JOẸLI 1

1OHÓ OKLUNỌ tọn he wá jẹ Joẹli visunnu Pẹtuẹli tọn lọ de.

2Sè ehe, mì omẹ omẹho lẹ emi, bo sọ na otó, mì tòmẹnu aigba lọ tọn lẹpo. Ehe ko tin to azán mìtọn lẹ mẹ la, kavi to azán otọ́ mìtọn lẹ tọn lẹ mẹ? 3Mì dọ sọn e mẹ na ovi mìtọn lẹ, bo sọ gbọ ovi mìtọn lẹ ni dọ na ovi yetọn lẹ, podọ ovi yewlẹ tọn lẹ jẹ whẹndo dẽvo. 4Enẹ he ahlí kò jódai wẹ owẹ́n ko dù; podọ enẹ he owẹ̀n ko jódai wọ obọ̀ kò dù; podọ enẹ he obọ̀ ko jódai wẹ agbònọpatin ko dù. 5Mì fọ́n, mì núnùmúnọ emi, bo viavi; bo dohukuhlu, mì nùnùtọ ovẹ̃n tọn lẹpo emi, na ovẹ̃n vivi lọ tọn wutu; na yè sán ẹn sẹ̀ sọn onù mìtọn mẹ. 6Na yè hẹn akọta de hẹji wá aigba ṣie ji, huhlọnnọ, podọ matin osọha; adú kinnikinni de tọn wẹ adú etọn lẹ, podọ é sọ tindo adúsó kinnikinni daho de tọn lẹ. 7Ewọ ko hẹn vẹ̃ntin ṣie và, bo sọ wón ovotin ṣie: ewọ ko hẹn ẹn klònflo mlẹnmlẹn, bo sọ zé e dlanigba; yè so hẹn alà etọn lẹ zùn wéwé. 8Doavigbè taidi awhli he yè yí adẹ́vọ̀ do blahomena de na asú ovúwhenu etọn tọn. 9Yè sán avọ̀ nunina jinulili tọn po avọ̀ nunina nùnù po sẹ̀ sọn ohọ̀ OKLUNỌ tọn mẹ; yẹwhenọ lẹ, devizònwàtọ OKLUNỌ tọn lẹ, blawu. 10Yè hẹn ogle gbọ̀gbẹ́, aigba sọ blawu; na yè hẹn ogbadó và, yè hẹn ovẹ̃n yọ̀yọ̀ zùn húhú, amì sọ dùnpò. 11Yè hẹn winyanhù oglesi lẹ, vẹ̃ntinladètọ lẹ hukúhludo, na oli lọ podọ na bali-gbadó lọ; na yè súkún ojijẹ ogle lọ tọn do. 12Yè hẹn vẹntin mọwinyan, ovotin lọ sọ dùnpò; atin pomeglanate tọn lọ, odétin lọ ga, po atin apili ton po, yèdọ atin danji tọn lẹpo wẹ yè hen yé: na yè hẹn ayajẹ mọwinyan sọn visunnu gbẹtọ lẹ tọn lẹ mẹ. 13Mì yí odẹ́vọ̀ vo blahomẹna míde, bo doavigbè, mi yẹwhenọ lẹ emi; mì dohukùhlu, mì devizònwàtọ agbà lọ tọn lẹ; mì wá, mlọnai to odẹ́vọ̀ mẹ to ozán lọ mẹ, mì devizònwàtọ Jiwheyẹwhe tọn lẹ emi: na yè glọn avọ̀ nunina jinulili tọn po avọ́ nunina nùnù tọn lọ po dai sọn ohọ̀ Jiwheyẹwhe mìtọn tọn mẹ. 14Klan nùbibla de do wiwe, ylọ obẹ́pli ayidego de, bẹ́ mẹho lẹ pli po tòmẹnu aigba lọ tọn lẹpo po hlan ohọ̀ OKLUNỌ Jiwheyẹwhe mìtọn tọn kòn, bo dawhá hlan OKLUNỌ de. 15Hà na azán lọ! na azán OKLUNỌ tọn lọ tin to alọji, podọ azán lọ é na wá di vivà sọn. Ganhunupo lọ de. 16Bé yè ma sán núdùdù sẹ̀ to nukun mítọn lẹ nukọn, mọwẹ, ayajẹ po homẹhùn po sọn ohọ̀ Jiwheyẹwhe mítọn tọn mẹ? 17Okún lẹ wlo to owhèn yetọn lẹ glọ; yè hẹn ozlin lẹ zùn ojẹvò, yè họ̀ zĩnhọ lẹ liai; na yè hen ogbadó lọ mọwinyan. 18Nawẹ gbékanlin lẹ to winwẹ̀n sọ! yè hẹn apó kanlinpa tọn lẹ jẹflu, na yé ma sọ tindo kanlindùgbo wutu; mọwẹ, yè sọ hẹn lẹngbọpa lẹngbọ lẹ tọn jiya. 19OKLUNỌ È, hiẹ wẹ yẹn awhádo hlan: na miyọn lọ ko dù apó zùngbomẹ tọn lẹ súdo, podọ azòlọ lọ ko sọ fìọ atin danji tọn lẹpo. 20Mowẹ, gbékanlin danji tọn lẹ to nùkẹ̀ hlan we: na yè hẹn osìn pẹsẹpẹsẹ lẹ hú, podọ miyọn lọ ko sọ dù apó zùngbomẹ tọn lẹ súdo.

Currently Selected:

JOẸLI 1: BWL23

Highlight

Copy

Compare