OWALỌ APỌSTELI LẸ TỌN 13
13
1YẸWHEGÁN po meplọntọ dẹ̃lẹ po tin to agùn he tin to Antioku mẹ: le Balnaba, po Simeọni he yè nọ ylọ Nigeli po, po Lukiu Silene tọn po, po Manaeni po, he yè plón dopọ po Hẹlọdi otògán po, po Saulu po 2Le yé to devizónwà hlan Oklunọ, bo to nùbla, Gbigbọ Wiwe dọmọ, Mì klan Balnaba po Saulu pò do olá na mi do azón he kòn yẹn ylọ yé do. 3Whenuena yé blanù, bo sọ hodó, yé zé alọ yetọn do yé ji, bo do yé hlan.
4Lè yè do yé hlan gbọn alọ Gbigbọ Wiwe tọn mẹ, mọwẹ yé jẹte yì Seleukia, sọn finẹ yé dohún yì Kiplu. 5Whenuena yé tin to Salami, yé dọyẹwheho ohó Jiwheyẹwhe tọn tọn to sinagọgu Ju lẹ tọn mẹ: bo sọ tindo Johanu na lizọ́nyítọ yetọn ga. 6Whenuena yé zé olopo lọ go jẹ Pafo, yé mọ owọntọ de, yẹwhegán lalonọ, Ju, he ye nọ ylọ Baljesu: 7Mẹhe ko tin to Sọlgiu Paulu otògán otò lọ tọn de, gbẹtọ zìnzìntọ de: mẹhe dowẹn yì ylọ Balnaba po Saulu po, bo jlo ohó Jiwheyẹwhe tọn nado sè 8Ṣigba Elima owọntọ lọ, (mọwẹ tadena oyín etọn tọn) é glọnalina yé, bo to dindin nado lé ayiha na otògán lọ sọn yise me. 9Ṣigba Saulu, (mẹhe yé no ylọ dọ Paulu) é gó na Gbigbọ Wiwe, é zínnukun do e go, 10Bo dọmọ, Hiẹ, ovi lẹgba tọn, kèntọ dódó lẹpo tọn, mẹhe gó na yẹwiwà lẹpo, podọ na oka lẹpo, hiẹ ma to na doalọtena ahònsọdona aliho jijlọ Jiwheyẹwhe tọn? 11Be dinvie, pọ́n, alọ Oklunọ tọn tin to ogo we, hiẹ nasọ tọnnukun, mamọ owhè na whenu de. To tẹndoponẹmẹ avìvì po zinvlu po ṣinyọn ẹn; é sọ to yigòyigò yì do to omẹ din nado hẹn alọ go nẹ̃ yì. 12Whenẹnu otògán lọ, whenuena é mọ onú he yè wà, é yise, na awuji i do oplọ́n Oklunọ tọn go wutu.
