HOSEA 12

1EFLAIMI to ojẹhọn dù, bo sọ to ojẹhọn whèzẹtẹn ji tọn hodo godo: ewọ to olalo lẹ po ovọ́jẹ po hẹn jideji whepoponu; yé sọ basi alẹ̀nù de hẹ Asilia, yè sọ bẹ́ amì yì biọ Egipti mẹ. 2OKLUNỌ tindo nudindọn de hẹ Juda ga, bo na sọ dlapọn to Jakob ji kẹdẹdi aliho etọn lẹ; kẹdẹdi wiwà etọn lẹ wẹ ewọ na nahọsu i do. 3Ewọ hẹn afọgbẹn nọvisunnu etọn tọn go to adọ̀ mẹ, podọ to huhlọn etọn mẹ é diahì hẹ Jiwheyẹwhe: 4mọwẹ, ewọ tindo huhlọn to angẹlì lọ ji, bo sọ glonú: ewọ viavi, bo sọ basi ovẹ̀vẹ̀ hlan e de: é mọ ẹn to Bẹti-eli, podọ finẹ wẹ ewọ dọhó hẹ mi te; 5na Jiwheyẹwhe awhànpa lẹ tọn wẹ OKLUNỌ; OKLUNỌ wẹ oflinnú etọn. 6Enẹwutu hiẹ ni lẹ́ do Jiwheyẹwhe towe de: yìn lẹblanu po whẹ̀dida po, bo nọtepọ́n Jiwheyẹwhe towe to whepoponu.

7Na Kanani tọn, Kanani lọ, ojlẹgàn oklọ tọn lẹ tin to alọ etọn mẹ: ewọ yiwanna nado hòmẹdù. 8Eflaimi bo sọ dọmọ, Nugbonugbo yẹn tin lẹzùn adọkunnọ, yẹn ko din adọkunnu mọ na dẽ: to tuklajẹ ṣie lẹpo mẹ yé ma na mọ oylanwà de he yín ylando to yẹn mẹ gba. 9Ṣigba yẹn wẹ OKLUNỌ Jiwheyẹwhe towe sọn aigba Egipti tọn mẹ; Yẹn na gbẹ́ sọ vẹ̀ we hẹn nado nọ̀ gohọ̀ lẹ mẹ, di to azán ohùnwhẹ ayidego tọn tọn lẹ mẹ. 10Yẹn ko dọhó hlan yẹwhegán lẹ ga, yẹn bo ko sọ hẹn numimọ lẹ jideji; podọ yẹn ko sọ gbọn alọ yẹwhegán lẹ tọn dali zán apajlẹ lẹ. 11Oylanwà wẹ Gileadi la? ovọ́ wẹ yé patapata; yé yí oyìnsú lẹ do sánvọ́ to Gilgali mẹ: mọwẹ, agbà yetọn lẹ na yín okiti lẹ to whóndọvlọ ogle tọn lẹ mẹ. 12Podọ Jakob hónyì biọ ogle Alami tọn mẹ, Islaeli sọ sẹ̀n na asi de, podọ na asi de ewọ yìn lẹngbọ lẹ. 13Podọ OKLUNỌ hẹn Islaeli hẹji tọ́n sọn Egipti wá gbọn yẹwhegán de dali, podọ yẹwhegán de dali wẹ yè whla ẹ gbọn. 14Eflaimi ko hẹnhomẹgblemẹ hlan adi vivẹvivẹ dahodaho: enẹwutu wẹ ohùn etọn na yín jijódai to e ji, podọ ovlẹ etọn wẹ OKLUNỌ na sọ lẹ́gọ̀ do e de.

Currently Selected:

HOSEA 12: BWL23

Highlight

Copy

Compare