JAKOBU 4
4
1FIE wẹ awhàn lẹ sọn wá podọ fie wẹ avùn sọn wá mì mẹ? é ma yín sọn ofì wẹ, yèdọ sọn nújijlo mìtọn lẹ mẹ, he to awhànfùn to awutugonu mìtọn lẹ mẹ? 2Mì to nújlo, mì ma sọ tindo: mì to hùhù, mì sọ to nukunkẹndó, mì ma sọgan mọyi: mì to avùnhò, mì sọ to awhànfùn, mọ mì ma sọ tindo, na mì ma kanbiọ wutu. 3Mì kanbiọ, mì ma mọyi, na mì kanbiọ jẹagò wutu, na mì nido zán ẹn nújijlo mìtọn le mẹ. 4Mì yọnnu ayòdetọ lẹ, be mìwlẹ má yọnẹn dọ họ́ntọnji hẹ aihọn, okẹ̀n wẹ é yín to Jiwheyẹwhe dẽ? na mẹdepope he na yín họ́ntọn aihọn tọn, kẹ̀ntọ Jiwheyẹwhe tọn wẹ. 5Be mì lẹn dọ Owé wiwe dọ yaya, dọ, Gbigbọ he tin to mì mẹ tọ nújlo hlan nuvẹun? 6Ṣigba é to ojọmiọn na omẹ deji. Enẹwutu é dọmọ, Jiwheyẹwhe ko diọnukunsọ goyitọ lẹ, ṣigba é yí ọjọmion na ayiha whiwhẹnọ lẹ. 7Enẹwutu mì lìta mìtọn ai hlan Jiwheyẹwhe. Mì diọnukunsọ legba; é nasọ hòn sọn mì de. 8Mì sẹpó Jiwheyẹwhe, ewọ nasọ sẹpọ́ mì. Mì kló alọ mìtọn, mì ylandonọ emi; mì sọ kló ayiha mìtọn, mì ayiawenọ lẹ. 9Na homẹ mìtọn ni gble, na mì ni so blawú, bo viavi; mì gbọ núkiko mìtọn ni lẹzun awubla, na ayajije mìtọn ni sọ lẹzun awúsinyẹn. 10Mi whiwhẹ mìde to Oklunọ nukọn, ewọ nasọ zé mì daga.
11Mẹmẹsunnu emi, mì dọhó ylankan de do mìnọzọ go blo. Ewọ he dọhó ylankan do mẹmẹsunnu etọn go, bo sọ to owhẹ́ mẹmẹsunnu etọn tọn da, é to ohó ylankan dọ do osẹn go bo sọ to owhẹ̀ osén tọn da: ṣigba eyín hiẹ to whẹdana osẹn, hiẹ ma yín wiwàtọ osén tọn gba, adavo whẹdatọ. 12Sénnamẹtọ dopo wẹ tin, mẹhe sọgan whlẹn omẹ, bo sọ sọgan husúdo; hiẹ mẹnu wẹ to owhẹ́ kọmenu towe tọn da?
13Mì wá dinvie, mì he to didọmọ, Egbé kavi osò, mí na yì otòdaho he mẹ, mí na nò finẹ hò owhè dopo, mí na to ajọwà, bo na to ale dù: 14whenuena mìwlẹ ma yón onú he na jò to osò. Na etẹ wẹ gbigbọ mìtọn? Ávivi wẹ, he sọawúhia to whenu vude, bo sọ kẹ́n wáyì. 15Ehe wẹ jẹ mì ni nọ dọ, dọmọ, Eyín Oklunọ jlo, mí na tin, bo wà ehe kavi enẹ. 16Ṣigba dinvie mì to awagundo to goyíyí mìtọn mẹ, awagundido mọtọn hunkọ lẹpo wẹ oylan. 17Enẹwutu ewọ he yọ́n dagbe dọ wiwà wẹ, bo ma basi i, ylando wẹ é yín hlan ẹn.
Currently Selected:
JAKOBU 4: BWL23
Highlight
Copy
Compare
Share
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
