FILEMONI 1
1
1PAULU, ogàntọ Jesu Klisti tọn de, po Timoti mẹmẹsunnu mítọn po hlan Filemoni mẹyiwanna mítọn vivẹ, azónwàtọgbé, 2pódọ hlán mẹyiwanna mítọn Affia, podọ hlan Alkippu awhànfùntọgbẹ́ mítọn, podọ hlan agùn he tin to Owhé towe gbè: 3Ojọmiọn, po jijọho po hlan mì, sọn Jiwheyẹwhe Otọ́ mítọn, podọ Jesu Klisti Oklunọ mítọn de.
4Yẹn dopẹna Jiwheyẹwhe ṣie, bo do to finflin we whepoponu to ódè Sie lẹ mẹ, 5le yẹn to owanyi po yise towe po sè, he hiẹ do hlan Jesu Oklunọ de, podọ hlan mẹwiwe lẹpo de; 6na omáhẹ yise towe tọn nido zùn nuyíwà to oyọnẹn onú dagbe lẹpo tọn mẹ he tin to ohò towe mẹ hlan Klisti Jesu de. 7Na mìwlẹ tindo ayajẹ daho po homẹmimiọn po to owanyi towe mẹ, na yè hen homẹ mẹwiwe lẹ tọn hùn gbọn dali towe, mẹmẹsunnu.
8Enẹwutu, le yẹn do tlẹ ko sinyẹnnukun susu to Klisti mẹ nado degbè onú he jẹ tọn na we, 9ṣigba na owanyi tọn wutu, yẹn kúkú gbọ bo vẹ́ we, yẹn he yín omẹ nẹ nkọ di Paulu yónhonọ, podọ to dinvie ogàntọ Jesu Klisti tọnde ga. 10Yẹn vẹ́ we na ovi ṣie Onesimu tọn wutu, mẹhe yẹn ji to ogàn ṣie lẹ mẹ: 11mẹhe kọ yín madoalenọ hlan we to ojlẹ he juwayì mẹ, ṣigba dinvie é yín alenọ hlan we, podọ hlan mi: 12mẹhe yẹn sọ gò dohlan; enẹwutu na hiẹ ni yí i, enẹ wẹ, ovi ohò ṣie mẹ tọn: 13mẹ-he yẹn do ko glọn do dẽ, dọ to otẹn towe mẹ ewọ nido ko wàdevizọ́n hlan mi to ogan wẹndagbe tọn lẹ mẹ: 14ṣigba yen ma ylo nado wa núde to ayiha towe mayọnẹn godo; ha dagbewà towe ma na do yin numananọmawà tọn, adavo ojlo tọn. 15Eya ehewutu wẹ é do tón sọn de we yì na whenu vude, na hiẹ nido yí i gò kakadoi; 16dinvie é ma sọ yín di afànumẹ de ba gba, ṣigba húgan afànumẹ de, yèdọ mẹmẹsunnu mẹyiwanna, humọ hlan yẹn, ṣigba húgan mọ susu hlan hiẹ, to agbasa mẹ, podọ to Oklunọ mẹ. 17Enẹwutu eyín hiẹ lẹn mi do oha mẹ, bo yí i di yẹnlọsu. 18Eyín é ko wàylan do we, kavi duahọ núde tọn do we, lẹn enẹ dokò na mi; 19yẹn Paulu ko yí alọ ṣie titi do wlan ẹn, yẹn na sú i: mọ yen ma dọ hlan we le hiẹ duahọ do mi do tọn gba, yèdọ hielọsu titi tọn dovo. 20Mọwẹ, mẹmẹsunnu, gbọ yẹn ni tindo ayajẹ to dali towe to Oklunọ me; miọnhomẹna mi to Oklunọ mẹ. 21Le yẹn tindo tudodomẹgo do to tónusisè towe mẹ wẹ yẹn do wlanwe hlan we, bo sọ yọnẹn dọ hiẹ na wa hú ehe yẹn dọ ga. 22Ṣigba gọna popo, wleawu nọtẹn de tọn do ote na mi; na yẹn dotódido dọ gbọn odè mìtọn lẹ mẹ, yè na yí mi na mì.
23Epafla dọnúdo we, ogàntọ ogbé ṣie to Klisti Jesu mẹ; 24Malku, Alistalku, Dema, Luku, azónwàtọgbé ṣie lẹ.
25Ojọmiọn Jesu Klisti Oklunọ mí tọn tọn ni tin to gbigbọ mìtọn de Niṣẹ.
Currently Selected:
FILEMONI 1: BWL23
Highlight
Copy
Compare
Share
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
