Osọha lẹ 25

1ISLAELI sọ tin to Sittimi mẹ, gbẹtọ lẹ lọ sọ ṣe galọ hẹ viyonnu Moabi tọn lẹ lọ: 2na yé ylọ gbẹtọ lẹ lọ do avọ́sinsán vodún yetọn lẹ tọn kòn; gbẹtọ lẹ lọ sọ dù bo dé do odò hlan vodún yetọn lẹ. 3Islaeli so kòn ede dopọ hlan Baali-peoli: yè sọ hẹn adi OKLUNỌ lọ tọn jimiyọn do Islaeli ji 4OKLUNỌ lọ sọ dọ hlan Moṣe dọmọ, Yí nukọntọ gbẹtọ lẹ lọ tọn lẹpo, bo zé yé pla aga hlan OKLUNỌ lọ to owhè lọ nukọn, na adi zògbe OKLUNỌ lọ tọn nido diọkọ sọn Islaeli de. 5Moṣe sọ dọ hlan whẹ̀datọ Islaeli tọn lẹ lo dọmọ, Mì omẹ dopodopo ni hù omẹ etọn lẹ he ko kòn yede dopọ hlan Baali-peoli. 6Bo, dayi e go, dopo sọn ovi Islaeli tọn lẹ lọ mẹ wá bo hẹn yọnnu Kananinu de wá jẹ mẹmẹsunnu etọn lẹ de to nukun Moṣe tọn mẹ, podọ to nukun agùn ovi Islaeli tọn lẹpo tọn lọ tọn mẹ, whenuena yé to avivi to ohòn ogohọ̀ opli ton lọ tọn kọ̀n. 7Podọ whenuena Finéhasi, visunnu Eleazali tọn lọ visunnu Aalon yẹwhenọ lọ tọn lọ, mọ ẹn, é tite sọn gblagbla agùn lọ tọn mẹ, bo yí dludlu to alọ etọn mẹ; 8é sọ domọna omẹ Islaeli tọn lọ yì avaja lọ mẹ, bo yí só yé omẹ awe lẹ lunton, omẹ Islaeli tọn lọ, po yọnnu lọ po gbọn hoto etọn mẹ luntón, Mowẹ yè hen azònylankan lọ doalọte son ovi Islaeli tọn lẹ mẹ 9Enẹle he kú gbọn azònylankan lọ dali yin fọtọ́n konukunenẹ.

10OKLUNỌ lọ sọ dọhó hlan Moṣe, dọmọ, 11Finehasi, visunnu Eleazali tọn lọ, visunnu Aalọn yẹwhenọ lọ tọn lọ ko lẹ́ homẹgble ṣie sọn ovi Islaeli ton lẹ lọ de, to ehe mẹ é yí awuwhàn ṣie do yín awuwhànnọ to yé ṣẹnṣẹn, sọmọ bọ yẹn ma sú ovi Islaeli ton le lọ do to awuwhàn ṣie mẹ gba. 12Enẹwutu dọ, Dayi e go, Yẹn yí alènu jijọho tọn ṣie na ẹn. 13E nasọ tin hlan ẹn, podọ hlan okún etọn to godo é ton, alẹ̀nu yẹwhẹnọzón madopodo de tọn; na ewọ yín awuwhànnọ na Jiwheyẹwhe eton wutu, bò sọ basi ovẹ̀se na òvi Islaeli tọn lẹ lọ. 14Dinvie oyín dawe Islaeli tọn lo ton he yè hù, mẹhe ye hù po Yọnnu Midianinu lọ po, wẹ Zimli, visunnu Salu tọn lọ, ogán de sọn owhe otọ́ le tọn de gbè to Simeomnu lẹ ṣẹnṣẹn. 15Podọ oyín nawe Midianinu lọ tọn he yè hù wẹ Kozbi, viyọnnu Zuli tọn lọ; nukọntọ gbẹtọ owhe otọ́ lọ tọn de tọn gbè tọn wẹ ewọ to Midiani mẹ.

16OKLUNỌ lo sọ dọhó hlan Moṣe, dọmọ, 17Doadihomẹna Midianinu le lọ, bo hò yé: 18na yé yí oklọ yetọn lẹ do doadihomẹna mì, ehe yé yí do klọ mì to owhẹhó Peoli tọn lọ mẹ, podo to owhèhó Kozbi tọn lọ mẹ viyọnnu ogan Midiani tọn lọ tọn, nọviyonnu yetọn, he yè hù to azán azònylankan lọ tọn lọ gbè to owhẹhó Peoli tọn lọ mẹ.

Currently Selected:

Osọha lẹ 25: BWL23

Highlight

Compare

Copy