13Dinvie Paulu po ogbé etọn lẹ po súnhún sọn Pafo, yé wá Pẹlga to Pamfilia: Johanu sọ jo yé do, bo gò yì Jelusalẹm. 14Ṣigba whenuena yé ton sọn Pẹlga, yé wá Antioku to Pisidia, bo sọ biọ sinagọgu mẹ to gbọjezángbè, bo sinai. 15To owé osén tọn po yẹwhegán lẹ tọn po hihia godo, ogán sinagọgu tọn lẹ do omẹ hlan yé, dọmọ, Mì mẹho, mẹmẹsunnu emi, eyín mì tindo ohó homẹjlado tọn depope na gbẹtọ lẹ, mì to didọ. 16Whenẹnu we Paulu fọ́n site, bo mìalọ hlan yé, bo dọmọ, Mì omẹ Islaeli tọn emi, po mì he dibusi Jiwheyẹwhe po emi, mì tùntóai. 17Jiwheyẹwhe omẹ Islaeli helẹ tọn, wẹ dè otọ́ mìtọn lẹ, bo sọ zé omẹ ewlẹ daga whenuena yé wáwási to aigba Egipti tọn ji, awà daho wẹ é yí do hẹn yé jẹgbonu sọn e mẹ. 18Nai ojlẹ owhè kande tọn wẹ é do zé yé hẹn di otọ́ vigopóntọ de to zùngbo mẹ. 19Whenuena é sukún akọta ṣinanwe tọn do to aigba Kanaani tọn ji, é má aigba yetọn hlan yé. 20To godo enẹ tọn é na whẹdatọ yé hò ojlẹ owhè fòwe kandeao tọn kaka jẹ whenu Samueli yẹwhegán tọn. 21To enẹgodo wẹ yé biọ ahọlu de: Jiwheyẹwhe sọ na Saulu ovi Kisì tọn ye, dawede to whẹndo Bẹnjamini tọn mẹ, hò owhè kande 22Whenuena é sọ dè e só, é zé Davidi dote hlan yé nado yín ahọlu yetọn: mẹhe é dekunnuna dọ, Yẹn ko mọ Davidi ovi Jese tọn, omẹ ayiha ṣie tọn, he na hẹn ojlo ṣie lẹpo sè. 23Sọn okún dawe he tọn mẹ Jiwheyẹwhe ko hẹn Whlẹngantọ de wá Islaeli de kẹdẹdi opagbe tọn; 24Whenuena Johanu dọyewheho baptẹm lẹnvọjọ tọn hlan omẹ Islaeli tọn lẹpo jẹnukọnna wiwá etọn. 25Podọ le Johanu hẹn ali etọn jẹ pòdo, é dọmọ, Mẹnu wẹ mì lẹn dọ yẹn yín? Yẹn ma wẹ ewọ gba. Ṣigba mì dayi e go, omẹ de ja to godo ṣie, afọpa afọ mẹhetọn yẹn ma tin jẹ na tún. 26Mẹho, mẹmẹsunnu emi, sọn ovi adò Ablaham tọn mẹ podọ omẹ depope to mì mẹ he dibusi Jiwheyẹwhe, mì wẹ yè do ohó whlẹngan he tọn hìlon 27Na yé omẹ he nọnọ̀ Jelusalẹm lẹ, po ogán yetọn lẹ po, na yé ma yón ẹn wutu, podọ yé ma yọn ogbè yẹwhegán lẹ tọn he yè to hihia to gbọjẹzángbè gbọjẹzángbè wutu, yé hen yé sẹ to whẹgbigbledo e mẹ. 28Podọ le yé ma tlẹ mọ nuhùmẹna de to e go, gãnṣo yé vẹ̀ Pilati nado hù ì. 29Whenuena yé ko hẹn onú he yè wlan na etọn wutu lẹpo sẹ, yé ze e jẹte sọn satin go, bo tó ẹ do oyọwhé de mẹ. 30Ṣigba Jiwheyẹwhe zé e tite sọn osiọ lẹ mẹ. 31Yè sọ mọ ẹn hó azán susu to yé he jẹte sọn Galili wá Jelusalẹm lẹ mẹ de, yé he yín kunnudetọ etọn hlan gbẹtọ lẹ. 32Mìwlẹ sọ to owen dagbe ayajẹ tọn do mì, opagbe yè do hlan otọ mìtọn lẹ. 33Le Jiwheyẹwhe ko hẹn ẹn sẹ hlan ovi mìtọn lẹ do, whenuena é ze Jesu tite; dile yè kàn ẹn do to Psalm awetọ mẹ ga, dọ, Hiẹ wẹ Ovi ṣie, egbé wẹ yẹn dè we tón. 34Podọ le é ze e tite sọn osiọ lẹ mẹ tọn dali, mẹhe ma to nasọ gò do gbigble mẹ ba, é dọ dole, dọmọ, Yẹn na na dagbe Davidi tọn he diun mì. 35Enẹwutu é sọ dọ to Psalm devo mẹ ga, dọ Hiẹ ma na dikena Mẹwiwe towe ni mọ ogble. 