Osọha lẹ 24
24
1PODỌ whenuena Balaami mọ dọ é hùnhomẹ OKLUNỌ lọ nado dona Islaeli, é ma yì di nukọn tọn lẹ, nado pé hẹ afinyọn lẹ gba, ṣigba é zé nukunmẹ etọn do hlan zùngbo lọ dali. 2Balaami sọ zé nukun etọn lẹ daga, é bo sọ mọ Islaeli dosla kẹdẹdi whẹndo yetọn lẹ, gbigbọ Jiwheyẹwhe tọn lọ sọ wá e ji, 3E sọ yí oló etọn, bo dọmọ,
Balaami visunnu Beoli tọn lọ to didọ;
Podọ omẹ lọ nukun meheton vè hùn to didọ:
4Ewọ he sè ohó Jiwheyẹwhe tọn lẹ lọ didọ,
He mọ numimọ Ganhunupo lọ tọn lọ,
He to aijẹ, bọ tintindo nukun etọn lẹ hùnhùn:
5Jakob È, na ogohò towe lẹ yín whanpẹnọ dole podọ
Gohòtúntún towe lẹ, Islaeli È!
6Ye dlẹn yé jẹgbonu di agbadò le,
Di ojipa lẹ to otọ̀ lọ dali,
Di atin aloe tọn lẹ he OKLUNỌ lo ko tùn,
Di atin kedali lẹ to osìn le kòn.
7Osìn na sà sọn gọgo etọn lẹ mẹ,
Podọ okún etọn na tin to osìn susu mẹ,
Ahọlu etọn bo nasọ yìji hú Agagi,
Podọ ahọludu etọn nasọ yín zizedaga.
8Jiwheyẹwhe hẹn ẹn jẹgbonu sọn Egipti mẹ wá;
Ewọ sọ tindo huhlọn taidi ogbéyìn lọ
Énasọ dù akọta mẹglatọ etọn lẹ lọ sudo,
Bo na gbà ohú yetọn lẹ, hanyanhanyan, bò sọ yí ogá etọn le do ho yé.
9Ewọ pavava, é mlọnai di kìnnikinni de,
Podọ di kinnikìnnisi de; mẹnu wẹ na fọ́n ẹn dote?
Donanọ wẹ omẹ he dona we lẹpo yín,
Podọ dẹ̀hodonọ wẹ omẹ he hodẹ̀do we lẹpo yín.
10Yè sọ hẹn homẹgble Balaki tọn jimi yọn do Balaami ji, sọ hò alọ do alọ go: Balaki sọ dọ hlan Balaami dọmọ, Yẹn ylọ we nado hodèdo kèntọ ṣie lẹ, bo, dayi e go, hie ko dona yé patapata whla atọ̀n helẹ. 11Enẹwutu dinvie hiẹ ni họ̀nyì jẹ otẹn towe mẹ: Yẹn lẹn nado zé we daga hlan yẹyi daho mẹ; ṣigba, dayi e go, OKLUNỌ lọ ko gó we do godo sọn yẹyi mẹ. 12Balaami sọ dọ hlan Balaki dọmọ, Yẹn ma ka ko dohó ga hlan mẹdagun towe he a do hlan mi, dọmọ, 13Eyín Balaki jlo na mi owhé etọn gọ́ na fataka po sika po, Yẹn ma sọgan yì zẹ̀ ohó OKLUNỌ lọ tọn go gba, nado wà dagbe kavi gbigble sọn ohò dè tọn mẹ; núhe OKLUNỌ lọ dọ, enẹ wẹ yẹn na dọ? 14Podọ dinvie, dayi e go, Yẹn jei omẹ ṣie lẹ de: wá, yẹn bo na dọ na we nuhe omẹ he lẹ na wà hlan omẹ towe lẹ to azán godo tọn lẹ mẹ. 15E sọ yí oló etọn, bo dọmọ,
Balaami visunnu Beoli tọn lọ didọ,
Podo omẹ lọ nukun mẹhetọn yè hùn to didọ:
16Ewọ he sè ohó Jiwheyẹwhe tọn lẹ lọ to didọ,
Bo sọ yón oyọnẹn Gigogán lọ tọn,
He mọ numimọ Ganhunupo lọ tọn,
He to aijẹ, bọ tintindo nukun etọn lẹ hùnhùn:
17Yẹn mọ ẹn, ṣigba dinvie ma gba:
Yẹn pọ́n ẹn, aigba yakẹ ma gba:
Sunwhlẹvu de na jẹgbonu wá finẹ sọn Jakob mẹ,
Podọ oganpo de na fọ́n jẹgbonu sọn Islaeli mẹ,
Bo na hò lọnglọnẹn Moabi tọn lẹ luntón,
Bo nasọ gbà visunnu zínzínyẹntọ tọn lẹpo liai:
18Edomi nasọ yín nútindo de,
Seili ga na yín nutindo de, he yín kẹ̀ntọ etọn lẹ;
Whenuena Islaeli to adán wà
19Podọ ohò Jakob tọn me wẹ dopo he na tindo ahọludutẹn na sọn,
Bo na sú pipòtọ lẹ lọ do sọn todaho lọ mẹ.
20E sọ pọ́n Amalẹki, bo yí oló etọn, bo dọmọ,
Amalẹki wẹ tintan akọta lẹ lọ tọn;
Ṣigba opòdo godomẹ etọn na wá dindọn mẹ.
21Podọ é sọ pọ́n Kẹninu lọ, bo yí oló etọn, bo dọmọ,
Sinsinyẹn wẹ otẹnme ninọ̀ towe,
Podọ Yè sọ zé adó towe do osé lọ mẹ.
22Ṣigba Kẹni na yín hinhẹn jẹvọ́,
Kaka Asuli na do zé we yì na mẹglọnọ.
23E sọ yí oló etọn, bo dọmọ,
Kẽ, mẹnu wẹ na togbẹ̀ whenuena Jiwheyẹwhe wà ehe?
24Ṣigba ohún lẹ na sọn ohùtó Kittimi tọn lọ wá,
Yé na bianukunna Aṣuli, bo nasọ bianukunna Ebeli,
Podọ ewọ ga na wa dindọn mẹ.
25Balaami bo sọ tite, bo yì bo lẹ́gọ̀ jẹ otẹn etọn mẹ: podọ Balaki ga sọ wle aliho etọn yì.
Currently Selected:
Osọha lẹ 24: BWL23
Highlight
Share
Compare
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
