JAKOBU 5
5
1MÌ yì dinvie, mì adọkunnọ emi, mì ni to avivi, bo sọ to awhádo na oya mìtọn he ja mì ji. 2Adọkun mìtọn gble, avọ̀ mìtọn lẹzun dùdù na odó 3Sika mìtọn po fataka po ko jẹkò: okò yetọn wẹ na yin kunnudènu de do mì ji, bo nasọ dù agbasalan mìtọn di miyọn. Mì ko bé adọkunnu pli dai na azán godo tọn lẹ. 4Mì dayi e go, azọnkuẹ azọ́ntọ he ko hòglèmẹnu mìtọn lẹ té tọn, he mì glọn dai gbọn bublu dali, to awhádo; podọ awhá yé he hòtẹ lẹ tọn biọ otó Oklunọ awhànpa lẹ tọn tọn mẹ. 5Mìwlẹ to vivi dù to aihọn mẹ, mì ko tin to ogbèdudu mẹ, bo sọ to ayiha mìtọn yìn, taidi to hùhù zángbè. 6Mì ko gblewhẹdo, bo sọ hù dódónọ: ewọ ma sọ diọnukunsọ mì.
7Enẹwutu, mẹmẹsunnu emi, mì sinyẹnlin kaka jẹ gigòwá-Oklunọ tọn whenu. Mì dayi e go, oglesi nọ nọtepọ́n sinsẹ́n họkuẹ aigba tọn, bo sọ nọ tindo linsinsinyẹn nẹ̃ dẹn, kaka é na do mọ ojikun tintan po godomẹ tọn po yí 8Mì sinyẹnlin ga; bo hẹn ayiha mìtọn lódo; na gigòwá whenu Oklunọ tọn to sisẹpó. 9Mì hlún do mìnọzo go blo, mẹmẹsunnu emi, na yè nikã gblewhẹdo mì: pọ́n, whẹdatọ site to ohòn lẹ nukọn. 10Mẹmesunnu ṣie emi, mì yí yẹwhegán he to hódọ to oyín Oklunọ tọn mẹ lẹ dò basi ohia oyaji tọn, po linsinsinyẹn tọn po. 11Do ayi e go, mìwlẹ nọ hia yé he doakónna lẹ di donanọ. Mì ko sè homẹfa Jobu tọn, bo sọ mọ opòdo Oklunọ tọn; dọ awuvẹmẹtọ wẹ Oklunọ, lẹblanu etọn sọ bọ.
12Ṣigba hú onú popo, mẹmẹsunnu ṣie emi, mì yí núde do whlé blo, kavi yíyí olọn do whlé, kavi aigba yí do whlé, kavi whiwhlé devo depope; ṣigba mì gbọ mọwẹ mìtọn ni yín mọwẹ; lala mìtọn ni yín lala, na mì nikã jẹ whẹgbledo mẹ.
13Be mẹde to oyaji to mì mẹ? mì gbọ é ni hodè. Homẹ mẹde tọn vivi? mì gbọ é ni jihan wiwe. 14Mẹdepope jẹazòn to mì mẹ? mì gbọ ni ylọ mẹho agùn tọn lẹ, na yé ni hodẹ́ do e ji, bo kọn amisisa do ota nẹ to oyín Oklunọ tọn mẹ: 15podọ odẹ́ yise tọn na whlẹn azòntọ gán, Oklunọ nasọ zé e tite; eyín é ko sọ wàylan de, yè na jo nẹ. 16Mì yigbè ylando mìtọn tọn hlan mìnọzo, bo sọ nọ hodẹ na mìnọzo, na yè nido hẹn azọ̀n mìtọn gbọ. Odè zogbezogbe dódónọ de tọn magbọvọ nọ wàzọ̀n susu. 17Gbẹtọ owalọ di mítọn hunkọnọ Wẹ Eli, é hodẹ́ talala dọ jikun ja blo: é ma sọ jajikun do aigba owhè atọ̀n po osùn ṣidopo po. 18E sọ vọ́ dẹho, olọn sọ jajikun, aigba sọ hẹn sinsẹ́n etọn jẹgbonu wá.
19Mẹmẹsunnu emi, eyín mẹdepope buali sọn nugbo me to mì mẹ, bọ mẹde sọ hẹn ẹn gọ́; 20gbọ ewọ ni yọnen dọ, ewọ he hen ylandono de gò sọn alibubu etọn mẹ, na whlẹn alindọn dopo sọn okú mẹ, bo nasọ whlá ylando susu.
Currently Selected:
JAKOBU 5: BWL23
Highlight
Copy
Compare
Share
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
