Mìn-su Ki 4

Kô-hot Chûng-chhu̍k ke Ngim-vu

1Song-chú fûn-fu Mô-sî lâu Â-lùn 2cheu chûng-chhu̍k, kâ-chhu̍k thiàu-chhà Li-vi-ngìn Kô-hot chûng-chhu̍k ke ngìn-khiéu, 3chiông só-yû sâm-sṳ̍p se to ńg-sṳ̍p se chûng-kiên, voi chhai sṳn-chong-phùng tî-poi kûng-chok ke nàm-ngìn chhiòn-phu tên-ki hâ-lòi.

4Song-chú chṳ́-sṳ Mô-sî, Kô-hot chûng-chhu̍k chhai sṳn-chong-phùng tî-poi oi chôn-mùn cho lâu chṳ-sṳn-vu̍t yû-koân ke kûng-chok. 5Chhai sái-yàng ke sṳ̀, Â-lùn lâu kì ke-têu lai-é oi chin-ngi̍p sṳn-chong-phùng, chiông kak-tén yok-khui ke chong-man nâ hâ-lòi, khièm chhai yok-khui táng-kô. 6Kì-têu hàn-oi yung chhin-chiâng ke phì-liau khièm chhai táng-kô, chai khièm yit-te sùn làm-set ke pu-é, yèn-heu chiông kong-é chhôn ko-hi.

7Kì-têu oi phû yit-te làm-set ke pu-é chhai kiûng-piáng ke chok-táng, chai chiông phàn-è, vón, kin-sṳ̀n yung ke chiú-fù lâu chiú-pî chhiòn-phu piong chhai táng-kô. Chok-táng oi sṳ̀-sòng phài-lie̍t kiûng-piáng. 8Kì-têu hàn-oi yung yit-te chhṳ̂m-fùng set ke pu-é khièm chhai liá-têu tûng-sî táng-kô, chai khièm yit-chhèn chhin-chiâng ke phì-liau, yèn-heu chiông kong-é chhôn ko-hi.

9Kì-têu oi yung làm-set ke pu-é khièm tên-thòi, tên, tên-fâ chién-tô, tên-phàn, lâu só-yû chông kám-lám-yù ke yung-phín; 10yu oi yung chhin-chiâng ke phì-liau chiông liá-têu tûng-sî pâu hí-lòi, piong chhai kông-ka táng-kô.

11Chai-lòi, kì-têu oi phû yit-te làm-set ke pu-é chhai kîm hiông-thàn táng, pin yung chhin-chiâng ke phì-liau khièm-tén, yèn-heu chiông kong-é chhôn ko-hi. 12Oi yung làm-pu chiông só-yû sṳn-só tî-poi ke yung-phín pâu hí-lòi, pin yung chhin-chiâng ke phì-liau khièm-tén, piong chhai kông-ka táng-kô. 13Oi chiông chi-thàn táng ke fôi sû hí-lòi, yung chṳ́-set ke pu-é khièm chhai chi-thàn táng, 14chiông só-yû chi-thàn ke fu-khien, chhiu-he fó-fôi-phàn, ngiuk-chhâ, chhán-è lâu fó-tín chhiòn-phu piong chhai táng-kô, yèn-heu oi yung chhin-chiâng ke phì-liau khièm chhai táng-kô, chiông kong-é chhôn ko-hi. 15Sái-yàng ke sṳ̀, Kô-hot chûng-chhu̍k oi tén Â-lùn lâu kì ke-têu lai-é chiông liá-têu sṳn-vu̍t lâu só-yû ke làng-khien khièm-hó yî-heu, chang-lòi kông. Kô-hot chûng-chhu̍k ke ngìn chhie̍t-tui cho-m̀-tet miâ-tó liá-têu sṳn-vu̍t, na-he miâ-tó chhiu voi sí.

Sái sṳn-chong-phùng ke sṳ̀, Kô-hot chûng-chhu̍k oi fu-chit kông liá-têu tûng-sî.

16Chi-sṳ̂ Â-lùn ke lai-é Yî-li-â-sat oi fu-chit chóng-kón kûi-chak sṳn-chong-phùng, pin tên-yù, hiông, su-chi, sṳn-yù, lâu sṳn-chong-phùng tî-poi só-yû fûn-phe̍t vì-sṳn kûi-pûn Song-chú ke tûng-sî.

17Song-chú tui Mô-sî lâu Â-lùn kóng: 18“M̀-hó pûn Kô-hot chûng-chhu̍k ke ngìn hàng-khiûn liá-têu chṳ-sṳn vu̍t, miên-tet kì-têu sí-thet. 19Vi-tó phit-miên fat-sên liá-chúng sṳ, Â-lùn lâu kì ke-têu lai-é oi chin-ngi̍p sṳn-chong-phùng, fûn-phai kì-têu tak-sà ke kûng-chok, lâu kì-têu sot-mìn só oi kông ke he má-ke. 20Chúng-he, Kô-hot-ngìn ngi̍p sṳn-chong-phùng, m̀-hó hi khon-tó sṳn-vu̍t, miên-tet kì-têu voi sí.”

