OWALỌ APỌSTELI LẸ TỌN 10
10
1DAWE de tin to Sesalea he yè nọ ylọ Kọneliọsi, mẹkanwekowhangán awhanpa he yè nọ ylọ ogbé Itali tọn tọn. 2Gbẹtọ ayihawiwenọ, mẹhe dibusi Jiwheyẹwhe pó whégbètọ etọn lẹ po, mẹhe nọ na nunina lẹblanu tọn susu gbẹtọ lẹ, bo sọ nọ hodè hlan Jiwheyẹwhe to whepoponu. 3E mọ hézéhéze to númimọ mẹ to ojlẹ ogàn sinẹnetọ okle tọn mẹ, angẹli Jiwheyẹwhe tọn de wá e de, bo dọ hlan ẹn, dọ, Kọneliọsi. 4Whenuena é to pinpọ́n ẹn, avọ̀vò e, é sọ dọmọ, Oklunọ, etẹ wẹ? Ewọ sọ dọ hlan ẹn, dọmọ, Odè towe lẹ, po nunina towe lẹ po hẹji wá aga na oflin de to Jiwheyẹwhe nukọn. 5Do omẹ hlan Jọppa dinvie, bo hẹn Simọni wá, mẹhe oyíngọ etọn nọ yín Pita; 6E jẹ owhe Simọni ayukannọ de tọn gbè, he owhé etọn tin to ohùtó: 7Whenuena angẹli he dọhó hẹ Kọneíiọsi lọ ko jo e do yì, é ylọ devi sunnu awe owhé etọn gbè tọn, po awhanvipẹ ayihawiwenọ dopo po to yé he nọ site to e de to whepoponu lẹ mẹ; 8whenuena é ko dọ onu helẹ pó hlan yé, e do yé hlan Jọppa.
9To azán awetọ gbè, le yé to yìyì to zọnlin yetọn ji, bo to sisepọ otò lọ, Pita hé ozà ji jei dèho gbe to ojlẹ sidopotọ mẹ: 10huvẹ sọ to hùhù i talala, ewọ sọ jlo na dùnú: ṣigba le yé to awuwle, é jẹ númimọ mẹ, 11bo mọ olọn hùn, núzinzán de sọ jẹte di avọ̀whe daho, he yè sìn sọn tónu ẹne le, yè sọ dòn ẹn wá aigba: 12ehe mẹ kanlin afọ ẹnẹnọ hunkọhunkọ aigba tọn lẹpo tin te, ogbé kanlin lẹ, po onú he nọ lìn gbọn aigba lẹ po, po ohẹ̀ oji aga tọn lẹ po. 13Ogbè de sọ dọ hlan ẹn, do, Pita, tite, to hùhù bo sọ to dùdù. 14Ṣigba Pita gblọn bo dọmọ, Oklunọ, é ma yín mọ gba; na yẹn ma dù onú he yín osù kavi mawe de gbède. 15Ogbè lọ sọ dọ hlan ẹn whlawetọ, dọ, Onú he Jiwheyẹwhe klọ́, hiẹ sọ ylọ osù ba blo. 16Yè sọ basi ehe whlatòn: yè sọ zé núzinzán lọ gò yì oji aga.
17Le é dabla do Pita to óhò etọn me, na onú he onúmimọ he é mọ he yín, pọ́n, dawe he yè dohlan sọn Kọneliọsi de lẹ wá, yé to owhe Simọni tọnkanbiọ, bo site to hòngboji, 18bo dawhá kanbiọ eyín Simọni he yè nọ ylọ Pita jẹ finẹ. 19Le Pita to númimọ lọ tọn lẹnpón, Gbigbọ dọ hlan ẹn, do, Dayi ego, sunnusi atọ̀n to dindin we. 20Ṣigba fọ́n, bo jẹte, bo hodo yé yì, a hà nudepope blo: na yẹn wẹ do yé hlan. 21Pita sọ jẹte yì dawe he yè do dohlan en sọn Kọneliọsi de wá lẹ de; bo dọmọ, Pọ́n, yẹn wẹ mẹhe mì to dindin: etẹ wẹ onú he wutu mì wá? 22Yé sọ dọmọ, Kọneliọsi, mẹkanwekowhangán, dawe dódónọ de, mẹhe dibusi Jiwheyẹwhe, bo sọ diyín dagbe to akọta Ju tọn lẹpo mẹ, wẹ yè hensèava sọn Jiwheyẹwhe de gbọn angeli wiwe dali, nado dowẹn hlan we, na hiẹ ni wá owhé etọn gbè nado sè ohó sọn de we. 23Mọwẹ é ylọ yé biọ owhé gbè; bo dotẹnna yé. To azán awetọ gbè, Pita hodo yé yì, mẹmẹsunnu adade sọn Jọppa plan ẹn yì. 24To azán atọ̀ntọ gbè yé biọ Sesalea. Kọneliọsi ko to nukundo yé, bo ko sọ ylọ hẹnnumẹ etọn lẹ, po họ́ntọn etọn lẹpo po plidopọ. 25Le Pita to owhé gbè biọ, Kọneiiọsi yì pó e, bo jẹklo to afọ etọn go, bo litai nẹ̃. 