OWALỌ APỌSTELI LẸ TỌN 15
15
1DAWE delẹ jẹte sọn Judé wá, bo to mẹmẹsunnu lẹ plón dọ, Adavo yè gbowhẹna mì kededi osén Moṣe tọn, yè ma sọgan whlen mi gán gba. 2Enewutu whenuena kinklan po nudindọn po he Balnaba po Paulu po tindo hẹ yé ma yín pẹvi, yé magbè nado do Paulu po Balnaba po, po omẹ delẹ po to yé mẹ hlan apọsteli po mẹho lẹ po de to Jelusalẹm, na nukanbiọ he. 3Whenuena yè ko deafọ yetọn do aliho ji gbọn agùn lọ de, yé dá gbọn Fenike po Samalia po ṣẹnṣẹn, bo to didiọ Kosi lẹ tọn dọ: bo sọ hen aya daho wá na mẹmẹsunnu lẹ. 4Whenuena yé wá Jelusalẹm, mẹkẹalọyi wẹ yé yín to agùn lọ de, apọsteli lẹ, po mẹho lẹ po, yé sọ dọhó onú he Jiwhe yẹwhe po yé po wà lẹpo tọn. 5Ṣigba ome he yise to awà Falesi lẹ tọn ji delẹ fọ́nsite, bo to didọmọ Nuwiwa wẹ nado gbowhẹna yé, podọ nado nasẹ yé nado to osén Moṣe tọn yìn.
6Apọsteli lẹ po mẹho lẹ po plidopọ nado lẹn ohó he pon. 7Whenuena nudindọn zùn susu, Pita fọ́nsite, bo dọ hlan ye, dọmọ, Mì mẹho, mẹmẹsunnu emi, mìwlẹ yọnẹn to whenu dinden do godo, le Jiwheyẹwhe dè to mí me do na Kosi lẹ nido sè ohò wẹndagbe tọn sọn onù ṣie mẹ, bo sọ yise. 8Podọ Jiwheyẹwhe he yón ayiha, to kunnudena yé, bo sọ to Gbigbọ Wiwe na yé, kẹdẹdile é wà hlan mí do; 9é ma sọ yí vògbingbọn de do ṣẹnṣẹn mí po yé po tọn gba, é to yise yí do to ayiha kló na yé 10Be dinvie enẹwutu etẹwutu wẹ mì to Jiwheyẹwhe whlepọ́n, nado yí zègó do okò na nuplọntọ lẹ, ehe otọ́ mítọn lẹ kavi mìlọsu ma sọgan hẹn? 11Ṣigba mìwlẹ yise do gbọn ojọmiọn Jesu Klisti Oklunọ tọn dali, yè na whlẹn mí gán kẹdedi yewlẹ.
12Whenẹnu wẹ agùndaho lẹpo nabọe, bo sọ tùntóai hlan Balnaba po Paulu po, he to ohó azonsawu po nujawu he Jiwheyẹwhe wà gbọn yé dali tọn po dọ. 13Ehẹgodo yé nabọẹ, Jakobu gblọn, bo dọmọ, Mẹho, mẹmẹsunnu emi, mì tùntóai hlan mi: 14Simeọni ko dọ le Jiwheyẹwhe to whéwhéwhenu dla Kosi lẹ pọ́n do, nado dè gbẹtọ to yé mẹ na oyín etọn. 15Podọ ehe wẹ ohó yẹwhegán lẹ tọn sọgbè hẹ, dile yè wlan ẹn dọ, 1 16To ehegodo yen na lé, Bo nasọ vọ gohò Davidi tọn he yè ko họlìai pẹn; Yẹn na vó adóto etọn dó, Yẹn nasọ vó ẹ zé dote; 17Na pipòtọ gbẹtọ lẹ tọn nido to Oklunọ din, Po Kosi lẹpo po, mẹhe go yè to oyín ṣie ylo do, 18Wẹ Oklunọ dọ, mẹhe wà onú he yín yinyọnen helẹ pó. 19Enẹwutu whẹ̀dida ṣie we, dọ mí dotukla yé hé lé to Kosi lẹ mẹ do Jiwheyẹwhe de blo: 20ṣigba dọ mí ni wlanwe hlan yé, dọ yé ni jagò sọn diho bosiọ lẹ tọn kòn, sọn ogàlilọ kòn, sọn onú slokona kòn, podọ sọn ohùn kòn. 21Na Moṣe hóhó whenu gbọn tindo omẹ he to yẹwheho etọn dọ lẹ to otòdaho dopodopo mẹ, yè nọ to hihia ẹ to sinagọgu mẹ to gbọjẹzángbè gbọjẹzángbè.
