Yî-sî-kiet Sû 4

Péu-yên Yâ-lu-sat-lâng Pûn-ngìn Pâu-vì

1Song-chú kóng: “Ngìn-chṳ́ â, nâ yit-te chôn-é piong chhai ngì mien-chhièn, chhai táng-kô va̍k yit-chho sàng thoi-péu Yâ-lu-sat-lâng, 2yu chhai sàng ke chû-vì chho kô-thòi, hí thú-tôi, ôn-yàng, tap kûng sàng ke chhùi-è, thoi-péu sàng pûn-ngìn pâu-vì. 3Yèn-heu, ngì oi nâ yit-te thiet-phàn li̍p chhai ngì lâu sàng chṳ̂-kiên cho thiet-chhiòng. Ngì oi mien-tui liá-chho sàng, péu-sṳ sàng pûn-ngìn pâu-vì, vì-sàng ke chhiu-he ngì. Liá chhiu-he Ngài pûn Yî-set-lie̍t-ngìn ke seu-thèu.

4-5“Chiap-tén, ngì oi hiong chó-phién tá-chet soi; Ngài oi chiông Yî-set-lie̍t ke chhui chak chhai ngì sṳ̂n-song. Ngì oi chhai ke-vi soi sâm-pak kiú-sṳ̍p ngit, vi kì-têu fam ke chhui su-khú. Ngài ham ngì soi ke ngit-khì he Ngài phan kì-têu yin-kôi su chit-fa̍t ke hìn-khì, yit-ngit chún yit-ngièn. 6Liá hìn-khì mân yî-heu, ngì oi hiong yu-phién tá-chet soi si-sṳ̍p ngit, vi Yù-thai ke chhui su-khú, yit-ngit chún yit-ngièn.

7“Ngì oi mien-hiong Yâ-lu-sat-lâng, tui-tén su pâu-vì ke sàng chhut-khièn, kóng yi-ngièn kûng-kit liá-sàng. 8Ngài oi chiông ngì khún hí-lòi, sṳ́ ngì mò phan-fap fân-sṳ̂n, yit-chhṳ̍t to vì-sàng ke ngit-khì mân.

9“Chiap-tén, ngì oi nâ-têu séu-ma̍k, thai-ma̍k, theu-é, fùng-theu, se-mí, chhû-ma̍k chông chhai hi-mén chûng, yung lòi cho-piáng. Liá chhiu-he ngì hiong chó-phién tá-chet soi ke sâm-pak kiú-sṳ̍p ngit ke sṳ̍t-vu̍t, 10tak-ngit cho-tet sṳ̍t lióng-pak sâm-sṳ̍p kûng-khiet thin-thin, oi cheu-sṳ̀ sṳ̍t. 11Ngì tak-ngit cho-tet sṳ̍t lióng-pî súi thin-thin, oi cheu-sṳ̀ sṳ̍t. 12Ngì oi chhai mìn-chung mien-chhièn, sêu ngìn-sṳ́ lòi phoi-piáng sṳ̍t.”

13Song-chú kóng: “Liá péu-sṳ Ngài chiông Yî-set-lie̍t-ngìn kiuk-to ngoi-koet hi ke sṳ̀, kì-têu oi sṳ̍t fap-li̍t só kim-chṳ́ mò chhiang-li ke tûng-sî.”

14Chúng-he, ngài en-kóng: “Ái! Chṳ-kô ke Song-chú â, ngài m̀-sṳt tá-lá-sap chhṳ-kâ, chhiùng-se chhiu mò sṳ̍t chhṳ-yèn sí-thet ke ya-he pûn yâ-chhu ngâu-sí ke thung-vu̍t. Ngài mò sṳ̍t-ko mò chhiang-li ke sṳ̍t-vu̍t.”

15Só-yî Song-ti kóng: “Hó â, ngì cho-tet chiông ngìn-sṳ́ von-cho ngiù-sṳ́ nâ-lòi sêu, chhai táng-kô phoi ngì ke piáng.”

16Kì yu kóng: “Ngìn-chṳ́ â, Ngài oi sṳ́ Yâ-lu-sat-lâng thôn-liòng, thôn-súi. Tak-pái ngìn-mìn cheu phi-kip ke fun-liong sṳ̍t-piáng, sṳ̍t-súi ke sṳ̀, kì-têu voi sèu-to mò-kat mò-sat. 17Kì-têu voi sṳ̍t-to mò piáng mò súi, pí-chhṳ́ chho̍k-kiâng, yîn-vi chhṳ-kâ ke chhui sôi-ngio̍k to sí.”

Currently Selected:

Yî-sî-kiet Sû 4: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Yî-sî-kiet Sû 4

Videos for Yî-sî-kiet Sû 4

Ezekiel 1-32

BibleProject

Ezekiel 1-7

BibleProject

Ezekiel 4-5

Spoken Gospel

Yî-sî-kiet Sû 4

Popular Bible Verses from
Yî-sî-kiet Sû 4

Videos for Yî-sî-kiet Sû 4

Ezekiel 1-32

Ezekiel 1-7

Ezekiel 4-5

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yî-sî-kiet Sû 4

Yî-sî-kiet Sû 4

Popular Bible Verses from Yî-sî-kiet Sû 4

Videos for Yî-sî-kiet Sû 4

Ezekiel 1-32

Ezekiel 1-7

Ezekiel 4-5

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yî-sî-kiet Sû 4

Popular Bible Verses from
Yî-sî-kiet Sû 4