TITU 2

1ṢIGBA hiẹ ni nọ dọhó onú he jẹ hẹ oplón he pó tọn: 2na sunnu meho lẹ ni yín hùwhẹnọ, mẹabọeabọẹ, owùnzanọ, bo zìn to yise mẹ, to owanyi mẹ, to homẹfa mẹ. 3Mọkẹdẹ wẹ yọnnu mẹho le ga, dọ yé ni tin to jijọ he jẹ hẹ wiwe mẹ, ma yín whejetọ lalonọ, ma yín sìnnùmúnọ, mẹplọntọ onú dagbe lẹ tọn; 4na yé nido plón yọ̀pọ yọnnu lẹ nado yín hùwhẹnọ, nado nọ yiwanna asú yẹtọn lẹ, nado nọ yiwanna ovi yetọn lẹ, 5nado yín nuyọnentọ, wéwénọ, nado yín owhẹ́ gbè nọtọ, mẹdagbe, he litaina asú yetọn titi lẹ, na ohó Jiwheyẹwhe tọn ma na do yín nùzandogona. 6Nọ yi ohó do jlahomedona yọ̀pọ sunnu lẹ ga, nado yín hùwhẹnọ ayiha mẹ tọn. 7To onú lẹpo mẹ nọ yí dewe do basi ohia azọ́n dagbe lẹ tọn: to oplón mẹ nọ do magble, zìnzìn, po owalọ pipé po hia, 8ohogbe he zìn, he yè ma sọgan gblewhẹdo; na winyan nido hù yé he jẹglo, to ma mọ onú gbigble de dọ do mí go mẹ. 9Nọ yí ohó do jlahomẹdona afanumẹ lẹ nado tin taliai mẹ hlan mẹmẹnu yetọn titi le, podọ nado nọ hẹn homẹ yetọn vivi dagbedagbe to onú lẹpo mẹ; bo sọ nọ dagbèdogbèmẹ blo; 10he ma nọ do dódó dagbe lẹpo hia; na yé nido doasọna oplón Jiwheyẹwhe Whlẹngantọ mítọn tọn to onú popo mẹ. 11Na ojọmiọn Jiwheyẹwhe tọn he hẹn whlẹngan wá ko sọawúhia omẹ, pọpo, 12bo sọ to mí plon dọ, to mimọn jijọ-ma-di-Jiwheyẹwhe tọn po ojlogbigble aihọn tọn po mẹ, mí ni nọgbó to hùwhẹ mẹ, to dódó mẹ, podọ to jijọ-di-Jiwheyẹwhe tọn mẹ, to aihọn dinvie tọn mẹ; 13bo to nukundo tódido donanọ lọ, podọ awúsọhia gigo Jiwheyẹwhe mítọn daho tọn, po Jesu Klisti Whlẹngantọ mítọn tọn po; 14mẹhe jo ede na mí wutu, na é nido fli mí sọn ylando lẹpo mẹ, bo sọ dó kló mí wé zùn omẹvò hlan ede, vivẹnudotọ azọ́n dagbe lẹ tọn. 15Onú helẹ wẹ hiẹ ni nọ dọ, bo do nọ jlahomẹdonamẹ, bo sọ nọ yí asẹ lẹpo do wóhẹmẹ. A dike mẹdepope vlẹ we blo.

Currently Selected:

TITU 2: BWL23

Highlight

Copy