TITU 1
1
1PAULU, afànumẹ Jiwheyẹwhe tọn de, podọ apọsteli Jesu Klisti ton de, kẹdedi yise mẹsinsinyan Jiwheyẹwhe tọn tọn lẹ, po oyọnẹn nugbo tọn po he gbọn jijọ-di-Jiwheyẹwhe tọn dali, 2to tódido mẹ na ogbè madopodo, he Jiwheyẹwhe, he ma nọ dolalo, ko dopagbe etọn whẹpo aihọn do sè; 3ṣigba to ojlẹ he sò mẹ é sọ ohó eton hia gbon oyẹwheho mẹ, he yè yí na mi kẹdẹdi osén Jiwheyẹwhe Whlẹngantọ mítọn tọn; 4hlan Titu, ovi ṣie titi kẹdẹdi yisè hẹ peai de. Ojomion, lẹblanu, po jijọho po sọn Jiwheyẹwhe Ótó de, podọ sọn Jesu Klisti Oklunọ Whlẹngantọ mítọn de.
5Na ehe wutu wẹ yẹn jo we dai do Klete, na hiẹ nido tò onú he pò yè ma ko basi lẹ do tẹnmẹtẹnmẹ, bo sọ dè meho lẹ do dogan to otodaho dopodopo me, dile yẹn degbèna we do: 6eyín mede yín madovlẹnọ, asú yọnnu dopo tọn, he tindo ovi he yise he yè ma jẹwhè etọn gbọn gblewà kavi òtasinyẹn dali. 7Na é jẹ dọ bisọpu ni yín madovlẹnọ, di họnkọnsi Jiwheyẹwhe ton; memayiwanna ede só, omẹ ma no yawu gblehomẹ, omẹ ma yín sinnùmúnọ, ome ma yín nuliniẹto, omẹ ma yín adọwhénnọ ale tọn; 8Adavo wanyitọ awujọme tọn, wanyitọ dagbe ton, hùwhẹnọ, dodonọ, wiwenọ, owunzanọ; 9he hẹn ohó nugbo go gligli, dile ye plon ẹn do, gbọn oplón he pégan dali, na ewọ nido nọ yí do jlahomẹdona omẹ, bo sọ do sọgan gọkòna yé he nọ dọnuyindò lẹ.
10Na tasinyẹntọ, ohó vó dọtọ, po mẹklọtọ susu po wẹ tin, humọ yé he yín owhẹgbo tọn lẹ: 11onù mẹhetọn ye ma sọgan nọ ma hẹn dote, omẹ he sọtadona owhè, lẹpo, bo nọ to onú he ma je lẹ plọnmẹ, na adọwhén tọn wutu 12Dopo to yelọsu mẹ, yẹwhegán sọn yetọn titi mẹ, dọmo, Lalonọ wẹ Kleteto lẹ to whepoponu okanlin ylankan, homẹ pinpẹnnọ. 13Okunnude he nugbo wẹ. Enewutu nọ wọ́he yé doteji, na yé nido pegan to yise mẹ, 14hiẹ dayi otan ovọ́ Ju le tọn, po osen gbẹtọ tọn po go blo, he nọ díọmẹ sọn nugbo mẹ 15Na homẹwewénọ lẹ, wéwé wẹ onú lẹpo: ṣigba hlan yé he yín gbigbletọ lẹ po mayisenọ lẹ po wẹ nude ma yín wéwé; ṣigba yèdọ ayiha yetọn po nuyọnẹn po ko zùn gbigble. 16Yé yígbe dọ yé yón Jiwheyẹwhe: ṣigba to azón lẹ me yé món ẹn, yínvín osùnú, tólivẹtọ, podọ na azón dagbedagbe lẹpo mẹgbigbé.
Currently Selected:
TITU 1: BWL23
Highlight
Share
Compare
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
