Osọha lẹ 23
23
1BALAAMI sọ dọ hlan Balaki dọmọ, Do agbà ṣinawe do ofi na mi, bo sọ wleawu oyìnsú ṣinawe tọn po agbò ṣinawe tọn po dai do ofì na mi. 2Balaki sọ wà dole Balaami ko dọ do; Balaki po Balaami po sọ yí oyìnsú dopo po agbò dopo po na to agbà dopodopo jì. 3Balaami sọ dọ hlan Balaki dọ, ṣitẹ to avọ́nunina mimẹ̀ towe dali, yẹn bo na yì; eya OKLUNỌ lọ na wá nado pé mi, podọ núdepope é dohia mi yẹn na dọ na we. E bo sọ yì aga hùnnukunmẹ de ji. 4Jiwheyẹwhe so pe Balaami: é sọ dọ hlan ẹn dọ, Yẹn ko wleawu agbà ṣinawe lẹ lọ tọn dai, yẹn ko sọ yí oyìnsu dopo po agbò dopo po na to agbà dopodopo i. 5OKLUNỌ lọ sọ yí ohó de do onù Balaami tọn mẹ, bo dọmọ, Légọ jẹ Balaki de, podọ le wẹ hiẹ na dọhó do. 6E sọ lẹ́gọ̀ do e de, bo, dayi e go, é site to avọ́nunina mimẹ̀ etọn dali, ewọ, po ogán Moabi tọn lẹpo po. 7E bo sọ zé olo etọn, bo dọmọ,
Alami mẹ wẹ Balaki hẹn mi sọn wá,
Ahọlu Moabi tọn lọ sọn osé whèzẹtẹn tọn lẹ mẹ:
Wá, hodèdo Jakob na mi,
Bo wá, yín homẹgblenọ do Islaeli go.
8Nawe yẹn na hodẹdo do, mẹhe, Jiwheyẹwhe ma hodèdo?
Podọ nawẹ yẹn na ylọavùn do, mẹhe Jiwheyẹwhe ma ko yloavùn?
9Na yẹn mọ ẹn sọn aga, osé lẹ lo tọn me,
Podọ yen bọ dayi e go sọn okọta lẹ lọ mẹ:
Dayi ẹ go, gbẹtọ he nọnọ̀ na ede lẹ de wẹ,
Bo ma nasọ yín linlẹn to akọta lẹ lọ ṣẹnṣẹn gba.
10Mẹnu wẹ sọgan hia kọgudu Jakob tọn,
Kavi gbọn osọha dali, dadẹnetọ Islaeli tọn?
Gbọ alindọn ṣie ni kú okú dódónọ lọ tọn,
Bo sọ gbọ opòdo godo ṣie tọn ni di etọn.
11Balaki sọ dọ hlan Balaami dọmọ, Etẹ hiẹ wà hlan mi? Yẹn yi we nado hodẹ̀do kẹ̀ntọ ṣie lẹ, bo, dayi e go, hiẹ ko dona yé patapata. 12E sọ gblọn bo dọmọ, Yẹn ma do ka payi nado dọhó enẹ he OKLUNỌ lọ yí do onù ṣie mẹ wẹ? 13Balaki sọ dọ hlan ẹn dọmọ, Yẹn vẹ́ we, wá yì otẹn devo mẹ po yẹn po, fie hiẹ sọgan mọ yé sọn; hiẹ na mọ aga patapata yé tọn, bo ma na mọ yé mẹpo gba: bo hodẹ̀do yé na mi sọn finẹyì. 14E sọ yí i yì danji Zofimi tọn lọ mẹ, jẹ aga Pìsga tọn lọ, bo do agbà ṣinawe lẹ, bo yí oyìnsú dopo po agbò dopo po na to agbà dopodopo ji. 15E bo sọ dọ hlan Balaki dọ, ṣite to ofi to avọ́nunina mimẹ̀ towe dali, whenuena yẹn pé OKLUNỌ lọ to odọ́n. 16OKLUNỌ lọ sọ pé Balaami, bo sọ yí ohó de do onù etọn mẹ, bo dọmọ, Légò jẹ Balaki de, podọ le wẹ hiẹ na dọhó do. 17E sọ wá jẹ e de, bo, dayi e go, ewọ ṣite to avọ́nunina mimẹ̀ etọn dali, po ogán Moabi tọn lẹ lọ po to e de. Balaki sọ dọ hlan ẹn dọ, Etẹ wẹ OKLUNỌ lọ ko dọ? 18Ewọ sọ yí oló etọn, bo dọmọ,
Fọn site, Balaki, bo sè;
Tùntóai hlan mi, hiẹ visunnu Zipọli tọn lọ:
19Jiwheyẹwhe ma yín gbẹtọ, bọ ewọ na do dolalo;
Kavi visunnu gbẹtọ lọ tọn, bọ ewọ na do diọlinlẹn:
Ewọ ko dọ, ewọ ma ka na wà ẹ wẹ?
Kavi ewọ ko dọhó, é ma ka na hẹn ẹn ṣẹ wẹ?
20Dayi e go, Yẹn ko mọ gbèdide yí nado dona:
Ewọ ko sọ dona, yẹn ma sọgan diọ ẹ.
21Ewọ ma ko mọ oylanwà to Jakob mẹ gba,
Mọ é ma ko sọ mọ gbigble to Islaeli mẹ:
OKLUNỌ lọ Jiwheyẹwhe etọn tin po e po,
Podọ abóbó ahọlu de tọn tin to yé ṣẹnṣẹn.
22Jiwheyẹwhe hẹn yé jẹgbonu sọn Egipti mẹ wá;
Ewọ tindo azò lẹ taidi afiankún.
23Nugbonugbo afinyọn de ma tin do Jakob ji,
Mọ aṣẹ de ma tin do Islaeli ji gba:
Dinvie é na yín didọ na Jakob tọn po Islaeli ton,
Po,
Núhe Jiwheyẹwhe ko wà!
24Dayi e go, gbẹtọ lẹ lọ tite di kinnikinnisi de,
Podọ di kinnikinni de wẹ ewọ zé ede daga:
Ewọ ma to ai na mlọn kaka ewọ do dù sọn nuyànwẹnna lọ mẹ,
Bo sọ nù ohùn alántọsiọ lẹ lọ tọn.
25Balaki sọ dọ hlan Balaami dọmọ, Hiẹ sọ hodèdo yé lala ba blo mọ hiẹ sọ dona yé lala blo. 26Ṣigba Balaami gblọn bo dọ hlan Balaki dọmọ, Yẹn ma ka dọ na we, dọmọ, Ehe OKLUNỌ lọ dọ lẹpo, enẹ wẹ yẹn mananọma wà? 27Balaki sọ dọ hlan Balaami dọmọ, Wá dinvie, yẹn na hẹn we yì otẹn devo mẹ; eya é na hùnhomẹ Jiwheyẹwhe dọ hiẹ nido hodẹ́do yé na mi sọn finẹyì. 28Balaki sọ hẹn Balaami jẹ aga Peoli tọn lọ, he pànnukọn zùnkan lọ. 29Balaami sọ dọ hlan Balaki dọmọ, Do agbà ṣinawe lẹ na mi to ofi, bo sọ wleawu oyìnsú ṣinawe tọn dai do ofi na mi po agbó ṣinawe po. 30Balaki sọ wà dile Balaami ko dọ do, bo sọ yí oyìnsú dopo po agbò dopo po na to agbà dopodopo ji.
Currently Selected:
Osọha lẹ 23: BWL23
Highlight
Share
Compare
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
