OWALỌ APỌSTELI LẸ TỌN 18
18
1TO onú hele godo é fọ́nyi sọn Atẹni, bo yì Kọlinti. 2E sọ mọ Ju de he yè nọ ylọ dọ Akuila, omẹ Pọntu tọn de gbọn akọta tọn dali, he gò sọn Itali to yóyóvié, po Pliskila asi etọn po; (na Klaudiu ko degbèna Ju lẹpo nado fọ́nyi sọn Lomu wutu:) é wá yé de. 3Podọ é yín anà doponẹ wàtọ wutu, é nò hẹ yé, bo to azónwà: na gbọn azón yetọn dali oflògbatọ wẹ yé. 4E sọ to hóyijledohógona yé to sinagọgu mẹ to gbọjezángbè gbọjezángbè, bo sọ to alọtúndo Ju lẹ po Gleki lẹ po.
5Ṣigba whenuena Sila po Timoti po gò sọn Makedonia, yè sọ hounpansu Paulu gbọn ohó lọ dali é sọ to kunnude hlan Ju lẹ dọ, Jesu wẹ Klisti lọ. 6Whenuena yé to nùwhlẹn hẹ yénọzo, bo sọ to nùzan, é húnhún avọ̀ etọn, bo dọ hlan yé, dọmọ, Ohùn mìtọn tin to ota mìlọsu tọn; yẹn wé: sọn dinvie yì yẹn na yì Kosi lẹ de. 7E sọ fọ́nyi sọn finẹ, bo biọ owhe dawe de ton gbè, he nọ yín Justu, mẹhe to Jiwheyẹwhe sèn, owhé mẹhetọn sẹpọ́ sinagọgu whíwhí. 8Klispu, ogán daho sinagọgu tọn, sọ yí Oklunọ se po omẹ he tin to owhé etọn gbè lẹpo po; omẹ susu to Kọlìntmu le mẹ, he sè, yise, yè sọ baptizi yé. 9Whenenu we Oklunọ dọhó hlan Paulu to ozán mẹ gbọn numimọ mẹ, dọmọ, A dibu blo, to hódọ, a do onù towe abọe blo; 10na yen tin to godo na we, omẹ de ma na fọ́n do oji we nado gbleawuna we, na yẹn tindo gbẹtọ susu tó otòdaho he me. 11E sọ nò finẹ hò owhe dopo po osùn ṣidopo po, bo to ohó Jiwheyẹwhe tọn plọnmẹ to yé ṣẹnṣẹn.
12Whenuena Galio du otògán Akaia tọn, Ju lẹ yí ayiha dopo do sate do Paulu go, bo hen ẹn wá whẹdotẹn, 13bo to didọmọ, Dawe he to mẹhẹn nado sèn Jiwheyẹwhe jagò do osén go 14Whenuena Paulu to onù na kẹ́, Galio dọ hlan Ju le, dọmọ, Eyín é yín owhè nujagò tọn kavi kanyinylan tọn de wẹ, mi Ju emi, é jlọ dọ yẹn do yíwhe do mi ji:
15Ṣigba eyín é yín okanbiọ ohó po oyín lẹ po tọn, po osén mìton po tọn wẹ, mì pọ́n e go; na yẹn ma jlo na yín whedatọ onu mọtọn hunkọ tọn gba. 16E sọ yàn yé sọn whẹdotẹn. 17Whenẹnu wẹ Gleki lẹpo hẹn Sọstene, ogán daho sinagọgu tọn, bo linu in to whedọtẹn nukọn. Galio ma so hò onú nẹlẹ de pọ́n.
18Paulu sọ nọte to finẹ hò azán susu to ehe godo, whenẹnu wẹ é yì sọn mẹmẹsunnu lẹ de, bo súnhún sọn finẹ yì Silia, Pliskila po Akuila po po e po; é lunda etọn to Kẹnklea na é tindo opàdido de. 19Yé wá Efesu, é sọ jo yé do finẹ: ṣigba ewọ lọsu biọ sinagogu mẹ, bó yíhodojlehó hẹ Ju lẹ. 20Whenuena yé vẹ́ ẹ dọ é ni nòhẹ yé dẹn dogó, é kẹ; 21ṣigba é dọ é zungbede na yé, bo sọ dọmọ, Yẹn ma sogan nọma wàhunwhẹ he ja to Jelusalẹm gba: ṣigba yẹn nasọ lé gọwá mì de, eyín Jiwheyẹwhe jlo. E sọ súnhún sọn Efesu. 22Whenuena é jlẹhún to Sesalea, bo yì aga, bo dọnúdo agùn, é jẹte yì Antioku. 23Whenúena é ko zán ojle vude to finẹ, é fọ́nyi, bo gbọn agbègbè Galatìa po Fligia tọn lepo po ji whinnuwhinnu, bo sọ to tudohomẹna nuplọntọ lẹpo.
24Ju de tin he nọ yín Apọlọhe yè ji to Alẹkzandlé, omẹ he didé, bo pèvè to Owé wiwe mẹ, wá Efesu. 25Yè ko plọn dawe he to ali Oklunọ tọn ji; le é basi omẹ he hùnzo to ayiha me, é dọhó bo sọ piẹn onú Oklunọ tọn lẹ omẹ to vivẹnú me, baptẹm Johanu tọn kẹdẹ wẹ é yọnen. 26E sọ ṣẹ̀ hódọ madibu to sinagọgu mẹ; whenuena Akuila po Pliskila po sè ohó etọn, yé dòn ẹn do ogo, yé sọ dọdò ali Jiwheyẹwhe tọn hlan en hézéhézé. 27Whenuena ayiha etọn dọn nado juyì Akaia, mẹmẹsunnu lẹ wlanwe do vẹ̀ nuplọntọ lẹ nado yí i do: mẹhe whenuena é wà, é gọalọna mẹhe yise gbọn ojọmiọn mẹ lẹ susu: 28na é yí huhlọn do gòkòna Ju lẹ to gbangba, bo sọ to didohia gbọn Owé wiwe mẹ dọ, Jesu wẹ Klisti lọ.
Currently Selected:
OWALỌ APỌSTELI LẸ TỌN 18: BWL23
Highlight
Share
Compare
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
