Yî-sî-kiet Sû 3

1Song-ti kóng: “Ngìn-chṳ́ â, chiông liá sû-kién sṳ̍t lo̍k-hi, yèn-heu hi hiong Yî-set-lie̍t-ngìn kóng-fa.”

2Só-yî ngài tá-khôi choi; Kì chiông ke sû-kién kâu-pûn ngài sṳ̍t, 3kóng: “Ngìn-chṳ́ â, chiông Ngài pûn ngì ke liá sû-kién sṳ̍t lo̍k-hi, chông-mân tú-sṳ́.” Ngài chhiu sṳ̍t; liá sû-kién chhiong phûng-thòng án-thiàm.

4Chiap-tén Song-ti kóng: “Ngìn-chṳ́ â, ngì to Yî-set-lie̍t-ngìn ke-vi hi, chiông Ngài ke fa lâu kì-têu kóng. 5Ngài m̀-he phai ngì to ke-têu kóng-fa ngì thâng-m̀-sṳt ke ngìn ke-vi hi; Ngài he phai ngì hi Yî-set-lie̍t-ngìn tông-chûng. 6Na-he Ngài phai ngì to ke-têu koet-kâ, to ke-têu kóng-fa ngì thâng-m̀-sṳt ke ngìn ke-vi hi, kì-têu hàn-voi thâng ngì ke fa. 7Chúng-he, Yî-set-lie̍t-ngìn chhie̍t-tui m̀-voi thâng ngì ke fa; yîn-vi kì-têu lièn Ngài ke fa ya m̀-hén thâng. Kì-têu chhiòn-phu tông ngang-kiáng yu ngang-hok. 8Ngì khon, Ngài oi sṳ́ ngì pí kì-têu hàn-kha ngang-hok, sṳ́ ngì ke ngiak-thèu ngang-ko kì-têu ke ngiak-thèu. 9Ngài oi sṳ́ ngì ke ngiak-thèu chhiong chon-sa̍k, pí fó-sa̍k hàn-kha ngang. Ngì m̀-sṳ́ kiâng ke-têu phoi-ngia̍k ke ngìn, ya m̀-sṳ́ pûn kì-têu ke mien-set hak-tó.”

10Song-ti ki-siu̍k kóng: “Ngìn-chṳ́ â, ngì oi chu-yi thâng Ngài yit-chhiet ke fa, ya oi ki chhai sîm-tú. 11Ngì oi hi pûn-ngìn chok-hi ke thùng-pâu ke-vi, mò-lun kì-têu oi thâng ya m̀-thâng, chiông Ngài — Chṳ-kô ke Song-chú oi tui kì-têu kóng ke fa chhiòn-phu lâu kì-têu kóng.”

12Chiap-tén, Song-ti ke Lìn chiông ngài khià hí-lòi, ngài chhiu thâng-tó chhai ngài heu-poi yû lung-lung-kún ke sâng-yîm kóng: “Oi siung-chan thiên-táng Song-chú ke yùng-kông!” 13Ngài yu thâng-tó ke si-ke sâng-vu̍t yi̍t-kap pen-tó ke sâng, ya thâng-tó lin-é thîn-thûng, chhiong thi-thûng fat-chhut án-hióng ke sâng. 14Song-chú ke nèn-li̍t thai-thai chhûng-mân ngài; Kì ke Lìn chiông ngài khià hí-lòi tai-chéu ke sṳ̀, ngài kám-kok chhin kân-khú yu chhin-khién. 15Só-yî, ngài lòi-to Kâ-pâ-lû hò-pa sùn ke Thì-le̍t-Â-pit, chhiu-he pûn-ngìn chok-hi ke thùng-pâu he̍t ke só-chhai. Ngài chhai ke-vi yû chhit-ngit kiú, pûn khon-tó lâu só thâng-tó ke sṳ hak-to ngong-sṳ̀n.

