MATIU 15

1WHENẸNU wẹ Falesi lẹ po we kantọ lẹ po sọn Jelusalẹm wá Jesu de, dọmọ, 2Etẹwutu wẹ nuplọntọ towe lẹ to sénmẹjẹna otànhóhó otọ́ lẹ tọn? na ye ma klọ́ alọ yetọn whenuena yé to nudù. 3E gblọn bo dọ hlan yé, dọmọ, Etẹwutu wẹ mìwlẹ ga to otànhóhó mìtọn yí do to sénmẹjẹna osén Jiwheyẹwhe tọn? 4Na Jiwheyẹwhe dọmọ, Gbògbéna otọ́ towe po onọ towe po: podọ, Mẹhe dọ oylan otọ́ kavi onọ tọn, mì gbọ ni kú okú etọn. 5Ṣigba mìwlẹ dọmọ, Mẹdepope he na dọ hlan otó etọn kavi onọ etọn, dọ, Yè ko jo núhe hiẹ do ko do yín alenọ gbọn yẹn dali hlan Jiwheyẹwhe; 6E ma na gbogbéna otọ́ etọn gba. Mìwlẹ bo ko sọ hẹn osẹn Jiwheyẹwhe tọn zùn ovó na otànhohó mìtọn tọn wutu. 7Mì yẹnuwàtọ lẹ, dagbe wẹ Isaia dọdọdai na mì tọn, dọmọ, 8Omẹ he lẹ yí nùflo yetọn lẹ do to gbégbona mi; Ṣigba ayiha yetọn tin dẹn sọn dẽ. 9Ṣigba ovó mẹ wẹ yé to taliaina mi, Bo sọ to ogbèdai gbẹtọ lẹ tọn lẹ plọnmẹ di nuplọnmẹ yetọn lẹ. 10E sọ ylọ agùndaho lọ, bo dọ hlan yé, dọmọ, Mì sè, na mì ni tunwun: 11E ma yín onú he biọ onù mẹ wẹ hẹn gbẹtọ gble gba; ṣigba onú he tón sọn onù mẹ, ehelẹ wẹ nọ hẹn gbẹtọ gble. 12Whenẹnu wẹ nuplọnto etọn lẹ wá, bo dọ hlan ẹn dọmọ, Hiẹ yón ẹn do yè hẹn Falẹsi lẹ dahli whenuena yé sè ohó he? 13Ṣigba e gblọn, bo dọmọ, Atin depope he Otọ́ ṣie olọn tọn ma do, yè na họ̀n ẹn sé. 14Mì jo yé do: alihiamẹtọ nukuntọ́nnọ wẹ yé. Eyín nukuntọ́nnọ do ali hia nukuntọ́nnọ, yé omẹ awe lẹ na jai do odò mẹ. 15Whenẹnu wẹ Pita gblọn bo dọ hlan ẹn, dọmọ, Dọ odò oló he tọn hlan mí. 16E sọ dọmọ, Mìwlẹ ga gbé sọ tin to mayọnẹn mẹ kaka jẹ dinvie? 17Bé mìwlẹ ma tunwun dọ, onú depope he biọ onù mẹ, juyi biọ ohò me, bọ yè sọ yèn ẹn jẹgbonu? 18Ṣigba onú he tón sọn onù mẹ lẹ, ayiha mẹ wẹ yé tón sọn, yéwlẹ wẹ nọ hẹn gbẹtọ flu. 19Na ayiha mẹ wẹ linlẹn ylankan lẹ nọ tón sọn, mẹhùhù, ayọdide, ogàlilọ, ajò, lalo kunnudide, ohó ylankan didọ. 20Onú helẹ wẹ hẹn gbẹtọ flu: ṣigba na dùnú po alọ maklọ po ma hẹn gbẹtọ flu gba.

