Mìn-su Ki 2

Tak Kî-chhu̍k Yàng-thi ke Vi-só

1Song-chú chṳ́-sṳ Mô-sî lâu Â-lùn: 2Yî-set-lie̍t-ngìn ôn-yàng ke sṳ̀, tak-sà oi chhai só-su̍k ke thai-khì hâ, cheu chhṳ-kâ chûng-chhu̍k ke thai-khì, mien-tui sṳn-chong-phùng, chhai sṳn-chong-phùng si chû-vì ôn-yàng.

3-9Tûng-phién he Yù-thai-khî: ke-têu chhai Yù-thai thai-khì hâ ke ngìn oi cheu só-su̍k ke kiûn-chhui, yung tak-chhu̍k liâng-chhiu ke chong-phùng cho chûng-sîm lòi ôn-yàng.

Yù-thai kî-chhu̍k: liâng-chhiu — Â-mí-nâ-tha̍t ke lai-é Nâ-sun, ngìn-su chhit-van si-chhiên liuk-pak ngìn.

Yî-sat-kâ kî-chhu̍k: liâng-chhiu — Sû-ap ke lai-é Nâ-thán-ngia̍p, ngìn-su ńg-van si-chhiên si-pak ngìn.

Sî-pu-lùn kî-chhu̍k: liâng-chhiu — Hî-lùn ke lai-é Yî-li-ap, ngìn-su ńg-van chhit-chhiên si-pak ngìn.

Yù-thai-khî ke chúng ngìn-su he sṳ̍p-pat van liuk-chhiên si-pak ngìn.

Yù-thai chúng-chhui oi tai-thèu chhut-fat.

10-16Nàm-phién he Lî-phien-khî: ke-têu chhai Lî-phien thai-khì hâ ke ngìn oi cheu só-su̍k ke kiûn-chhui, yung tak-chhu̍k liâng-chhiu ke chong-phùng cho chûng-sîm lòi ôn-yàng.

Lî-phien kî-chhu̍k: liâng-chhiu — Sṳ-tiû-ngí ke lai-é Yî-li-siuk, ngìn-su si-van liuk-chhiên ńg-pak ngìn.

Sî-mién kî-chhu̍k: liâng-chhiu — Sû-li-sâ-thoi ke lai-é Sṳ-lu-me̍t, ngìn-su ńg-van kiú-chhiên sâm-pak ngìn.

Kâ-tet kî-chhu̍k: liâng-chhiu — Tiû-ngí ke lai-é Yî-li-ngâ-sat, ngìn-su si-van ńg-chhiên liuk-pak ńg-sṳ̍p ngìn.

Lî-phien-khî ke chúng ngìn-su he sṳ̍p-ńg van yit-chhiên si-pak ńg-sṳ̍p ngìn.

Lî-phien chúng-chhui oi-thèn Yù-thai chúng-chhui ke heu-poi chhut-fat.

17Yèn-heu, chhai chhièn lióng-ke lâu heu lióng-ke chúng-chhui chûng-kiên, Li-vi-ngìn oi kông-tén sṳn-chong-phùng hàng. Tak-ke chúng-chhui oi cheu ôn-yàng ke sun-si, chhai tak-chhui thai-khì hâ ke ku-thin vi-é hiong-chhièn hàng.

18-24Sî-phién he Yî-fap-lièn-khî: ke-têu chhai Yî-fap-lièn thai-khì hâ ke ngìn oi cheu só-su̍k ke kiûn-chhui, yung tak-chhu̍k liâng-chhiu ke chong-phùng cho chûng-sîm lòi ôn-yàng.

Yî-fap-lièn kî-chhu̍k: liâng-chhiu — Â-mí-fut ke lai-é Yî-li-sâ-mâ, ngìn-su si-van làng ńg-pak ngìn.

Mâ-nâ-sî kî-chhu̍k: liâng-chhiu — Pí-thai-siuk ke lai-é Kâ-mâ-lie̍t, ngìn-su sâm-van lióng-chhiên lióng-pak ngìn.

Phien-ngâ-mén kî-chhu̍k: liâng-chhiu — Kî-tô-nì ke lai-é Â-pí-tan, ngìn-su sâm-van ńg-chhiên si-pak ngìn.

Yî-fap-lièn-khî ke chúng ngìn-su he sṳ̍p-van pat-chhiên yit-pak ngìn.

Yî-fap-lièn chúng-chhui oi-thèn Lî-phien chúng-chhui lâu Li-vi-ngìn ke heu-poi chhut-fat.

25-31Pet-phién he Tan-khî: ke-têu chhai Tan thai-khì hâ ke ngìn oi cheu só-su̍k ke kiûn-chhui, yung tak-chhu̍k liâng-chhiu ke chong-phùng cho chûng-sîm lòi ôn-yàng.

Tan kî-chhu̍k: liâng-chhiu — Â-mí-sâ-thoi ke lai-é Â-hî-yî-chhia, ngìn-su liuk-van lióng-chhiên chhit-pak ngìn.

Â-sat kî-chhu̍k: liâng-chhiu — Ngò-làn ke lai-é Pha-kiet, ngìn-su si-van yit-chhiên ńg-pak ngìn.

Nâ-fut-thâ-li kî-chhu̍k: liâng-chhiu — Yî-nàm ke lai-é Â-hî-lâ, ngìn-su ńg-van sâm-chhiên si-pak ngìn.

Tan-khî ke chúng ngìn-su he sṳ̍p-ńg van chhit-chhiên liuk-pak ngìn.

Tan chúng-chhui oi thèn chhai chui-mî chhut-fat.

32Cheu tak-khî, yit-chhui yit-chhui tên-ki ke Yî-set-lie̍t chúng ngìn-su yû liuk-sṳ̍p van sâm-chhiên ńg-pak ńg-sṳ̍p ngìn. 33Cheu Song-chú min-lin Mô-sî ke, Li-vi-ngìn mò lâu khì-thâ ke Yî-set-lie̍t-ngìn khiung-ha tên-ki.

34Yî-set-lie̍t-ngìn chhiòn-phu cheu Song-chú pûn Mô-sî ke min-lin hi-cho, kì-têu chhai chhṳ-kâ só-su̍k ke thai-khì hâ ôn-yàng, ya thèn-tén pún chûng-chhu̍k hiong-chhièn hàng.

Currently Selected:

Mìn-su Ki 2: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Mìn-su Ki 2

Popular Bible Verses from
Mìn-su Ki 2

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mìn-su Ki 2

Mìn-su Ki 2

Popular Bible Verses from Mìn-su Ki 2

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mìn-su Ki 2

Popular Bible Verses from
Mìn-su Ki 2