OWALỌ APỌSTELI LẸ TỌN 9
9
1ṢIGBA Saulu gbé to gbigbọ adi po hùhù po tọn gbọ do nuplọntọ Oklunọ tọn lẹ ji, bo yì yẹwhenọ daho de, 2bo biọ owé to e de yì Damasku jẹ sinagọgu lẹ me dọ, eyín é mọ omẹ aliho he ji tọn de, eyín yé yín sunnu kavi yọnnu, na é ni hẹn yé bibla wá Jelúsalẹm. 3Le é to zọnlinji jei, é wá jọ bọ, é sepó Damasku; hinhọ́n de hon lédo e ajiji sọn olon mẹ: 4E sọ jai, bo sè ogbè de he to didọ hlan ẹn, dọ Saulu, Saulu, etẹwutu wẹ hiẹ to homẹkẹndo mi? 5Ewọ sọ dọmọ, Hiẹ mẹnu wẹ, Oklunọ? Oklunọ sọ dọmọ, Yẹn Jesu mẹhe hiẹ to homekẹndo wẹ: 6Ṣigba tite, bo yì otòdaho lo me, finẹ yè na dọ onú he hiẹ na Wà hlan we te. 7Mehe to zọnlinji po e po jei lẹ site sudúdú, yé to ogbè sè, ṣigba yé ma mọ omẹ de. 8Saulu sọ tite sọn aigba; whenuena yè hùn nukun etọn, é ma mọ ome de: ṣigba yé hẹn alọ nẹ, bo hen en wá Damasku. 9E nọ nukunnumamo azán atọ̀n, é ma dù, mọ é ma nù.
10Nuplọntọ dopo de tin tó Damasku, he ye nọ ylọ Anania; ewọ wẹ Oklunọ dọ na to numimọ me, dọmọ, Anania Ewọ sọ dọmọ, Pon, yẹn tin to ofì, Oklunọ. 11Oklunọ sọ dọ hlan ẹn, dọmọ, Tite, bo yì alihogbó he yè nọ ylọ Jijló ji, bo kàn mede biọ to owhé Juda tọn gbè, he yè nọ ylọ Saulu, Talsutọ: na, pọ́n, é to dèho, 12Ewọ ko sọ mọ dawe de to numimọ mẹ, he yè nọ ylọ Ananiá, é biọ owhé gbè, bo dealọ do è ji, na é nido mọnú. 13Ṣigba Anania gblọn dọmọ, Oklunọ, yẹn ko sè linlin dawe he tọn to omẹ susu de, oylan susu he é wà do mẹwiwe tòwe lẹ to Jelusalẹm: 14Podọ ofile é tindo asẹ sọn ogán yẹwhenọ lẹ tọn de, nado bla mẹhe to oyín towe ylọ lẹ. 15Ṣigba Oklunọ dọ hlan ẹn, dọmọ, To yìyì na dewe: na núzinzán didè de wẹ ewọ yín hlan mi, nado hẹn oyín ṣie yì Kosi lẹ, po ahọlu lẹ po po ovi Islaeli tọn lẹ po nukọn: 16Na yen na dohia ẹ onú susu nẹmu ewọ na jiya na na oyín ṣie tọn wutu 17Anania sọ yì, bo biọ owhé lọ gbè; le é dealọ do é ji, é dọmo, Saulu mẹmẹsunnu, Okluno, yèdọ Jesu, he doawúhia we to aliho whenuena a ja, wẹ do mi hlan, na hìẹ nido mọnukunnu, na yè nido yí Gbigbo Wiwe do go we. 18To afọdoponẹji nude flẹ́ son nukun eton mẹ di ohọn: ewọ sọ mọnukunnu, é fon, yè sọ-baptizi i. 19E dùnú, agbasa eton ló. Saulu sọ nòhẹ nuplọntọ he tin to Damasku lẹ hò azán nemude. 20To afọdoponẹji é dọyẹwheho Klisti tọn to sinagọgu lẹ mẹ, dọ, Ovi Jiwheyẹwhe tọn wẹ ewọ. 21Ṣigba awuji mẹhe to sisè e lẹ, yé sọ dọmọ, E ma yín dawe he we to yé he to oyín he: ylọ lẹ husúdo to Jelusalẹm, bo sọ wá ofi na ehe wutu, na é nido hẹn yé bibla yì ogán yẹwhenọ lẹ tọn de? 22Ṣigba huhlọn Saulu tọn to e ji jẹ, é so doflu Ju he nọnọ̀ Damasku lẹ, bo sọ sọhia dọ èhe wẹ Klisti lọ.
