ISAIA 64

1ṢÓ hiẹ do tlẹn olọn lẹ, na hiẹ ni jẹte wá, na osó lẹ nido yé jẹdò to nukọn towe. 2Kẹdẹdi le mìyọn zòhọ tọn nọ to jiji, dile mìyọn nọ hẹn osìn fiẹ, nado hẹn oyín towe zùn yínyọnẹn na kẹ̀ntọ towe lẹ, na akọta lọ nido sisọ to nukọn towe. 3Whenuena hiẹ wà onú he dobu he míwlẹ ma donukun, hiẹ jẹte, osó lẹ yé kọnyingbé to nukọn towe. 4Na sọn whẹwhẹwhenu aihọn tọn, gbẹtọ ma ko sè, mọ otó ma ko gbla ẹ, mọ nukun ma ko mọ, Jiwheyẹwhe de to godotowe, he ko wleawu dai na yé he nọtepọ́n ẹn lẹ. 5Hiẹ pó ewọ he to ayajẹ bo to azọ́n dódó tọn wà, he flin we to aliho towe lẹ ji: dayi e go, hiẹ gblehomẹ, na míwlẹ wàylan wutu: mí sọ dẹn to enẹlẹ mẹ, yè na sọ whlẹn mí? 6Ṣigba mí omẹ pó wẹ taidi onú mawé, dódó mítọn lẹpo sọ taidi nukija he hiyọawu, mí omẹ pó sọ jà kọnyinai di amà; ylando mitọn bẹ́ mí sẹ́ di jẹhọn. 7Mẹde ma tin he to oyín towe ylọ, bo zé ede doaga nado hẹn ogo we: na hiẹ yí nukun towe whla sọn mí de, bo sọ sú mí do, na ylando mítọn wutu. 8Ṣigba dinvie, OKLUNỌ È, hiẹ wẹ otọ́ mítọn, okò wẹ míwlẹ, hiẹ wẹ zẹndotọ; alọnuzọ́n towe wẹ mí omẹ pó. 9À gblehomẹ dli blo, OKLUNỌ E, a sọ flin ylankan mítọn kakadoi blo: dayi e go, pọ́n, mí vẹ́ we, omẹ towe wẹ mí omẹ pó. 10Otò wiwe towe lẹzùn zùngbo de, Ziọni lẹzùn zùngbo de, Jelusalẹm sọ jẹvọ́. 11Ohọ̀ wiwe mítọn gigonọ, fie otọ́ mítọn lẹ nọ pa we te, wẹ yè yí mìyọn do mẹ̀: ohọ́ whànpẹnọ mítọn lẹpo wẹ yè gbà kija. 12OKLUNỌ È, hiẹ na hẹn dewe dote na onú helẹ? hiẹ na do onù towe abọẹ, bo bianukunna mí dli wẹ?

Currently Selected:

ISAIA 64: BWL23

Highlight

Compare

Copy