Yî-sî-kiet Sû 5

Yî-sî-kiet Thi Sî lâu Thèu-nà-mô

1Song-chú kóng: “Ngìn-chṳ́ â, ngì oi nâ yit-kî li-kiam chún thi-thèu-tô, koat ngì ke fù-sî, thi ngì ke thèu-nà-mô, chiông sî lâu mô nâ-hi yung thiên-phìn chhṳn, yèn-heu pûn-cho sâm-fun. 2Sàng su pâu-vì ke ngit-khì mân yî-heu, ngì oi nâ sâm-fûn chṳ̂-yit ke sî lâu mô chhai sàng-tú sêu; nâ nang-ngoi sâm-fûn chṳ̂-yit to sàng-ngoi, kín-hàng kín-to̍k; yu nâ chhûn-tó ke sâm-fûn chṳ̂-yit ve chhai khûng-chûng pûn fûng chhôi-san; Ngài hàn-oi yung Ngài ke kiam hi-kiuk. 3Ngì oi liù yit-si̍t-é sî lâu mô, yung sâm-kok pâu-tén, 4yèn-heu nâ kí-thiàu sî lâu mô chhut-lòi, fit-to fó-tú sêu. Fó oi tui liá kí-thiàu sî lâu mô chhe-to Yî-set-lie̍t chhiòn-koet.”

5Chṳ-kô ke Song-chú kóng: “Liá chhiu-he Yâ-lu-sat-lâng! Ngài chiông kì piong chhai sṳ-kie ke tûng-ông, lie̍t-koet chhai kì ke si-vì. 6Chúng-he Yâ-lu-sat-lâng vì-poi Ngài ke kie-min, pí lie̍t-koet hàn-kha fái, pí si-vì ke koet-kâ hàn-kha phoi-ngia̍k. Yâ-lu-sat-lâng m̀ chûn-sú Ngài ke kie-min, fi-thet Ngài ke fap-li̍t. 7Só-yî, Yâ-lu-sat-lâng â, ngì oi thâng Ngài — Chṳ-kô ke Song-chú só-kóng ke fa. Ngì m̀ chûn-sú Ngài ke kie-min, fi-thet Ngài ke fap-li̍t, hi thèn lie̍t-koet ke fûng-siu̍k si̍p-koan, vi chhṳ-kâ ngiâ-tó ke mà-fàn pí lìn-koet hàn-kha tô. 8Só-yî, Ngài — Chṳ-kô ke Song-chú siên-pu, Ngài chhṳ-kâ oi cho ngì ke tui-thi̍t; Ngài oi chhai lie̍t-koet mien-chhièn sṳ́m-phan ngì. 9Yîn-vi ngì cho ke sṳ chhiòn-phu he Ngài só yen-hen ke, só-yî Ngài oi chit-fa̍t ngì. Ngài chhiùng-lòi m̀-sṳt án-ngiòng chit-fa̍t ko ngì, yî-heu ya m̀-voi chai án-ngiòng chit-fa̍t ngì. 10To chui-mî, chhai ngì ke tông-chûng, yà-ôi oi sṳ̍t chṳ́-ńg, chṳ́-ńg oi sṳ̍t yà-ôi. Ngài oi chit-fa̍t ngì, ya oi chiông só-chhûn ke ngìn chhiòn-phu kiuk-to tak só-chhai hi.

11“Só-yî, Ngài — Chṳ-kô ke Song-chú chṳ́-tén Ngài yún-yén ke sâng-miang fat-sṳ: Ngì ki-yèn yung yit-chhiet khó-vu ke ngiéu-siong, yu cho Ngài só yen-hen ke sṳ lòi vû-ve Ngài ke sṳn-thien, Ngài chhiu oi sṳ́ ngì ngìn-su kám-séu, Ngài m̀ ngièu ngì, ya m̀ lìn-mén ngì. 12Sâm-fûn chṳ̂-yit ke ngìn-mìn oi chhai sàng-tú phiang-sí, ngo-sí; nang-ngoi sâm-fûn chṳ̂-yit oi chhai sàng-ngoi pûn tô-kiam chhṳ̀-sí; Ngài oi chiông só-chhûn ke sâm-fûn chṳ̂-yit fûn-san to si-fông, yung Ngài ke kiam kiuk kì-têu.

13“Ngài oi chiông só-yû ke fat-khién piang chhai ngì ke sṳ̂n-hong, piang-to chhiang-chhiang Ngài chang mân-chiuk. Án-ngiòng, ngì chhiu voi tî, Ngài — Song-chú só-kóng ke fa he chhut-yì chhit-tu ke sîm#5:13 “chhit-tu ke sîm”: Chhâm-kháu Chhut Âi-khi̍p Ki 20:5.. 14Lìn-koet ke ngìn-mìn kîn-ko ke-vi, chhiòn-phu oi sâu-nat ngì, yén-yén lì-khôi ngì.

15“Ngài fat-khién, thai-thai chit-fa̍t ngì ke sṳ̀, ngì si-vì ke koet-kâ chhiòn-phu voi chhin chho̍k-kiâng. Kì-têu khon-tó liá tet-ngìn-kiâng ke chhìn-hìn chhiu voi chhṳ́-seu ngì, sâu-nat ngì, chiông ngì tông-cho kín-kie. 16Ngài oi chhiet-thôn ngì ke liòng-sṳ̍t, sṳ́ ngì ngo tú-sṳ́, pûn ngì tî tú-sṳ́ yâu ke thung-khú, chhiu-chhiong tông-li ke chien oi sêu-me̍t ngì. 17Ngài oi yung kî-fông lâu yâ-chhu sêu-me̍t ngì ke chṳ́-ńg, yu yung pot-vûn, phau-li̍t lâu chan-chên chhṳ̀ ngì. Ngài — Song-chú án-ngiòng siên-pu lé.”

Currently Selected:

Yî-sî-kiet Sû 5: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Yî-sî-kiet Sû 5

Videos for Yî-sî-kiet Sû 5

Ezekiel 1-32

BibleProject

Ezekiel 1-7

BibleProject

Ezekiel 4-5

Spoken Gospel

Yî-sî-kiet Sû 5

Popular Bible Verses from
Yî-sî-kiet Sû 5

Videos for Yî-sî-kiet Sû 5

Ezekiel 1-32

Ezekiel 1-7

Ezekiel 4-5

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yî-sî-kiet Sû 5

Yî-sî-kiet Sû 5

Popular Bible Verses from Yî-sî-kiet Sû 5

Videos for Yî-sî-kiet Sû 5

Ezekiel 1-32

Ezekiel 1-7

Ezekiel 4-5

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yî-sî-kiet Sû 5

Popular Bible Verses from
Yî-sî-kiet Sû 5