23Whenuena azán susu ko juwayì godo, Ju lẹ to ayihakan nado hù i: 24Ṣigba owuviva yeton zùn yinyọnẹn hlan Saulu. Yé sọ to hònghoji hó to okle po ozán po nado hù i. 25Nuplọntò etọn lẹ hẹn ẹn to; ozán mẹ, bo sọ zlọn ẹn dai gbọn odokọ ji to ọha mẹ.
26Whenuena é: wá Jelusalẹm, é zé e pọ́n nado kòn ede dopọ hẹ nuplontọ lẹ: ṣigba yé omẹ pó to budi nẹ, ye ma yise dọ nuplontọ de wẹ ewọ gba. 27Ṣigba Balnaba hẹn ẹn, bo plan en wá apọsteli lẹ de; bo sọ dọ le ẹwọ mọ Oklunọ to aliho do, podo le é dọhó hẹ ẹ do, podọ le é yí otugbigbo do dọyẹwheho to Damasku to oyín Jesu tọn mẹ do. 28E sọ nò yé de bo to yìyì bo to gigò to Jelusalẹm. 29E sọ yí otugbigbo do dọhó to oyín Jesu Oklunọ tọn me, bo sọ to nudòn hẹ Glẹki lẹ: ṣigba yé to zizé e pọ́n nado hù i. 30Whenuena mẹmẹsunnu lẹ yọ́n ehe, yé hẹn ẹn jẹte yì Sesalea, bo sọ ẹ dohlan Talsu.
31Mowẹ agùn lẹ tindo jijọho lédo Judé, to Galili podọ to Samalia, bo yín lili: yé sọ to zọnlinzin to osi Okluno tọn mẹ, podọ to homẹmimiọn Gbigbọ Wiwe tọn mẹ, bo sọ to susu do e ji.
32E sọ jọ, le Pita ju gbọn agbègbè lẹ ji jei, é jẹte yì mẹwiwe he tin to Lidda lẹ de ga. 33Finẹ wẹ é mọ dawe de te, he yè nọ ylọ Enea, he ko mlọnai to adozan etọn ji owhè sinatòn, na ewọ to jijizòn jẹ 34Pita sọ dọ hlan ẹn, dọ, Enea, Jesu Klisti hen we jẹgángán: tite, bo vó adózan towe basi E sọ tite to afọdoponeji 35Mẹhe tin to Lidda po Saloni po lẹ mọ ẹn, bo sọ lẹ do Oklunọ de.
36Nuplọntọ de sọ tin to Jọppa he yè nọ ylọ Tabita, ehe yè nọ ylọ gbọn tadena dali dọ Dolka: nawe he sù to azọ́n dagbe mẹ, podọ to azón nunamẹ tọn he é to bibasi mẹ. 37E sọ wá jọ to azán nẹle mẹ, wẹ é jẹazòn, bo sọ kú: whenuena yé lẹ́awu nẹ, yé té ẹ do gbàngan de mẹ to aga. 38Le Lidda sẹpọ Jọppa, nuplọntọ lẹ sisè dọ Pita tin to finẹ, do sunnusi awe hlan ẹn, nado vè ẹ dọ, é wanukundidọ nado wá yé de blo. 39Pita sọ fọ́n, bo hodo yé yì. Whenuena é wa, yé hẹn en wá biọ gbàngan aga tọn lọ mẹ: asúsiọsi lẹpo sọ site to e de bo to avivi, bo sọ to awu po avọ̀ po he Dolka gbò whenuena é tin to ye de dohia ẹ. 40Ṣigba Pita dè yé ome pó jẹgbonu, bo jẹklo, bo hodè; bo lé pànnukọn osiọ, bo dọmọ, Tabita, tite. E sọ hùn nukun etọn: whenuena é mọ Pita, é tite sinai: 41Ewọ sọ dlẹn alọ etọn hlan ẹn, bo zé e do ote, yiylọ mẹwiwe lẹ po asúsiọsi lẹ po, é dè e jegbonu to ogbè. 42Yè sọ sè e lédo Jọppa; gbẹtọ susu sọ yí Oklunọ se. 43E sọ wá jọ, bọ é nọ azán susu to Jọppa to Simọni dawe ayukannọ de de.
Currently Selected:
OWALỌ APỌSTELI LẸ TỌN 9: BWL23
Highlight
Share
Compare
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