Kiet-sun Chûng-chhu̍k ke Ngim-vu

21Song-chú min-lin Mô-sî, 22oi cheu chûng-chhu̍k, kâ-chhu̍k thiàu-chhà Li-vi-ngìn#4:22 “Li-vi-ngìn” Hî-pak-lòi-vùn mò liá kí-chak sṳ. Kiet-sun chûng-chhu̍k ke ngìn-khiéu, 23chiông só-yû sâm-sṳ̍p se to ńg-sṳ̍p se chûng-kiên, voi chhai sṳn-chong-phùng tî-poi kûng-chok ke nàm-ngìn chhiòn-phu tên-ki hâ-lòi. 24Kiet-sun chûng-chhu̍k oi fu-chit kông yî-ha ke tûng-sî: 25Sṳn-chong-phùng nui ke phùng-táng lâu ngoi-chhèn ke táng-koi, khièm chhai táng-kô chhin-chiâng ke phì-liau, mùn-liàm, 26sṳn-chong-phùng lâu chi-thàn chû-vì thìn-yen ke chong-man lâu sok-è, thìn-yen thai-mùn ke mùn-liàm, lâu liá-têu tûng-sî ke fu-khien chhiòn-phu piong hó-se. Kì-têu oi kón-lî só-yû lâu liá-têu tûng-sî yû-koân ke sṳ-vu. 27Mô-sî lâu Â-lùn oi kam-tuk Kiet-sun chûng-chhu̍k ke ngìn fu-chit kông liá-têu tûng-sî, chóng-tén kì-têu pân-yun Â-lùn lâu kì ke-têu lai-é phai kì-têu pân-yun ke vu̍t khien. 28Liá-têu kûng-chok he Kiet-sun chûng-chhu̍k chhai sṳn-chong-phùng tî-poi yin-kôi cho ke sṳ. Kì-têu oi chhai chi-sṳ̂ Â-lùn ke lai-é Yî-thâ-mâ ke chṳ́-fî hâ-poi chṳp-hàng ngim-vu.

Mí-lâ-li Chûng-chhu̍k ke Ngim-vu

29Song-chú oi Mô-sî cheu chûng-chhu̍k, kâ-chhu̍k thiàu-chhà Li-vi-ngìn#4:29 Khon 4:22. Mí-lâ-li chûng-chhu̍k ke ngìn-khiéu, 30chiông só-yû sâm-sṳ̍p se to ńg-sṳ̍p se chûng-kiên, voi chhai sṳn-chong-phùng tî-poi kûng-chok ke nàm-ngìn chhiòn-phu tên-ki hâ-lòi. 31Kì-têu oi fu-chit kông sṳn-chong-phùng ke kut-ka, vàng-kong, chhû-é, kî-chho, 32lâu sṳn-chong-phùng chû-vì thìn-yen ke chhû-é, kî-chho, tâng-é, sok-è, pin liá-têu tûng-sî ke làng-khien. Tak-sà oi fu-chit kông chṳ́-thin ke tûng-sî. 33Liá-têu he Mí-lâ-li chûng-chhu̍k chhai sṳn-chong-phùng tî-poi yin-kôi cho ke sṳ. Kì-têu oi chhai chi-sṳ̂ Â-lùn ke lai-é Yî-thâ-mâ ke chṳ́-fî hâ-poi chṳp-hàng ngim-vu.

Li-vi-ngìn ke Ngìn-khiéu Thiàu-chhà

34-48Mô-sî, Â-lùn lâu fi-chung ke liâng-chhiu chûn-cheu Song-chú ke min-lin thiàu-chhà Li-vi sâm-chak chûng-chhu̍k Kô-hot, Kiet-sun, Mí-lâ-li ke ngìn-khiéu. Kì-têu cheu chûng-chhu̍k, kâ-chhu̍k, chiông só-yû sâm-sṳ̍p se to ńg-sṳ̍p se chûng-kiên, voi chhai sṳn-chong-phùng tî-poi kûng-chok ke nàm-ngìn chhiòn-phu tên-ki hâ-lòi:

Kô-hot chûng-chhu̍k, lióng-chhiên chhit-pak ńg-sṳ̍p ngìn;

Kiet-sun chûng-chhu̍k, lióng-chhiên liuk-pak sâm-sṳ̍p ngìn;

Mí-lâ-li chûng-chhu̍k, sâm-chhiên lióng-pak ngìn;

chúng ngìn-su, pat-chhiên ńg-pak pat-sṳ̍p ngìn.

49Cheu Song-chú pûn Mô-sî ke min-lin, tak-sà chhiòn-phu tên-ki lé; chûn-cheu Song-chú thûng-ko Mô-sî só min-lin ke, tak-sà chhiòn-phu yû chṳ́-thin ke ngim-vu, yû-têu fu-chit sṳ-fung, yû-têu fu-chit kông.

Currently Selected:

Mìn-su Ki 4: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Mìn-su Ki 4

Video for Mìn-su Ki 4

Numbers 3-4

Spoken Gospel

Mìn-su Ki 4

Popular Bible Verses from
Mìn-su Ki 4

Video for Mìn-su Ki 4

Numbers 3-4

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mìn-su Ki 4

Mìn-su Ki 4

Popular Bible Verses from Mìn-su Ki 4

Video for Mìn-su Ki 4

Numbers 3-4

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mìn-su Ki 4

Popular Bible Verses from
Mìn-su Ki 4