21Jesu sọ tón sọn finẹ, bo sọ tón yì Tile po Sidọni po dali. 22Bo pọ́n, nawe Kenaani tọn de sọn agbègbè nẹlẹ ji wá, bo dawhá, dọmọ, Wálẹblanuna mi, Oklunọ È, hiẹ Ovi Davidi tọn, oviyọnnu ṣie do aovi he yí awufiẹsa susu do to tuklado e. 23Ṣigba é ma gblọn ohò depope nè. Nuplọntọ etọn lẹ sọ wá, bo vẹvẹ nẹ dọmọ, Do e hlan, na é to awhádo to mí godo. 24Ṣigba é gblọn bo dọmọ, Yè ma do mi hlan adavo hlan lẹngbọ búbú owhé Islaeli gbè tọn lẹ. 25Ṣigba é wá, bo litai nẹ̃, dọmọ, Oklunọ, gọalọna mi. 26E gblọn bo sọ dọmọ, E ma jẹ yè ni yí akla ovi lẹ tọn, bo sọ dlan ẹn hlan avún lẹ gba. 27Ṣigba ewọ sọ dọmọ, Mọwẹ, Oklunọ: na yèdọ avún lẹ nọ dù jajá he flé sọn tafo Oklunọ yetọn lọ tọn ji. 28Whenẹnu wẹ Jesu gblọn bo dọ hlan ẹn, dọmọ, Hiẹ nawe, daho wẹ yisé towe: ni yín wiwà hlan we yèdọ dile a jlo do. Yè sọ hẹnazọ̀ngbọna oviyọnnu etọn sọn ojlẹ doponẹ mẹ 29Jesu sọ tón sọn finẹ, bo wá sẹpọ ohù Galili tọn dali; é sọ hẹji yì biọ osó lọ mẹ, bo sinai to finẹ. 30Agùndaho lẹ sọ wá e de, yé po sẹkunọ lẹ po, nukuntọ́nnọ lẹ, unbọpẹn lẹ, klegbesatọ lẹ, po omẹ susu devo lẹ po, yé zlón yé dai to afọ etọn go; é sọ hẹnazọ̀ngbọna yé: 31Sọmọ bọ avọ̀ vò agùndaho lọ, whenuena yé mọ unbọpẹn lẹ to hódọ, klegbesatọ lẹ jẹ gángán, bọ nukuntọ́nnọ lẹ númọ: yé pagigona Jiwheyẹwhe Islaeli tọn.

32Jesu sọ ylọ nuplọntọ etọn lẹ do ede de, bo dọmọ, Lẹblanu agùndaho lọ tọn wà mi, eyín azán atọ̀n to dinvie bọ yé ko tin to dè, bo ma sọ tindo onú he yé na dù de; yẹn ma sọ jlo na do yé hlan yì to hùvé mẹ gba, na onú ma nado dikọ na yé to aliho ji. 33Nuplọntọ etọn lẹ sọ dọ hlan ẹn, dọmọ, Fie wẹ mìwlẹ na hẹn akla susu sọmọ sọn to zùngbo mẹ, bọ é na gọhò na agùndaho gbo he nkọ? 34Jesu sọ dọ hlan yé, dọmọ, Aklanẹmu wẹ mì tindo? Yé sọ dọmọ, Sinawe, po whevi pẹvipẹvi vude po. 35E sọ degbè na agùndaho lọ ni jagla to aigba. 36E sọ yí akla ṣinawe lẹ, po whevi lọ po, bo dopé, bo kán, bo yí na nuplọntọ etọn lẹ, nuplọntọ lẹ sọ yí na agùndaho lọ. 37Yé omẹ pó dù, bo sọ gọhò: yé sọ bé dupò he pò pli, oha ṣinawe gó. 38Yé he dù sọ yì sunnu degbade, mahia yọnnu po yọpọvu lẹ po dogó. 39E sọ do agùndaho lẹ lọ hlan gbonu, é biọ vàtlẹ lọ mẹ, bo sọ wá agbègbè Magdala tọn ji.

Currently Selected:

MATIU 15: BWL23

Highlight

Copy