têu lai-é.”

49-50Mô-sî chhiu tui Yî-set-lie̍t-ngìn ke chóng-chṳ́, he ke-têu pûn Li-vi-ngìn su̍k chón-hi ke ngìn, nâ thoi-su̍k chhièn, yit-khiung yit-chhiên sâm-pak liuk-sṳ̍p ńg chak ngiùn-pi, 51cheu Song-chú ke min-lin chiông liá thoi-su̍k chhièn kâu-pûn Â-lùn lâu kì ke-têu lai-é.

Currently Selected:

Mìn-su Ki 3: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Mìn-su Ki 3

Video for Mìn-su Ki 3

Numbers 3-4

Spoken Gospel

Mìn-su Ki 3

Popular Bible Verses from
Mìn-su Ki 3

Video for Mìn-su Ki 3

Numbers 3-4

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mìn-su Ki 3

Mìn-su Ki 3

Popular Bible Verses from Mìn-su Ki 3

Video for Mìn-su Ki 3

Numbers 3-4

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mìn-su Ki 3

Popular Bible Verses from
Mìn-su Ki 3