JAKOBU 3
3
1MÌ mẹmẹsunnu ṣie emi, mì yín mẹplọntọ susu blo, na mì ni yọnẹn dọ mìwlẹ wẹ yè na gblewhẹdo gbahú. 2Na onú susu mẹ wẹ mí omẹ popo to ylanwà te. Eyín mẹde ma wàylan to ohó mẹ, ewọ lọ wẹ sọgbè, ewọ we sọgan dọgànnuna agbasa lẹpo ga. 3Do ayi e go, mìwlẹ nọ yí ogàn do onù na osọ́, na yé nido sè mítọn: mí sọ nọ lẹ́ agbasa yetọn pẹ́. 4Do ayi ohún lẹ go ga, le yé klo sọ, bo nọ gbọn jẹhọn sinsinyẹn dali jupẹ́, mọ húndonu wádawáda nẹ wẹ yè do nọ diọkọ nẹ̃ pé, hlan ofi depope húntọ jlo. 5Mọkẹdẹ wẹ odẹ́ yín awutugonu pẹvi de, bo sọ nọ sinadan onú he klo tọn. Do ayi onú daho he miyọn pẹvi nọ hẹn fiọ go 6Odẹ́ miyọn de wẹ, aihọn oylanwà tọn to awutugonu mítọn lẹ mẹ, bo nọ hẹn agbasa lẹpo gble, bo nọ simiyọn gbèzọnlin jọwamọ tọn, bọ yè sọ simiyọn ẹn gbọn olọnzo dali. 7Na kanlin alọpalọpa, ohè alọpalọpa? pa, odàn alọpalọpa, po onú he tin to ohù mẹ alọpalọpa po, we yè nọ whiwhẹ nukun na, mọ gbẹtọ dali wẹ yè gbọn do whiwhẹ nukunna yé: 8ṣigba odẹ́ wẹ gbẹtọ depope ma sọgan whiwhẹ nukun na; onu ylankan tólivẹtọ wẹ, é gọna adí okú tọn. 9Ewọ wẹ mí do nọpa Jiwheyẹwhe, yèdọ Otọ́; ewọ lọ wẹ mí sọ do nọ zùn gbẹtọ, he yè da to apajlẹ Jiwheyẹwhe tọn mẹ. 10Sọn onù dopo lọ mẹ wẹ pipa po ozùn po to tintọ́n sọn. Mì mẹmẹsunnu ṣie emi, onú helẹ ma jẹ ni yín mọ gba. 11Be otòsisà sọn nuvo dopolo mẹ nọ ví osìn mimiọn po vivlẹ́ po jẹgbonu? 12mì mẹmẹsùnnu ṣie emi, be votin sọgan sẹ́n amitmsinsẹ́n? kavi ovẹ̃n sọgan sẹ́n votin? mọwẹ asisa nuvo de ma sọgan ví jẹsìn po osìn mimiọn po gba.
13Mẹnu wẹ nuyọnẹnto zìnzìnto to mì me? Mì gbọ ni yí azón etọn hia po walọmimion nuyọnẹn tọn po gbọn owalọ dagbe dali. 14Ṣigba eyín mì tindo awuwhàn vivẹ, po avùn po to ayiha mìtọn mẹ, mì doawagun blo, mì sọ dolalo do nugbo kò blo. 15Nuyọnẹn he ma jẹte sọn aga gbá, sigba aigbanù wẹ, gbẹtọ tọn wẹ, aovi tọn wẹ. 16Na fie awuwhàn po avùn po te, finẹ wẹ bẹ́wlu po azọ́n ylankan lẹpo po te ga. 17Ṣigba nuyọnẹn he sọn aga wẹ wé, whenẹnu wẹ é yín jijọho, bo sọ nọ wà dẹdẹ, é ma sinyẹnawú nado vẹvẹ na, é gọ́ na lẹblanu po sinsẹ́n dagbe po, matin odiọ, matin yẹnuwiwà, 18Osinsẹ̀n dódó tọn wẹ yè to didó to jijọho mẹ gbọn yé he to jijọho basi lẹ dali.
Currently Selected:
JAKOBU 3: BWL23
Highlight
Copy
Compare
Share
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
