OWALỌ APỌSTELI LẸ TỌN 8
8
1Saulu sọ doalọ to oku eton me Whenẹnu wẹ homẹkẹn daho de tin do agùn he tin to Jelusalẹm ji; yè sọ vúnvún yé omẹ pó pé Jude po Samalia po dali, adavo apọsteli lẹ kẹdẹ. 2Omẹ ayihawiwenọ lẹ sọ zé osiọ Stefani tọn yì diditẹn etọn, bo sọ basi avigbè daho do e ji. 3Ṣigba Saulu to agún hẹngble, é to whégbèwhègoè biọ, bo to sunnu po yọnnu po wle, bo to ye bé do ogànho me.
4Enẹwutu yé hẹ ye vúnvún pé to ofi popo yì, bo yẹwheho oho lo tọn do. 5Whenenu wẹ Filipi jẹte yì otòdaho Samalia ton mẹ, bo lá Klisti hlan yé 6Agùndaho lẹ sọ yí ayiha do tùntó ohó he Filipi to didọ go, yé to sisè, bo sọ to azón ohia ton he é to wiwà mọ 7Na gbigbọ mawe le yiygbè lelé do to awhado, bo tọn sọn omẹ susu he ji ye hé: le go: podo omẹ susu he awukuzòn wlé le, po osekuno lẹ po, yè hẹnazọ̀ngbọna yé. 8Ayajije daho sọ tin to otodaho lọ mẹ.
9Ṣigba dawe de tin to tòdaho lọ me he ye nọ ylọ Simọni, he ko nọ dowọnna Samaliatọ le dai, bo nọ dọ megangán de we emi: 10Mẹhe omẹ popo payi e go son omẹpevi jẹ omẹdahó, bo didọ, dọ, Dawe he we huhlọn Jiwheyẹwhe tọn ne he yè nọ ylo Daho. 11Yé sọ nọ wleyẹyi nẹ, na whenu dindẹn wẹ é ko no dowọnna yé wutu. 12Ṣigba whenuena yé yí Filipi se he to yẹwheho onú he yín aholudu Jiwheyẹwhe ton dọ, po oyín Jesu Klisti tọn po, yè baptizi ye, sunnu po yọnnu po. 13Smiọm lọsu yise ga; whenuena ye baptizi i, é to hihodo Filipi, é to azón jawu po nujawu he yè to wiwà po pọ́n, é sọ yin awujinọ.
14Whenuena apọsteli he tin to Jelusalẹm le sè dọ Samaliatọ lẹ yí ohó Jiwheyẹwhe tọn se, yé do Pita po Johanu po hlan yé: 15yé mẹhe hodè na yé, whenuena yé jete wá, na yé nido mo Gbigbọ Wiwe yí: 16(Na kaka jẹ whenenu é ma ko je do medepope ji to yé mẹ gba; yè baptizi yé to oyín Jesu Oklunọ tọn me pòun wẹ.) 17Whenenu we yé dealo do ye ji yé sọ mọ Gbigbọ Wiwe yí. 18Whenuena Simọni mọ dọ gbon alọ do omẹ ji aposteli lẹ tọn mẹ wẹ yè gbọn do to Gbigbọ Wiwe namẹ, e dopagbe akue tọn na yé, 19dọmọ, Mì na asẹ he nkọ mi ga, dọ medepope he ji yen dealo do, nido mọ Gbigbọ Wiwe yí. 20Ṣigba Pita dọ hlan ẹn, dọ, Akue towe ni và po hiẹ po, na hiẹ lẹn do ye nọ yí akue do hò nunina Jiwheyẹwhe ton wutu. 21Hie ma tindo otẹnmẹ kavi mimá to ohó he mẹ: na ayiha towe ma sọgoè to Jiwheyẹwhe nukọn gba. 22Enẹwutu lẹnvọjọ na jijo ylankan towe he, bo sọ hodè hlan Jiwheyẹwhe, eyín eya yè sọgan jo linlẹn ayiha towe me tọn na we 23Na yẹn pọ́n dọ hie tin to vive ovivé tọn mẹ, podọ to ogàn ylando ton me. 24Whenẹnu we Simọni gblon bo dọmọ, Mì hodè hlan Okluno na mi, na depope to onú he mì dọ helẹ me wá oji e blo.
