JAKOBU 2
2
1MẸMẸSUNNU ṣie lẹ emi, mì yí mẹhọ̀pọ́n gbẹtọ tọn do tindo yise Jesu Klisti Oklunọ mítọn, Oklunọ gigo tọn, blo. 2Na eyín mẹde wá plito mìtọn po sika lọkẹ́ po, po avọ̀ dagbedagbe po, bọ wamọnọ de sọ wá to avọ̀ dùdú mẹ; 3bọ mì gbògbéna ewọ he ṣinyọn avọ̀ dagbedagbe, bo sọ dọ hlan ẹn, dọ, Hiẹ sinai to ofi to otẹn dagbe mẹ; bo sọ dọ hlan wamọnọ lọ, dọ, Hiẹ nọte finẹ, kavi dọ, Wá sinai to tokloafọlìgbe ṣie glọ: 4be mìwlẹ ma zùn nudèdẹtọ to mìde mẹ mọ, bo sọ lẹzun whẹdatọ línlẹn ylankan tọn? 5Mì dotóai, mì mẹmẹsunnu yiwanna ṣie lẹ emi, Be Jiwheyẹwhe ma ko dè wamọnọ aihọn he tọn lẹ do basi adọkunnọ yise tọn, podọ whédutọ ahọludu lọ tọn he é dopagbe etọn hlan yé he yiwan nẹ̃ lẹ? 6Ṣigba mìwlẹ to wamọnọ dèpò. E ma yín adọkunnọ lẹ wẹ nọ bianukunna mì, bo sọ nọ dọn mì yì whẹdajan nukọn? 7Be yé ma nọ zannù do oyín yẹyinọ lọ go, ehe yè do nọ ylọ mì? 8Eyín mìwlẹ yìn tado osén tọn lọ dile Owé wiwe te, Hiẹ na yiwanna kọmẹnu towe di dewe, mì wà dagbe: 9ṣigba eyín mì tindo mẹhòpọ́n gbẹtọ tọn, oylan wẹ mì wà, yè sọ hẹn mì hùwhẹ gbọn osẹ́n dali di sẹ́nmẹjẹtọ. 10Na mẹdepope he yìn osẹ́n lẹpo, bo sọ wàylan to awà de ji, é ylanwhẹ popo tọn. 11Na ewọ he dọmọ, A deayò blo, wẹ sọ dọ ga, dọ, À hùmẹ blo. Be eyín hiẹ ma deayò, ṣigba eyín hiẹ hùmẹ, hiẹ lẹzun sẹ́nmejẹtọ. 12Mì to mọ dọ, bo sọ to mọ wà, di omẹ he tin nado yín whèdana gbọn osẹ́n mẹdekannujẹ tọn de dali. 13Na whẹ̀dida tin matin lẹblanu hlan ewọ he ma ko do lẹblanu hia: lẹblanu sọ to awàgundo to whẹ̀dida ji.
14Mẹmẹsunnu ṣie emi, ale tẹwẹ, eyín mẹde dọmọ, ewọ tindo yise, bo ma tindo azọ̀n? be yise nẹ sọgan whlẹn ẹn gán? 15Eyín mẹmẹsunnu kavi memeyọnnu dẹ yẹmé, bo ma tindo nudùdù gbèdopo tọn, 16bọ dopọto mímẹ dọ hlan yé, dọ, Mì yì jijọho, awutu mìtọn ni hunmiyọn, na mì nigọhò; bo ma yí onú he agbasa yetọn ma tindo lẹ na yé gba; ale tẹwẹ enẹ? 17Mọkẹdẹ wẹ yise, eyín é ma tindo azẹ́n, yín oṣiọ to ede mẹ. 18Mẹde sọgan dọmọ, Hiẹ tindo yise, yẹn sọ tindo azọ́n: yí yise towe hia mi matin azón towe, yẹn nasọ yí yise ṣie hia we gbọn azún, ṣie dali. 19Hiẹ yise dọ, Jiwheyẹwhe dopo wẹ tin; hiẹ basi dagbe: aovi lẹ yise ga, bo sọ sisọ. 20Ṣigba hiẹ, omẹ vọnu, jlo na yọnẹn dọ, yise matin azón é kú? 21Gbọn azọn dali ma wẹ yè sùwhẹna Ablaham otọ́ mítọn, whenuena é yí ovi ètọn sunnú Isaki do sánvọ́ to agbà lọ ji? 22Hiẹ mọ le yise nọ yi po azọ́n etọn lẹ po do, podọ gbọn azon dali wẹ yè hẹn yise sọgbè? 23Yè sọ hẹn Owé wiwe di he dọmọ, Ablaham yí Jiwheyẹwhe se, yè sọ hia ẹ hlan ẹn na dódó: yè sọ ylọ ẹ dọ Hóntọn Jiwheyẹwhe tọn. 24Mì mọ le yè gbọn azọ̀n dali sùwhẹna gbẹtọ-do, bọ é ma yín gbọn yise dopokẹdẹ dali. 25E ma yín mọkẹdẹ wẹ yè sùwhẹna Lahabu galọtọ gbọn ázón dali ga, whenuena é yí mẹdagun lẹ, bo do yé gbọn ali devo jẹgbonu yì? 26Na; le agbasa matin gbigbọ yín osiọ, mọkẹdẹ wẹ yise matimazọn yín osiọ ga.
Currently Selected:
JAKOBU 2: BWL23
Highlight
Copy
Compare
Share
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
