OWALỌ APỌSTELI LẸ TỌN 7
7
1WHENẸNU wẹ yẹwhenọ daho gblọn dọmọ, onú helẹ yín mọ? 2Ewọ sọ gblọn bo, dọmọ, Mẹho, mẹmẹsunnu, po mì otọ́ lẹ po emi, mì tùntóai: Jiwheyẹwhe gigo tọn sọawúhia Ablaham otọ́ mìtọn, whenuena é tin to Mẹsopotamia, whẹpo é do yín wásinu to kalláni, 3bo sọ dọ hlan ẹn, dọ, Yì sọn aigba towe: ji, podọ sọn hẹnnumẹ towe lẹ mẹ, bo wá aigba he yẹn na dohia we ji. 4Whenẹnu wẹ é yì sọn aigba Kaldétọ lẹ tọn ji, bo sọ yín wásinu to Kallani: to godo whenuena otọ́ ẹtọn kú, finẹ wẹ é fọ́n sọn wá aigba he ji, fie mìwlẹ to ninò to dinvie. 5E ma na ogú i, lala, é ma yín sọ afọpa dopo to aigba lọ mẹ gba: ṣigba é sinadan dọ, é na yí do na adọkunnu in, podọ hlan okún etọn lẹ to godo etọn, to whenuena é ma ko tindo ovi. 6Jiwheyẹwhe sọ dọ le dọ, okún etọn na wáwási to aigba devo ji; podọ yé na yí yé do basi kanlinmọ, bọ na sọ bianukunna yé hò owhè fòwe. 7Jiwheyẹwhe, dọmọ, Akọta he yé na yín kanlinmọ hlan wẹ yẹn na dawhèna: enẹgodo wẹ yé na jẹgbonu wá, bo sèn mi to ofìle. 8E yi alènu owhẹgbo tọn na ẹn; mọwẹ Ablaham ji Isaki, bo gbọwhẹ nẹ to azán sinatòntọ gbè, Isaki sọ ji Jakobu; Jakobu sọ ji otó-daho wiawe lẹ. 9Otọ-daho lẹ po awuwhan po do Josẹfu go, sà ẹ hlan Egipti: ṣigba Jiwheyẹwhe tin po ẹ po, 10bo sọ whlẹn ẹn sọn nukunbibia etọn lẹpo mẹ, bo na nukundagbe po nuyọnẹn po e to Falo ahọlu Egipti tọn nukunmẹ; owọ sọ yí i do do otògán Egipiti tọn po owhé etọn lẹpo po tọn. 11Huvẹ de wá aigba Egipti tọn lẹpo po Kananì po ji, po nukunbibia daho po; otọ́ mìtọn lẹ ma sọ tindo núdùdù. 12Ṣigba whenuena Jakobu sè dọ gbadó tin to Egipti, é do otọ́ mìtọn lẹ hlan whé. 13To whlawetọ Josẹfu hẹn ede zùn yìnyọnẹn hlan nọvisunnu etọn lẹ; yè sọhẹn hẹnnumẹ Josẹfu tọn lẹ zùn yinyọnẹn hlan Falo. 14Whenẹnu wẹ Josẹfu dowẹnhlan, bo ylọ Jakobu otọ́ etọn wá e de, po hẹnnumẹ etọn lẹpo po, ayiha kandegbànatọ́n. 15Mọwẹ Jakobu jẹte yì Egipti, bo sọ kú, ewo po otọ́ mìtọn le po. 16Yè sọ hẹn yé yì Sisẹmi, bo té yé do oyọwhé he Áblaham hò yín sọha fatakakuẹ tòn de to ovi Emọli tọn si, otọ́ Sisẹmi tọn. 17Ṣigba whenuena ojlẹ opagbe tọn, ehe Jiwheyẹwhe do whlé hlan Ablaham to sisẹpó, gbẹtọ lẹ to susu bo sọ; to jijigba to Egipti, 18kaka ahọlu devo do dù, he ma yón Josẹfu. 19Ewọ wẹ yí oyẹ do zán hẹ hẹnnumẹ mìtọn lẹ, bo sọ wàylan do otọ́ mítọn lẹ, sọmọ bọ yé bé ovivu yetọn lẹ dlangbe, na yé ma na do nọgbè. 20To Ojlẹ he mẹ yè ji Moṣe te, mehe yọnwhanpẹ talala, bọ yè sọ pọ́n ẹn whén tó owhé otọ́ etọn tọn gbè hò osùn atọn: 21whenuena yè sọ tún in dlangbe, oviyọnnu Falo tọn mọ ẹn só, bo sọ pọ́n e go na ovi ede tọn. 22Yè sọ plọn nuyọnẹn Egiptitọ tọn lẹpo Moṣe, ewọ sọ dohuhlọn to ohó po owalọ po mẹ 23Whenuena é yín owhè kande mẹho, é wá ayiha etọn mẹ nado yì la mẹmẹsunnu etọn lẹ ovi Islaeli tọn lẹ pọ́n. 24Whenuena é mọ dopo to yé mẹ to yaji, é yíwhè do e ji, é sọ yíahọsu mẹhe yè to yasahẹ tọn, bo sọ hu Egiptitọ lọ: 25na e lẹn dọ mẹmẹsunnu etọn lẹ na yón le Jiwheyẹwhe gbọn alọ etọn mẹ to whlẹngan na yé do: ṣigba yé ma yọnẹn. 