Song-chú Phai Yî-sî-kiet Cho Sú-mong-chá

(Yî-sî-kiet Sû 33:1-9)

16Chhit-ngit heu, Song-chú lâu ngài kóng: 17“Ngìn-chṳ́ â, Ngài phai ngì cho Yî-set-lie̍t-ngìn ke sú-mong-chá. Ngì oi chiông Ngài chhîn-sṳ̂n lâu ngì kóng ke fa kín-ko kì-têu. 18Na-he Ngài siên-pu mêu yit-ke fái-ngìn yit-thin oi sí, ngì m̀ hi kín-ko kì, khien kì hi-sià kûi-chṳn lòi kiu chhṳ-kâ, liá-ke ngìn sûi-yèn voi yîn-vi chhṳ-kâ ke chhui sí-thet, Ngài sa oi chûi-kiu ngì liù kiâ hiet ke chit-ngim. 19Na-he ngì kín-ko ke fái-ngìn, kì m̀-hén kói-ko, hàn-he cho fái-sṳ, kì oi yîn-vi chhṳ-kâ ke chhui sí-thet, chúng-he ngì voi kiu-tó chhṳ-kâ ke miang.

20“Na-he hó-ngìn lì-khôi chṳn-lu, khôi-sṳ́ cho fái-sṳ, Ngài voi sṳ́ kì tù-tó châi-nan#3:20 “Ngài voi sṳ́ kì tù-tó châi-nan” ya-he yi̍t-cho “Ngài oi chú-tóng kì”., kì yit-thin voi sí. Yîn-vi ngì m̀ kín-ko kì, kì chhiu voi yîn-vi chhṳ-kâ ke chhui lòi sí, Ngài m̀-voi ki-ngiam kì cho-ko ke hó-sṳ; Ngài sa oi chûi-kiu ngì liù kiâ hiet ke chit-ngim. 21Na-he ngì kín-ko ke hó-ngìn cho-m̀-tet fam-chhui, kì chiap-su ngì ke kín-ko, mò chai fam-chhui, kì yit-thin m̀-voi sí, ngì ya voi kiu-tó chhṳ-kâ ke miang.”

Yî-sî-kiet Chhiam-sṳ̀ Pien-cho Á-khiéu

22Ngài kám-kok tó Song-chú ke nèn-li̍t thai-thai chhûng-mân ngài, yu thâng-tó Kì lâu ngài kóng: “Khî hí-lòi to sân-lak tú hi, Ngài oi chhai ke-vi tui ngì kóng-fa.”

23Só-yî, ngài to sân-lak tú hi, chhai ke-vi khon-tó Song-chú ke yùng-kông, lâu ngài chhai Kâ-pâ-lû hò-pa sùn só khon-tó ke khiung-yong. Ngài phu̍k chhai thi-song; 24Song-ti ke Lìn ngi̍p-to ngài ke tî-poi, chiông ngài fù hí-lòi. Song-chú lâu ngài kóng: “Chón vuk-hâ hi, chiông ngì chhṳ-kâ koân chhai vuk-tú. 25Ngìn-chṳ́ â, phe̍t-ngìn oi yung sok-è chiông ngì khún hí-lòi, sṳ́ ngì mò fap-thu chhut-to kì-têu tông-chûng. 26Ngài oi sṳ́ ngì pien-cho á-khiéu, sṳ́ ngì mò fap-thu kín-ko liá-têu phoi-ngia̍k ke ngìn-mìn. 27Heu-lòi, Ngài oi chai tui ngì kóng-fa, khôi ngì ke choi. Ke-sṳ̀, ngì oi chiông Ngài — Chṳ-kô ke Song-chú só-kóng ke fa lâu kì-têu kóng. Yû-têu hén thâng, yû-têu m̀-hén thâng, yîn-vi kì-têu he phoi-ngia̍k ke ngìn-mìn.”

Currently Selected:

Yî-sî-kiet Sû 3: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Yî-sî-kiet Sû 3

Videos for Yî-sî-kiet Sû 3

Ezekiel 1-32

BibleProject

Ezekiel 1-7

BibleProject

Ezekiel 1-3

Spoken Gospel

Yî-sî-kiet Sû 3

Popular Bible Verses from
Yî-sî-kiet Sû 3

Videos for Yî-sî-kiet Sû 3

Ezekiel 1-32

Ezekiel 1-7

Ezekiel 1-3

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yî-sî-kiet Sû 3

Yî-sî-kiet Sû 3

Popular Bible Verses from Yî-sî-kiet Sû 3

Videos for Yî-sî-kiet Sû 3

Ezekiel 1-32

Ezekiel 1-7

Ezekiel 1-3

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yî-sî-kiet Sû 3

Popular Bible Verses from
Yî-sî-kiet Sû 3