OWALỌ APỌSTELI LẸ TỌN 14
14
1E SỌ wá jọ to Ikonioni, yé omẹ awe le zònpọ yì sinagọgu Ju lẹ tọn me, yé sọ dọhó sọmọ, bọ agùndaho Ju lẹ po Gleki lẹ po tọn yise ga. 2Ṣigba Ju mayisenọ lẹ fọ́nadan Kosi lẹ, bo sọ hẹn họmẹ yetọn gble do mẹmẹsunnu ewle go. 3Whenu susu wẹ yé nò finẹ hò, bo do to hódọ to Oklunọ mẹ madibu, mẹhe to kunnudena ohó ojọmiọn etọn tọn, bo sọ to azón ohia tọn po azón jawu po wa gbọn alọ yetọn mẹ 4Ṣigba agùndaho otodaho lọ mẹ tọn lẹ madawe: adade kọndopọ hẹ Ju lẹ, adade sọ kọndopọ hẹ apọsteli lẹ. 5Le Kosi lẹ, po Ju lẹ po, po ogán yetọn lẹ po hozinjẹ yé ji nado wàdanu do yé, podọ bo na sọ do dlanzannu do yé, 6yé yọnen, bo sọ hòn yì Listla po Delbe po, otòdaho Lukaonia tọn lẹ, podo yì lẹ̀nu he lédo mẹ: 7finẹ wẹ yé sọ dọyẹwheho wẹndagbe tọn te.
8Dawe he afọ etọn kusẹ de, mẹhe kusẹ sọn ohò onọ eton tọn mẹ, bo ma zinzọnlin gbède, sinai to Listla: 9dopolọ wẹ sè Paulu to hódọ: é zínnukun do e go, bo mọ dọ é tindo yise na yè nido hẹnazòngbọ nè, 10é yí ogbè lélé do dọ hlan en, dọ, Fónsite gli to afọ towe ji E sọ lon bo zinzọnlin. 11Whenuena gbẹtọ lẹ mọ onú he Paulu wà, yé zé ogbè yetọn daga bo to dido to ogbè Lukaonia tọn mẹ, dọ, Yẹwhe lẹ wá mì de to apajlẹ gbẹtọ tọn mẹ. 12Yé ylọ Balnaba dọ Jupiteli; bo ylọ Paulu dọ Melkuliu, na ewọ wẹ ogán hódidọ tọn wutu. 13Whenẹnu wẹ yẹwhenọ Jupiteli tọn tẹmpli mẹhetọn tin to nukọn otòdano tọn, hẹn oyín po azàn po wá hòngboji, ewo sọ jlo na sánvọ́ po gbẹtọ lẹ po. 14Whenuena apọsteli lẹ, Balnaba po Paulu po sè, yé dòn avọ̀ yetọn tlẹn, bo họnwezun biọ gbẹtọ le ṣẹnṣẹn, bo to awhádo, 15yé to didọmọ, Meho emi, etewutu we mì to onu helẹ wà? Gbẹtọ jijọ doponenọ di mìwlẹ wẹ mìwlẹ, bo sọ to yẹwheho wẹndagbe tọn dọ hlan mì, na mì nido lé sọn onú vó hele mẹ do Jiwheyẹwhe ogbènọ de, he da olọn po wẹkẹ po, ohù po onú he tin to yé mẹ lẹ po: 16mẹhe gbosọn akọta lẹpo go to hóhó whenu nado to zọnlinzin to aliho yede tọn ji. 17Ṣigba é ma jo ede dai matindo okunnu, na é to dagbe wà, bo to jikun na mí sọn olọn mẹ, po whenu sinsẹ́n susugege tọn po, é sọ to núdùdù po ayajẹ po yí do to hogó na mí 18Pẹvide wẹ pò bọ yé ma na do sọgan yí ohó hele do hen gbẹtọ lẹ dote ma nado sánvọ́ do sèn yé.
19Ju delẹ sọn Antioku po Ikonioni po wá, mẹhe diọayihana gbẹtọ lẹ, whenuena yé dlanzannu do Paulu, yé dòn ẹn tón sọn otòdaho lọ mẹ, bo lẹn dọ é ko kú. 20Ṣigba whenuena nuplọntọ lẹ site lẹdo e, é fọ́nsite, bo sọ wá otodaho lọ mẹ: to azán awetọ gbè, é hodo Balnaba yì Delbe. 21Whenuena yé doyẹwheho hlan otòdaho lọ, bo ko sọ plọn omẹ susu, yé sọ legò wá Listla, Ikonioni po Antioku po, 22yé to tudohomẹna nuplọntọ lẹ, bo sọ yí ohó do jlahomẹdona yé nado nọte to yise lọ mẹ, podọ mi ma sọgan nọ ma gbọn nukunbia susu mẹ biọ ahọludu Jiwheyẹwhe tọn mẹ gba. 23Whenuena yé dè meho do agùn dopodopo ji, bo sọ yí nùbibla do hodè, yé yí yé do alọ Oklunọ tọn mẹ, omẹ he yé yise. 24Whenuena yé gbọn Pisìdia ṣẹnṣẹn luntón, yé wá Pamfilia. 25Whenuena yé ko dọyẹwheho ohó lọ tọn to Pẹlga, yé jẹte yì Atalia: 26finẹ yé súnhún sọn yì Antioku, sọn ofi he gbọn yè ko yí yé do alọ ojọmiọn Jiwheyẹwhe tọn mẹ te na azón he yé wà dotana. 27Whenuena yé gò, bo ylọ agùn plidopọ, yé dọhó onú he Jiwheyẹwhe po yé po wà lẹpo tọn, podọ le é hùn ohòn yise tọn hlan Kosi lẹ do. 28Finẹ wẹ yé sọ nò nuplọntọ lẹ de hó azán susu.
Currently Selected:
OWALỌ APỌSTELI LẸ TỌN 14: BWL23
Highlight
Share
Compare
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