26To azán awetọ gbè é do ede hia hlan yé le yé to avùnho, ewọ do sọ da yé, é dọmọ, Mẹho: emi, mẹmẹsunnu wẹ mì; etẹwutu wẹ mì to nugbigble wà do mìnọzo? 27Ṣigba mẹhe wànugbigble do omẹ awẹtọ etọn, sisẹ ẹ sè, bó dọmọ, Mẹnu wẹ yí we do dogán kavi whẹdatọ do mí ji? 28Hiẹ jlo na hù mi dile hiẹ hù Egiptitọ do to osọ? 29Whenẹnu wẹ Moṣe hònyi na ohó he wutu, bo sọ yín wásinu to aigba Madiani tọn ji, ofì he é ji óvi awe te. 30Whenuena owhè kande juyì, angẹli Oklunọ tọn de sọawúhia ẹ to zùngbo mẹ to osé Sinai tọn ji to ozòlọ mẹ to nukan mẹ. 31Whenuena Moṣe mọ ẹn, nupinpọn lọ jiawu to nukun etọn mẹ: whenuena é sẹpọ́ ẹ nado pọ́n ẹn tlintlin, ogbè Oklunọ tọn wá e de, 32dọmọ, Yẹn wẹ Jiwheyẹwhe otọ́ tówe lẹ tọn, Jiwheyẹwhe Ablaham tọn, Jiwheyẹwhe Isaki tọn, Jiwheyẹwhe Jakobu tọn. Whenẹnu wẹ Moṣe siso, é ma sọ ha na pọ́n ẹn ba. 33Oklunọ sọ dọ hlan ẹn, dọ, Dè afọpa towe sọn afọ towe: ne ofi he hiẹ site te aigba wiwe wẹ. 34Yẹn ko mọ, yẹn ko mọ nukunbibia omẹ ṣie he tin to Egipti lẹ tọn, yẹn ko sè winwẹn yetọn, yẹn sọ jete wá nado whlẹn yé. Hiẹ wá dinvie, yẹn na do we hlan Ègipti. 35Moṣe he yé gbé, dọ, Mẹnu wẹ yí we do dogán kavi whẹdatọ? ewọ dopolọ wẹ Jiwheyẹwhe dohlan nado yín ogán, mẹwhlẹntọ gbọn alọ angẹli lọ tọn mẹ he sọawúhia ẹ to nukan mẹ. 36Ewọ wẹ hẹn yé jegbonu, to ehegodo é do nujawu po ohia po hia to aigba Egipti tọn ji, podọ to Ohù Vẹ me, podọ to zùngbo mẹ owhè kande. 37Ehe wẹ Moṣe lọ he dọ hlan ovi Islaeli tọn lẹ, dọ, Oklunọ Jiwheyẹwhe mìtọn na zé yẹwhegán de tite hlan mì to mẹmẹsunnu mìtọn lẹ me di yen: etọn wẹ mì ni yise. 38Ehe lo wẹ mẹhe tin to agùn mẹ to zùngbo me po angẹli he to hódọ hẹ ẹ po to osé Sinai tọn ji, podọ hẹ otọ́ mìtọn lẹ: mẹhe yí ohó ogbè tọn nado na mí: 39mẹhe otú mìtọn lẹ ma jlo na yise, ṣigba yé sisẹ ẹ sọn yé de, bo sọ lé to ayiha yetọn mẹ hlan Egipti, 40yé dọ hlan Aalọn, dọ, Basi vodun na mí ehe na hòali jenukọnna mí: na Moṣe he plan mí sọn aigba Egipti tọn ji tọn, mìwlẹ ma yọ́n onú he wà ẹ. 41Yé sọ kòn bosiọ oyìnvu tọn to azán nẹle mẹ, yé sánvọ́ hlan bosiọ lọ, bo sọ tò ayajẹ to azón alọ yeton mẹ tọn me. 42Whenẹnu wẹ Jiwheyẹwhe lé, bo jó yé do nado to awhanpa olon tọn le sèn; dile yè wlan ẹn to owé yẹwhegán le tọn mẹ dọ, 4
Mì omẹ owhé Islaeli gbè tọn emi, mìwlẹ ko hù ogbọ do sánvọ́ hlan mi,
Kavi mìwlẹ ko hẹn avọ́ wá na mi to zùngbo mẹ to owhè kande mẹ?