25Podọ yewlẹ, whenuena yé ko dekunnu bo sọ dọyẹwheho ohó Oklunọ tọn tọn, yé lé gọyì Jelusalẹm, bo sọ dọyewheho wendagbe tọn to otò-pẹvìpẹvi Samaliatọ le tọn susu mẹ.
26Angẹli Oklunọ tọn sọ dọ hlan Filipi, domo, Fon bo yì ohù wàji to aliho he sọn Jelusalẹm yì Gaza ji, ehe yín zùngbo me 27Whenuena é sọ fọ́n, é yì; bo dayi e go, dawe Etiopiatọ de, ojọ asènọ daho to Kandakẹ ahọsi Etiopiatọ lẹ tọn glọ, mẹhe si adokunnú etọn lẹpo te, é wá nado hodè to Jelusalẹm. 28Le é gò jei, bo sinai to kẹkẹ etọn mẹ, é to owé Esaia yẹwhegán tọn hia. 29Whenẹnu wẹ Gbigbọ dọ hlan Filipi, dọ. Yì, bo kòn dewe dopọ po kekẹ he po. 30Filipi sọ dowezun yì e de, bo sè, é to owé Esaia yẹwhegán tọn hia, é sọ kanbiọ ẹ dọ, Hiẹ tunwun onú he hiẹ to hihia? 31Ewọ sọ dọmọ, Nawẹ yẹn sọgan do, adavo mẹde deana mi? E sọ vè Filipi nado hẹji wá bo sinai po e po. 32Ofi Owé wiwe he é to hihia lọ tọn wẹ ehe, 1
Yè plan ẹn di lẹngbọ de jẹ hùhùtẹn;
Podọ dile lẹngbọvu nọ siabọẹ to fúnpatọ etọn nukọn,
Mọwe é ma kẹ onù etọn.
33To huwhé etọn mẹ, ye yí whẹ̀dida etọn yì:
Mẹnu wẹ sọ sọgan pitan whẹndo etọn tọn?
Na yè dè ogbè etọn sọn aihọn mẹ.
34Ojọ lọ sọ dọ hlan Filipi, bo dọmọ, Yẹn vẹ̀ we, Menu tọn wẹ ehe yẹwhegán dọ he? ewlọsu tọn, kavi omẹ devo tọn? 35Whenẹnu wẹ Filipi kẹ ẹmù etọn, bo sè do Owé wiwe dopo lọ go, bo dọyẹwheho Jesu tọn hlan ẹn. 36Le yé sọ to yiyi to aliho yetọn ji, yé jẹ osìn de kòn: Ojọ lọ SỌ dọmọ, Pọn, osìn tin to ofi; etẹ wẹ hẹn mi do ote nado baptizi? 37Filipi sọ dọmọ, Eyín hiẹ yí ayiha towe lẹpọ do yise, yè sọgan baptizi we. E sọ kẹnu, bo domọ, Yẹn yise dọ Ovi Jiwheyẹwhe tọn wẹ Jesu Klisti. 38E sọ dọmọ, yè ni hẹn kẹke dote: yé omẹ awe le sọ jẹte yì osìn me, Filipi po ojọ lọ po; é sọ baptizi i. 39Whenuena ye sọ tón je age sọn osìn me, Gbigbọ Oklunọ tọn zé Filipi gọ yì, bọ ojo lọ ma sọ mọ ẹn ba: ewọ sọ to yìyì to aliho eton ji, bo to ayajẹ 40Azotu wẹ yè mọ Filipi te; le é juwájei, é to yẹwheho dọ to otòdaho lẹpo mẹ, kaka é do wá Sesalia.
Currently Selected:
OWALỌ APỌSTELI LẸ TỌN 8: BWL23
Highlight
Share
Compare
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