22Whenẹnu wẹ é sọawúhia dagbe hlan apọsteli lẹ, po mẹho lẹpo po, po agùn lepo po, nado dè sunnusi to yé mẹ hlan Antioku he Paulu po Balnaba po; Juda he yè nọ ylọ oyíngó etọn dọ Balsaba, po Sila pó, mẹhe diyín lẹ to mẹmẹsunnu lẹ mẹ: 23ye wlanwe he nkọ gbọn alọ yetọn mẹ dọ; Apọsteli lẹ, po mẹho lẹ po, po mẹmẹsunnu mẹho lẹ po, dọnúdo mẹmẹsunnu Kosi lẹ mẹ tọn hlan, he tin to Antioku, to Silia, podọ to Silìsia: 24Sọle he mí sè dọ, omẹ he tón yì sọn mí de delẹ to ohó yí do to homẹhẹngblena mì, bo to ayiha mìtọn hẹn sọkọdò, dọmọ, Mì ma sogan nọ ma gbowhẹ, bo sọ yìn osén Moṣe tọn: mẹhe mìwlẹ ma yí osén mọtọnnkọ de do alọ mẹ na: 25E yón to nukun mìtọn me, whenuena mí yí ayiha dopo do plidopọ, nado do sunnusi he diyín hlan mì hẹ Balnaba po Paulu po, mẹvivẹ mítọn lẹ, 26yé omẹ he yí ogbe yetọn do owu mẹ na oyín Jesu Klisti Oklunọ mìtọn ton wutu. 27Enẹwutu mí do Juda po Sila po hlan, mẹhe na yí ohó onù mẹ tọn do dọ onu doponẹ hlan mi. 28Na é sọ yon to nukun Gbigbọ Wiwe tọn mẹ, podọ to nukun mí tọn mẹ ga, ma na do doagbàn he klohugan do mì ji, hú onú he yè ma sọgan nọma wà helẹ; 29dọ mì ni jagò sọn olàn he yè do sánvọ́ hlan bosiọ kòn, podọ sọn ohùn kòn, sọn nuslokọnahu kòn, podọ sọn ogàlilọ kòn; sọn ehe kòn eyín mì whlá mìde, mì na wà dagbe Mì nọ blèo. 30Whenuena yè kija yé, yé wá Antio ku: whenuena yé ylọ gbẹto lẹ plidopọ, yé yí owé lọ na yé: 31whenuena yé hia ẹ, yé jaya na ohomẹmion lọ. 32Le Juda po Sila po yín yẹwhegán na yéde ga, yé yí ohó do jlahomẹdona mẹmẹsunnu lẹ, bo sọ dotuhomẹna yé. 33Whenuena yé nò finẹ dẹn vude, yè jo yé nado yì sọn mẹmẹsunnu lẹ de jijọho wá apọsteli le de. 34Ṣigba é jlo Sila nado nò finẹ vude do gó. 35Paulu ga, po Balnaba po nọte to Antioku, yé to mẹplón bo sọ to yẹwheho ohó Oklunọ tọn dọ, yé po omẹ susu devo lẹ po ga. 36To azán vude godo Paulu dọ hlan Balnaba, dọmọ, Gbọ mí ni lẹ́gọ̀ dinvie bo sọ dla mẹmẹsunnu mìtọn lẹ pọ́n to otòdaho dopodopo mẹ, to ofì he mí ko dọ yẹwheho ohó Oklunọ tọn te, bo pọ́n le yé to wiwà do. 37Balnaba sọ magbè nado hẹn Johanu yì po yé po, mẹhe oyíngó etọn yín Malku. 38Ṣigba Paulu lẹn mayón etọn nado hẹn ẹn yì po yé po, mẹhe yì sọn yé de sọn Pamfilia, bo ma yì azón lọ kòn po yé po. 39Wiwọ lọ susọmọ to yé ṣẹnṣẹn, bọ yé vùn dawe, omẹ de sọn omẹ de go: Balnaba yí Malku hẹn bo súnhún wá Kiplu; 40Paulu sọ dè Sila, bo yì, le yè gbọn alọ mẹmẹsunnu lẹ tọn mẹ jo e hlan ojomiọn Jiwheyẹwhe tọn. 41E sọ dán gbọn Silia po Sihsia po, bo sọ to tudohomẹna agùn lẹ.
Currently Selected:
OWALỌ APỌSTELI LẸ TỌN 15: BWL23
Highlight
Share
Compare
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