43Humọ mìwlẹ ko kẹalọyi gohò Moloki ton,
Podọ sunwhlẹvu yẹwhe mìtọn Lemfani tọn,
Apajlẹ he mì basi nado to sinsẹ́n yé:
Enẹwutu yẹn na bé mì zẹ́ Babilọni go.
44Otọ́ mìtọn lẹ tindo gohò okunnu tọn to zùngbo mẹ, dile é magbè etọn do, bo to didọ hlan Moṣe dọ é ni basi i kẹdẹdi ohia ehe é mọ ton. 45Ehe otọ́ mìtọn he wá to godo lẹ hẹn hodo Josua wá aigba Kosi lẹ ton ji, mẹhe Jiwheyẹwheyàn jẹgbonu sọn nukọn otọ mìtọn lẹ tọn, kaka jẹ Davidi whenu; 46mehe mọ nukundagbe to Jiwheyẹwhe nukon, bo sọ bio nado pọ́n gohò de na Jiwheyẹwhe Jakobu tọn. 47Ṣigba Solomoni wẹ dó ohò de nẹ. 48Ṣigba Gigogan ma nọnọ̀ tẹmpli he yè yí alọ do dó mẹ; dile yẹwhegán dọ, dọmọ, 5
49Olọn wẹ ofìn ṣie,
Aihọn sọ we tokloafọligbé ṣie tọn,
Ohò tẹ hunkọ we mì na dó na mi? wẹ Oklunọ do;
Kavi ofie wẹ otẹn ọgbojẹ ṣie tọn?
50E ma yín alọ ṣie wẹ basi onú helẹ pó?
51Mi tasinyẹntọ, ayiha magbowhẹnọ, whepoponu wẹ mi nọ glọnalihona Gbigbọ Wiwe; le otọ́ mìtọn lẹ wà do, mọwẹ mìwlẹ to wiwà do. 52Mẹnu wẹ to yẹwhegán lẹ me he otọ mìtọn lẹ ma ko dohomekẹn? yé ko sọ hù mehe to wiwá Dódónọ nẹ tọn dọdai lẹ; mẹhe mìwlẹ yín mẹdohiatọ na, hlọnhutọ: 53Mẹhe mọ osén yí gbọn lizọnyiyi angẹli lẹ tọn dali, bo ma yìn in 54Whenuena yé sè onú helẹ, ayiha yetọn dalan jẹ homẹ, yé sọ duadukúnkún do e ji. 55Ṣigba ewọ gó na Gbigbọ Wiwe, é zínnukun do aga do olọn mẹ, bo sọ mọ gigo Jiwheyẹwhe tọn, po Jesu po to ote to adusilọ Jiwheyẹwhe tọn mẹ. 56E sọ dọmọ, Pọ́n, yẹn mọ olọn lẹ hùn, po Ovi gbẹtọ tọn po to ote to adusilọ Jiwheyẹwhe tọn me. 57Ṣigba yé yí ogbè lélé de do dawhá, bo sú otọ́ yetọn, bo yí ayiha dopo do hozín do e ji, 58yé dòn ẹn jẹ dokọgodo otodaho lo ton, bo dlẹn ozannu do e: kunnudetọ lẹ sọ yí avọ̀ yetọn bọdai to afo visunnu de ton go, he yè nọ ylọ Saulu. 59Yé dlẹn ozannu do Stefani, é to Jiwheyẹwhe ylọ, bo to didọmọ, Jesu Oklunọ, yí gbigbọ ṣie. 60E sọ jeklo, bo yí ogbè lélé de do dawhá dọ, Oklunọ, a lẹn ylando he do okó na yé blo. Whenuena é dọ ehe, é damlọn.
Currently Selected:
OWALỌ APỌSTELI LẸ TỌN 7: BWL23
Highlight
Share
Compare
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
