HOSEA 13

1WHENUENA Eflaimi dọhó po sisọsọsi po; ewọ zé ede daga to Islaeli mẹ: ṣigba whenuena ewọ lẹzùn whẹ́ylannọ to Baali mẹ, é kú. 2Podọ dinvie yé to ylandowà alọmakúmakú, bo ko sọ basi bosiọ kinkọ̀n lẹ sọn fataka yetọn mẹ, yèdọ vodun lẹ kẹdẹdi wun-tùntùn yétọn titi, popo yé tọn azón anawàtọ lẹ tọn: yé nọ dọ na yé tọn dọ, Gbọ avósántọ lẹ sọn gbẹtọ mẹ ni donùnùgona oyìnvú lẹ lọ 3Enẹwutu yé na tin di aslọ afọnnu tọn, podọ di ahún he ju yì to afọnnufliflimẹ, di oyọ̀ he yè ví jẹhọnahizi do fú tón sọn nuligbàji, podọ di azọ̀ tón sọn azómóji. 4Gãnṣo yẹn wẹ OKLUNỌ Jiwheyẹwhe towe sọn aigba Egipti tọn mẹ; podọ hiẹ ma yọn yẹwhe de adavo yẹn, podọ whlẹngántọ de ma tin gọ́na mi 5Yen yón we to zùngbo mẹ, to aigba akúdido daho tọn mẹ 6Kẹdẹdi kanlindùgbo yetọn, mọwẹ yè góhòna yé do; yè gọhona yé, ayiha yetọn sọ yín zédaga: enẹwutu wẹ yé ko do wọn mi. 7Enẹwutu wẹ yẹn tin hlan yé di kinnikinni de: di opọ̀ de wẹ yẹn na to núhọ́ to aliho tó: 8Yẹn na pé yé di bẹali de he yè fọ̀ ovi lẹ sọn e si, bo na tlẹn otlan ayiha yetọn tọn: podọ finẹ wẹ yẹn na và yé súdo te di kinnikinni de; kanlin gbémẹ tọn na sọ tlẹn yé. 9Islaeli È, hiẹ yín hùhùsúdo; na hiẹ tin agọ̀ do ogo e, do alọgọ towe go. 10Fie ahọlu towe te dinvie, na ewọ nido whlẹn we to tòdaho towe lẹpo mẹ? podọ whẹ̀datọ towe lẹ, na mẹhe tọn hiẹ dọmọ, Na ahọlu de mi po ahọvi lẹ po? 11Yẹn ko na ahọlu de we to adi ṣie mẹ, bo ko sọ dè e sọ́ to homẹgble ṣie mẹ. 12Yè dòn oylanwà Eflaimi tọn bla; yè tò ylando etọn do agbànhọ́ mẹ. 13Awubla yọnnu ajipamẹ de tọn lẹ na wá e ji: visunnu mayọnnuinnọ de wẹ ewọ; whenuena é yín ojlẹ, ewọ ma nọte to otẹn gbigbà jẹgbonu ọvi lẹ tọn tọn lọ mẹ gba. 14Yẹn na fli yé sọn alọ kútòmẹ tọn mẹ; yẹn na fli yé sọn okú mẹ: Okú E, fie wẹ azònylankan towe lẹ te? Kútòmẹ È, fie wẹ vivà towe te? lẹnvọjọ na yín whiwhla sọn nukun ṣie lẹ mẹ. 15Yín ewọ tlẹ yín sinsẹ́nnọ to mẹmẹsunnu etọn lẹ ṣẹnṣẹn, ojẹhọn whèzẹtẹn ji tọn de na wá, gbọfufu OKLUNỌ tọn hẹaga sọn zùngbo mẹ ja, podọ asisawhin etọn na lezùn húhú, yè na sọ hẹn asisa etọn yín húhú; é na hẹn adọkunnu núzinzán whanpẹnọ lẹpo tọn gble. 16Samalia na lẹzùn ojẹvọ́; na ewọ ko ṣatẹ do Jiwheyẹwhe etọn go: Yé na jai gbọn ohi lọ dali; ovivu yetọn lẹ na yín gbigbà hanyanhanyan, podọ yọnnu yetọn lẹ po ohò po na yín kikẹ́.

Currently Selected:

HOSEA 13: BWL23

Highlight

Copy

Compare