TITU 3
3
1NỌ flinnu yé nado nọ tin to taliai mẹ hlan ogán po huhlọn lẹ po, nado nọ setónuna otògán lẹ, nado nọ wleawu dai pọ́n azọ́n dagbe lẹpo, 2ma nado dọhó gbigble do mẹde go, ma nado yin jlẹ̀wàtọ, adavo mẹdẹ̃dẹ, he na nọ do wàlọmimiọn hia omẹ popo. 3Na mìlọsu ga ko yín klenọ to ojlẹ delẹ mẹ, tólivẹtọ, mẹkiklọ, he nọ to ojlogbigble po gbèdudu hunkọhunkọ po sèn, bo sọ tin to homẹha po nuvẹun po mẹ, omẹ yè gbẹwanna bo sọ nọ to wangbẹna mẹnọzo. 4Ṣigba ehegodo homẹdagbe po owanyi Jiwheyẹwhe Whlẹngantọ mítọn tọn po sọawúhia hlan gbẹtọ, 5é ma yín gbọn azón dódó tọn he mí ko wà dali gba, ṣigba dile lẹblanu etọn te, é whlẹn mí, gbọn lèwé ovọji tọn po hẹnzunyóyó Gbigbọ Wiwe tọn po dali; 6he é kòn do mí ji tò opógege gbọn Jesu Klisti Whlẹngantọ mítọn mẹ; 7dọ yínyín whèsùna gbọn ojọmiọn dali, na yè nido yí mí do basi ogúdutọ dile tódido ogbẹ madopodo tọn te. 8Nugbo wẹ ohó he, onú helẹ wẹ yẹn sọ jlo dọ hiẹ ni nọ to didọ nùmakumaku, na yé he ko yí Jiwheyẹwhe se lẹ nido nọ wleawu nado hẹn azọ́n dagbe lẹ go. Dagbe po nudoale po na gbẹtọ wẹ onú hele. 9Ṣigba dapana okanbiọ nulu tọn, otàn tọn, núdindọn tọn, podọ avùnhihó gbọn osén tọn dali; na madoale po ovó po wẹ yé. 10Omẹ he yín oplóngiglọnọ to hokónamẹ tintan po awetọ po godò, gbé ẹ dai; 11na hiẹ ni yọnẹn dọ omẹ he tin to mọ de lépe, bo wàylando, bo sọ gblewhẹdo ede.
12Whenuena yẹn na do Altema hlan we, kavi Tikiku, dovivẹnu nàdo wá dẽ to Nikopoli; na yẹn ko magbè etọn nado hlẹnàvivọ to finẹ. 13Hẹn Zena osénnọ po Apọlo po wá dẹdẹ to gbejizọnlin yetọn ji, yé sọ gbòagba núde tọn blo. 14Gbọ omẹ mítọn lẹ ga ni plón le yè họ hẹn azọ́n dagbe lẹ gò do na zinzán he jẹ, na yé yín madosinsẹnnọ blo.
15Omẹ he to dẽ lẹpo dọnúdo we. Dọnúdo yé he yiwanna mí to yise mẹ lẹpo. Ojọmiọn ni tin to mì omẹ pó de. Niṣẹ.
Currently Selected:
TITU 3: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