36Na ehegodo Davidi ko sèn whẹndo etọn titi gbọn ojlo Jiwheyẹwhe tọn dali, é damlọn, yè té ẹ do otọ́ etọn lẹ ji, é sọ mọ ogble: 37ṣigba ewọ, mẹhe Jiwheyẹwhe zetite, ma mọ ogble gba. 38Na enẹwutu ehe ni yín yinyọnẹn hlan mì, mẹho, mẹmẹsunnu emi, dọ gbọn dawe he dali wẹ yè to yẹwheho jona ylando tọn tọn dọ hlan mì te: 39podọ yè sùwhẹna omẹ he yise gbọn dali etọn lẹpo to onú popo mẹ, sọn ehe mẹ yè ma sọgan sùwhẹna mì gbọn osén Moṣe tọn dali te. 40Enẹwutu mì payi mìde go, na enẹ nikã jọ do mì go, he yè dọhó etọn to owe yẹwhegán lẹ tọn mẹ; 41Pọ́n, mì mẹvlẹtọ, awu ni ji mì, na mì ni và: Na yẹn wàzón to azán mìtọn mẹ, Azón he mì ma na yise gbọn alọ depope mẹ, eyín gbẹtọ tlẹ dọ odò etọn hlan mì.
42Whenuena Ju lẹ tón yì sọn sinagọgu mẹ, Kosi le vèvè dọ yè ni sọ vó yẹwheho ohó helẹ tọn dọ hlan yé to gbọjẹzán awetọ gbè. 43Whenuena agùn kija, susu Ju le tọn, susu to hùnzọntọ ayihawiwenọ lẹ mẹ hodo Paulu po Bal naba po yì: mẹhe doho hlan ye, bo sọ diọayihana yé nado nọte to ojọmiọn Jiwheyẹwhe tọn mẹ.
44To gbojezán awetọ gbè, otò lepo wẹ bla plidopọ nado sè ohú Jiwheyẹwhe tọn. 45Ṣigba whenuena Ju le mọ agùndaho lẹ lọ, homẹ yetọn go na adi, ye sọ to hódọ do onú he yè dọ sọn onù Paulu tọn mẹ nẹlẹ go, yé to hówhlen hẹ ẹ, bo sọ to nùzan. 46Whenenu wẹ Paulu po Balnaba po dọhó madibu, bo dọmo, E jẹ dọ yè ni dọ ohó Jiwheyẹwhe tọn hlan mì whé: ṣigba le mìwlẹ ko sisẹ ẹ sè son mì de, bo sò dawhèna mìde dọ mì ma jẹ na ogbè madopodo gba, mì pọ́n, mìwlẹ diọkọ do Kosi lẹ de. 47Na mọwẹ Oklunọ ko dọ hlan mí, dọ, Yẹn ko zé we dote nado yín hinhọ́n Kosi lẹ tọn, Na hiẹ nido tin na whlẹngan kaka jẹ opòdo aigba tọn. 48Whenuena Kosi lẹ sè ehe, yé jaya, bo sọ pagigona ohó Oklunọ tọn: omẹ sọha he yè dèdo ogbè madopodo mẹ lẹ yise. 49Yè sọ hlun oho Oklunọ tọn pé agbègbè lẹpo ji; 50Ṣigba Ju lẹ do yọnnu ayihawiwenọ yeyinọ lẹ, po mẹho otodaho lọ mẹ tọn lẹpo po, yé sọ da homẹkẹn dai do Paulu po Balnaba po ji, bo sọ fọ́n yé sọn agbègbè yetọn lẹ ji. 51Ṣigba yé hunhún kọgudu afọ yetọn go tọn do yé ji, bo sọ yì Ikpnioni. 52Nuplọntọ lẹ sọ gó na ayajẹ po Gbigbọ Wiwe po.
Currently Selected:
OWALỌ APỌSTELI LẸ TỌN 13: BWL23
Highlight
Share
Compare
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
