Levitiku 24
24
1OKLUNỌ lọ sọ dọhó hlan Moṣe, dọmọ, 2Degbèna ovi Islaeli tọn lẹ lọ dọ, Yé ni hẹn amì wiwe olivieli tọn he yè tùn wá de we na hinhọ́n lọ, nado hẹn miyọngbán de to jiji zònmí. 3To gbonu avọ̀ajlalanọ okunnuhó lọ tọn, to ogohò opli tọn lọ mẹ, wẹ Aalọn na zé e do sọn whèjai jẹ afọnnu to OKLUNỌ lọ nukọn zónmi: é na yín asẹdai de kakadoi gbọn whẹndo mìtọn lẹ mẹ. 4E na zé miyọngbán lẹ lọ do miyọngbántin wiwe lọ ji to OKLUNỌ lọ nukọn zónmí.
5Hiẹ nasọ yí olinfin dagbedagbe, bo sò aklahihi wiawe sọn e mẹ: madaotọ awe efa dopo tọn na tin to aklahihi dopo mẹ 6Hiẹ na tò yé do okiti awe mẹ, ṣidopo to okiti dopo ji, to tafo wiwe lọ ji to OKLUNỌ lọ nukọn 7Hiẹ na yí nuwhẹnkún wiwe do okiti dopodopo ji, na é nido tin hlan akla lọ na oflinnú de, yèdọ avọ́nunina de yè basi gbọn miyọn dali hlan OKLUNỌ lọ. 8Gbọjẹzán lẹpo mẹ wẹ ewọ na nọ tò e do hajihaji to OKLUNỌ lọ nukọn te zònmí; ovi Islaeli tọn lẹ tọn wutu wẹ, alènu madopodo de. 9E nasọ tin na Aalọn po visunnu etọn lẹ po; yé na nọ dù i to otẹn wiwe de mẹ: na wiwe talala wẹ hlan ẹn sọn avọ́nunina OKLUNỌ lọ tọn lẹ mẹ he yè basi gbọn miyọn dali gbọn asẹdai jeijei de dali.
10Podọ visunnu jọnnu Islaelinu de tọn, otọ́ mẹhetọn yín Egiptinu de, jẹgbonu yì ovi Islaeli tọn lẹ ṣẹnṣẹn: visunnu yọnnu Islaelinu lọ tọn lọ po dawe Islaeli tọn de po plahi, dopọ to osla lọ mẹ, 11visunnu yọnnu Islaelinu lọ tọn lọ zánnuna Oyín lọ, bo sọ hodẹdo; yé bo hẹn ẹn wá Moṣe de. Oyín onọ etọn tọn wẹ Selomiti, viyọnnu Dibli tọn, sọn whẹndo Dani ton mẹ. 12Yé sọ yí i do hihó mẹ, na e nido yín didọ hlan yé sọn onù OKLUNỌ lọ tọn mẹ.
13OKLUNỌ lọ sọ dọho hlan Moṣe dọmọ, 14Hẹn ewọ he ko hodèdo to osla lọ godo jẹgbonu wá; bo gbọ yé he ko sè e lẹpo ni zé alọ yetọn lẹ do ota etọn, bo gbọ agùn lepo ni dlan zannu in. 15Hiẹ nasọ dohó hlan ovi Islaeli ton lẹ lọ, dọmọ, Mẹdepope he hodẹ́do Jiwheyẹwhe etọn na ze ylando etọn hẹn 16Podọ ewọ he zánnuna oyín OKLUNỌ lọ tọn lọ, ewọ na yín hùhù dandan, agùn lẹpo na dlẹn zannu in nugbonugbo: ojónọ lọ di owhevi lọ, whenuena é zánnuna oyín OKLUNỌ lọ tọn lọ, na yín hùhù. 17Podọ ewọ he linú omẹ depope hù na yín hùhù dandan; 18podọ ewọ he linú kanlin de hù na nahọsú nẹ̃: ogbè na ogbẹ́. 19Podọ eyín omẹ de hẹn azọ̀n de jò to kọmenu etọn mẹ; le ewọ ko wà do, mọ wẹ é na yín wiwà hlan ẹn do; 20otẹnklẹ na otẹnklẹ, nukun na nukun, adú na adú: le ewọ ko hẹn azọ̀n de jọ̀ to omẹ de mẹ do, mọ wẹ é na yín yíyíwà hlan ẹn do 21Podọ ewọ he hù kanlin de na nahọsú nẹ̃: podọ ewọ he hù omẹ de na yín hùhù. 22Osẹ́n hunkọ dopo tọn wẹ mì na tindo, na ojónọ lọ di na owhévi lọ: na yẹn wẹ OKLUNỌ lọ Jiwheyẹwhe mìtọn. 23Moṣe sọ dohó hlan ovi Islaeli tọn lẹ lọ, yé sọ hẹn ewọ he ko hodẹ́do tón jẹgbonu wá sọn osla lọ mẹ, bo yí zannu lẹ do dlanzannu in. Ovi Islaeli tọn lẹ lọ sọ wà dile OKLUNỌ lọ degbena Moṣe do.
Currently Selected:
Levitiku 24: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
