ISAIA 63

1MẸNU wẹ ehe sọn Edọmi wá he, po avọ̀ ahóvẹ̃ po sọn Botsla? ehe dogigo to aṣọvọ́ etọn mẹ, he gigọ́ jei to kiklo huhlọn etọn tọn mẹ? Yẹn he to hódọ dódó mẹ, dohuhlọn nado whlẹngan. 2Etẹwutu wẹ avọ̀ towe bia, bọ avọ̀ towe lẹ do taidi ewọ he to núzinzán vẹ̃nhàn tọn zín. 3Yẹn dopo wẹ zín núzinzán vẹ̃nhàn lọ tọn; to gbẹtọ lẹ mẹ, mẹde ma tin gọ́na mi: na yẹn na zín yé to homẹgble ṣie mẹ, bo sọ yé do odò to homẹfiọ ṣie mẹ; ohùn yetọn mì do avọ́ ṣie go, ón yẹ́ọ hẹn whanpẹ ṣie lẹpo gble. 4Na azán ahọsuyí tọn tin to ayiha ṣie mẹ, owhè Omẹfligọ ṣie lẹ tọn wá. 5Yẹn pọ́n, alọgọnamẹtọ de ma sọ tin; awú sọ ji mi dọ zẹ́dotetọ de ma tin; enẹwutu awà yẹnlọsu tọn hẹn whlẹngán wá dẽ; homẹfiọ ṣie, ewu lọ wẹ zé mi dote. 6Yẹn sọ zín gbẹtọ lẹ dai to homẹgble ṣie mẹ, bo hẹn yé nù nùmú to homẹfiọ ṣie mẹ, yẹn sọ hẹn huhlọn yetọn jẹte do aigba.

7Yẹn na dọhó homẹdagbe OKLUNỌ tọn tọn, po pipa OKLUNỌ tọn po kẹdẹdi ehe OKLUNỌ ko yí na mí lẹpo, podọ dagbe daho do owhé Islaeli tọn go, he ewọ ko yí na yé, kẹdẹdi lẹblanu etọn, podọ kẹdẹdi susugege homẹdagbe etọn tọn. 8Na ewọ ko dọ dọmọ, Nugbo, omẹ ṣie wẹ yé, ovi he ma nọ dolalo; ewọ sọ zùn Whlẹngántọ yetọn. 9To nukunbibia yetọn lẹpo mẹ, yè bianukun nẹ̃, angẹli nukọn etọn tọn sọ whlẹn yé: to owanyi etọn mẹ podọ to lẹblanu etọn mẹ ewọ ko fli yé gọ́: é zé yé, bo sọ hẹn yé to azán hóhó whenu tọn lẹpo mẹ. 10Ṣigba yé ṣatẹ, bo sọ hẹnhomẹwluna Gbigbọ Wiwe etọn: enẹwutu wẹ ewọ lẹzùn kẹ̀ntọ yetọn, é sọ hoavùn hẹ yé. 11Whenẹnu wẹ é flin azán hóhó, Moṣe, po omẹ etọn lẹ po, dọmọ, fie wẹ ewọ he hẹn yé hẹji sọn ohù mẹ te, ewọ po lẹngbọhọtọ lẹngbọpa etọn tọn po, Fie wẹ ewọ he yí Gbigbọ Wiwe etọn do gblagbla yetọn mẹ te? 12He yí adusilọ Moṣe tọn do dèana yé, po awà etọn he do gigo po, he to osìn má do awe to nukọn yetọn, nado basi oyín madopodo de na ede. 13He hẹn yé gbọn ṣẹnṣẹn odògbo tọn mẹ, di osọ́ de to zúngbo mẹ, na yé ma na do dahli, 14Dile kanlin nọ jọte yì agbàdo mẹ, mọwẹ Gbigbọ OKLUNỌ tọn hẹn ẹn gbọjẹ do: mọwẹ hiẹ dèana omẹ towe lẹ, nado basi oyín gigonọ de na dewe. 15Pọ́n odò sọn olọn, bo pọ́n sọn aisintẹn wàlọwiwe towe tọn, po gigo towe tọn po; fie wẹ vivẹnu towe po huhlọn towe po, nujawu towe susu, po lẹblanu towe po do ogo e te? yè hẹn yé dote wẹ? 16Nugbo, hiẹ wẹ otọ́ mítọn, eyín Ablaham ma tlẹ yón mí, bọ Islaeli ma yígbè mítọn, hiẹ, OKLUNỌ wẹ otọ́ mítọn, Omẹflitọ mítọn. 17OKLUNỌ, etẹwutu wẹ hiẹ hẹn mí buali sọn aliho towe ji, bo sọ hẹn ayiha mítọn sinyẹn sọn osi towe mẹ? Lẹ́gọ̀ na devi towe lẹ tọn wutu, hẹnnumẹ guigba towe tọn lẹ. 18Omẹ Wiwe towe lẹ wẹ tindo e to ojlẹ vude mẹ wẹ: kẹ̀ntọ mítọn lẹ ko zín fiwiwe towe dai. 19Towe wẹ mí; hiẹ ma ko dugán do yé ji gbède: yè ma sọ ylọ oyín towe do yé go.

Currently Selected:

ISAIA 63: BWL23

Highlight

Compare

Copy