26Ṣigba Pita ze e tite, bo dọmọ, Tite, gbẹtọ wẹ yẹn ga 27Le é to hódọ po e po, é biọ owhé gbè, e mọ gbẹtọ susu wá plidopọ. 28E sọ do hlan yé, domo, Mìwlẹ yón le é ma gbọn aliho osen tọn na ye he yín Ju, nado zọnhe kavi nado wá ye he yín akọta devo de: ṣigba Jiwheyewùe ko sọhia mi dọ yẹn sọ ylọ omẹ de osu kavi mawé blo 29Enẹwutu yen do wá mì de madònnu, dole ye dowẹn hlan mi do: be enẹwutu yẹn kanbiọ, etẹ wẹ onú he wutu mì dowẹn hlan mi? 30Kọneliọsi sọ gblọn dọmọ, Azán ẹnẹ gbọn wẹ yẹn ko to nùbla kaka jẹ ojlẹ he mẹ; podọ to ojlẹ sinẹnẹtọ me yen to dèho to owhé ṣie gbè, dayi e go, dawe de site to nukọn ṣie to avọ̀ weweteté mẹ, 31bo dọmo, Kọneliọsi, yè sè odè towe yè sọ yi nunina towe to oflin mẹ to Jiwheyẹwhe nukọn. 32Enẹwutu dowen hlan Jọppa, bo ylọ Simọni wá ofì, mẹhe oyíngo etọn nọ yín Pita: é je owhe Simọni ayukannọ de tọn gbè to ohùtó. 33Afọdoponeji wẹ yẹn dowẹn hlan we; hiẹ sọ wàdagbe bọ hiẹ do wá. Enewutu mí omẹ pó tin to ofi to Jiwheyẹwhe nukọn dinvie nado sè onú he yè degbèna wẹ sọn Oklunọ de lẹpo. 34Pita sọ kè onù etọn, bo domọ, Nugbo, yẹn pọ́n dọ Jiwheyẹwhe ma yín mẹnukuntahopọntọ gba: 35ṣigba to akọta lẹpo mẹ, mẹhe dibu si i, bo wàzón dódo, wẹ yè kealoyi to e de. 36Ohó he Jiwheyẹwhe doblan ovi Islaeli ton lẹ, he to yẹwheho wẹndagbe tọn dọ gbon Jesu Klisti dali: (ewọ wẹ Oklunọ onú popo tọn:) 37Mìwlẹ yón ohó lọ, he yè ko dọyẹwheho etọn lédo Judé lẹpo, ehe yè sè do e go sọn Galili, to baptem he Johanu dọyẹwheho etọn godo; 38le Jiwheyẹwhe kọn Gbigbo Wiwe po huhlọn no do Jesu Nazaleti tọn ji do: mẹhe to dindanpé nado wàdagbe, podọ nado hẹnazọ̀ngbọna omẹ he yè tọ yasahẹ sọn lẹgba si wá lẹ; na Jiwheyẹwhe tin po e po. 39Mìwlẹ sọ wẹ kunnudetọ onú he e wà lẹpo tọn, to aigba Ju lẹ tọn ji, podọ to Jelusalẹm; mẹhe yé hù, bo sọ pla do atin go: 40ewọ wẹ Jiwheyẹwhe zetite to azán atònto gbè, bo so do e hia gbangba; 41ẹ ma yín hlan gbẹtọ lẹpo gba, ṣigba hlan kunnudetọ he yè ko dè dai sọn Jiwheyẹwhe de lẹ, yèdọ hlan mìwlẹ, mẹhe dù bo sọ nù he ẹ to whenuena é tite sọn osiọ lẹ mẹ godo, 42E sọ nasè mí nado dọyẹwheho hlan gbẹtọ lẹ, podọ nado dekunnu dọ, ewọ wẹ yè dè sọn Jiwheyẹwhe de do basi Whẹdatọ omẹgbe po osiọ po tọn. 43Ewọ we yẹwhegán lẹpo dekunnu hlan dọ, medepope he yise to oyìn etọn mẹ, na mọ odesè ylando tọn yí.
44Le Pita to onó nẹlẹ dọ, Gbigbọ Wiwe je do yé omẹ pó he to ohó lọ sè ji. 45E sọ jiawu do omẹ owhẹgbo tọn lẹ, soha ome he hodo Pita wá lẹ tọn, na yè kọn nunina Gbigbọ Wiwe tọn do Kosi lẹ ji ga wutu. 46Na yé sè yé yí ogbè devo do to hódọ, bo sọ to gigopana Jiwheyẹwhe. Whenẹnu wẹ Pita gblọn dọmọ, 47Omẹ depope sọgan kó dọ yè ma na yí osìn do baptizi omẹ helẹ, he mọ Gbigbọ Wiwe yí kededi mìwlẹ? 48E sọ dọ yè ni baptizi yé to oyín Oklunọ ton mẹ Whenenu wẹ yé vó ẹ nado dọ̀ngban ho azán sọhade.
Currently Selected:
OWALỌ APỌSTELI LẸ TỌN 10: BWL23
Highlight
Share
Compare
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
