HOSEA 14

1ISLAELI È, lẹ́gọ̀ do OKLUNỌ Jiwheyẹwhe towe de; na hiẹ ko jai gbọn oylanwà towe dali. 2Yí ohó lẹ do dè we, bo lẹ́gọ̀ do OKLUNỌ de: dọ hlan ẹn dọ, Dè oylanwà lẹpo sè, bo kẹaloyi enẹ he yín dagbe: mọwẹ míwlẹ na gọ̀ avọ́ nunina nùflo mítọn lẹ tọn jó. 3Asuli ma na whlẹn mí gba; míwlẹ ma na hẹ́ ósọ lẹ ji gba; mọ mí ma na sọ dọ hlan azon alọ mítọn lẹ tọn gbède ba dọ, Míwlẹ wẹ yẹwhe mítọn lẹ gba: na hiẹ mẹ wẹ tọsiọvi mọ lẹblanu te. 4Yẹn na hẹnazọ̀ngbọna agọ̀jodogodo yetọn, yẹn na yiwanna yé vonu: na yè lẹ́ adi ṣie yì sọn yé mẹ. 5Yẹn na tin di ahún: hlan Islaeli: ewọ na gbàsẹ́ di lili, bọ sọ yìn adọ̀ eton lẹ jẹgbonu di Lẹbanọni. 6Alà etọn lẹ na dlẹn, podọ owhànpẹ etọn na tin di atin olivieli, podọ wándide etọn di Lẹbanọni. 7Yé he nọ nọ́ oyẹ̀ etọn glọ lẹ na sọ lẹ́gọ̀; yé na sọ hinhọ́nun di ogbadó, bo sọ gbàsẹ́ di vẹntin: oflinnú etọn na sọ, tin di ovẹ̃n Lẹbanọni tọn. 8Eflaimi È, etẹ́ yẹn tindo nado wà po vodun lẹ po gbède ba? Yẹn ko gblọn, bo na sọ hò e pọ́n: Yẹn tin taidi atin fili omu de; yẹn mẹ wẹ yè mọ sinsẹ́n towe sọn. 9Mẹnu wẹ nuyọnẹntọ, ewọ bo na sọ túnwun onú helẹ? Zìnzìntọ, ewọ bo na sọ yọ́n yé? na ojlọjẹ wẹ aliho OKLUNỌ tọn, podọ dódónọ na zinzọnlin to yé mẹ; ṣigba sẹ́nmẹjẹtọ lẹ na jai finẹmẹ.

Currently Selected:

HOSEA 14: BWL23

Highlight

Copy

Compare