MATIU 14

1TO ojlẹ nẹ mẹ wẹ Helodi otògàn sè linlin Jesu tọn, 2Bo sọ dọ hlan devi eton le, domọ, Ehe wẹ Johanu Baptisti, e fọ́n sọn osio mẹ enẹwutu wẹ huhlọn helẹ to azonwa to evyọ mẹ.

3Na Helodi ko wlé Johanu, bo bla ẹ bo yi i do ogàn mẹ na Hẹlọdia asi Filipi nọvisunnu eton tọn wutu. 4Na Johanu dọ hlan ẹn, dọmo, E ma jẹ na hiẹ nado tindo e gba. 5Whenuena é jlo na hù i, é dibusi gbẹtọ lẹ, na ye yi i di yẹwhegán de. 6Ṣigba whenuena jiji-zán Helodi tọn wá, do ayi e go, viyọnnu Helodia tọn to wedu to nukọn yetọn, home Helodi tọn sọ vivi 7Eheji é yí whiwhlé do dopagbe; nado na onu depope e na kanbiọ, ẹ. 8Podọ ewọ, didè do nukon gbọn onọ eton dali dọmọ, Na mi to ofi, ota Johanu Baptisti tọn to agbánvla de mẹ. 9Ahọlu sọ yín adinọ: ṣigba na whiwhle eton tọn wutu, podọ yé he jagla to núdùdù kòn hẹ ẹ lẹ tọn wutu, é degbe yè ni yi nẹ: 10E do omẹ hlan, bo gbotana Johanu to ogàn mẹ. 11Yè sọ hẹn ota etọn wa to agbanvla de mẹ, yè so sọ na ovivọnnu lọ; e sọ hen ẹn wá jẹ onọ eton de 12Nuplonto etọn lẹ sọ wá bo zé osiọ etọn, bo di, bo sọ yi bo dọ na Jesu.

13Dinvie whenuena Jesu sè e, é jagọ sọn finẹ, to vatle de mẹ, je zungbo de tẹnmẹ to ola whenuena gbeto lẹ se, yè hodo e gbọn afọ. 14Ewọ so tọn jẹgbonu wá, bo mo agùndaho de, leblanu yetọn wà ẹ, é sọ henazongbọna azọntọ yetọn lẹ.

15Whenuena é zùn tenu, nuplontọ etọn lẹ wá e de, dọmo, Zùngbo we ofi, ojlẹ sọ juwayi dinvie; do gbẹtọ lẹ hlan, na yé ni yi gbeta bo yì hò núdùdù na yede. 16Ṣigba Jesu dọ hlan yé, dọmọ, Yé ma tindo nuwhèdo nado yì gba, mi na yé nado dù. 17Ye sọ dọ hlan ẹn dọmọ, Akla atọ́n po whevi awe po kẹde wẹ mí tindo to ofi 18E sọ dọmọ Mi bé ye wá dẽ to ofi. 19E sọ degbèna agùndaho lọ nado jagla to ogbe ji, é sọ yí akla atón po whevi awe lẹ po, pinpọn aga hlan olọn, é dona, bo kán bo yí akla lẹ lọ na nuplọntọ etọn lẹ nuplọntọ lẹ sọ yí na agùndaho lẹ lọ; 20Yé omẹ pó sọ dù, bo gọhò: yé sọ bé dupo he po pli oha wiawe gó; 21Yé he dù lẹ yì gbẹtọ degbadefọtọ́n, mahia yọnnu po yọpovu lẹ po dogo.

22To afọdoponeji Jesu sọ dava nuplọntọ etọn lẹ nado biọ vatlẹ lọ mẹ, nado jẹnukọn nẹ̃ yì awà awetọ ji, le é do agùndaho lẹ hlan godo. 23Whenuena é do agùndaho lẹ hlan vọ̀, é hẹji yi biọ osó lọ mẹ jẹla nado hode whenuena tenu sọ do, ewọ dopokẹdẹ wẹ tin finẹ. 24Ṣigba dinvie vàtlẹ lọ tin to ohù ṣẹnṣẹn, ehe agbowhẹn to zize dlan na jẹhọn tin jẹagò. 25To zánhihọ́ ẹnẹtọ mẹ to ozán mẹ, é wá yé de, bo to zọnlinzin to ohù ji. 26Whenuéna nuplọntọ lẹ mọ ẹn to zọnlinzin to ohù ji, yé flu, dọmọ, Oblo de wẹ: yé yí obu do dawhá daga. 27Ṣigba to afọdoponẹji, Jesu dọhó hlan yé, dọmọ, Mì deji: yẹn wẹ; mì yín avosatọ blo. 28Pita sọ gblọn bo, dọmọ, Oklunọ, eyín e yín hiẹ wẹ, degbèna mi wá de we to osìn ji. 29E sọ dọmọ, Wá. Pita sọ jete sọn vatlẹ lọ mẹ, é zinzọnlin to osìn ji bo wá Jesu de. 30Ṣigba whenuena é mọ jẹhọn sinyẹn, obu di i; é sọ sẹ̀ sisiọ, é dawhá, dọmọ, Oklunọ, whlẹn mi. 31Afọdoponẹji Jesu dlẹn alọ etọn, bo hẹn é go, bo sọ dọ hlan ẹn dọmọ, Hiẹ yisepevinọ, etẹwutu wẹ hiẹ savo? 32Whenuena yé sọ biọ vàtlẹ lọ mẹ, jẹhọn doalọte. 33Yé he tin to vàtlẹ lọ mẹ lẹ wá, bo litai nẹ̃, dọmọ, Nugbo, Ovi Jiwheyẹwhe tọn wẹ hiẹ.

34Whenuena yé sọ jujẹ awà awetọ ji, yé jẹ aigba Genezalẹti tọn ji. 35Whenuena yé omẹ finẹ tọn lẹ yọnẹn dọ ewọ wẹ, ye do omẹ hlan otò he lédo lẹpo mẹ pé, yé sọ hẹn azọ̀ntọ́ lẹpo wá e de. 36Yé vé ẹ na yé ni sà do alọ okéyè avọ̀ etọn tọn go kẹdẹ: yé omẹ sọha he sọ do alọ e go lẹpo wẹ yè hẹn jẹ gángán.

Currently Selected:

MATIU 14: BWL23

Highlight

Copy