OWALỌ APỌSTELI LẸ TỌN 11
11
1APỌSTELI le po mẹmẹsunnu he tin to Judé lẹ po se dọ Kosi lẹ ko mọ ohó Jiwheyẹwhe tọn yí ga. 2Whenuena Pita heji wá Jelusalẹm, ome owhẹgbo tọn lẹ to wìwọhẹ è, 3Dọmọ, Hie yì magbowhènọ lẹ de, bo sọ dùnú hẹ yé. 4Ṣigba Pita vó ohó lọ dọ sọn dodó, bo sọ to e hlan yé gbọn kannukannu, dọmo, 5Yẹn tin to oto Jọppa tọn mẹ, bo to dẹho; to onúmimọ me yẹn mọ onúmimọ de, Nuzinzán de jẹte di avọwhẹ daho, he yè sìn sọn tónu ẹnẹ lẹ, é jẹte sọn olọn mẹ wá odò; e sọ wá kaka jẹ dẽ: 6Onú he go whenuena yẹn zínnukundo, yẹn lẹnpón, bo sọ mọ kanlin alo ẹnẹnọ aigba tọn lẹ, ogbé kanlin lẹ, onú he nọ lìn lẹ, po ohó oji aga tọn lẹ po. 7Yẹn sọ sè ogbè de to didọ hlan mì, do, Tite, Pita; to hùhù bo sọ to dùdù. 8Ṣigba yen dọmọ, Oklunọ, é ma yín mọ gba: na onú hẹ yín osù kavi mawé de ma ko biọ onù ṣie mẹ gbède. 9Ṣigba ogbè lọ sọ vọ̀ do hlan mi son olọn mẹ, dọmọ, Onú he Jiwheyẹwhe ko kló, hiẹ sọ ylọ osù blo. 10Yè sọ basi ehe whlatọn; yè sọ dòn popo lẹpo gò yì oji aga. 11Bo pọ́n, to tẹndoponẹmẹ dawe atọ̀n ko pó owhé he gbè yẹn te, he yè dohlan mi sọn Sesalea. 12Gbigbọ sọ dọ hlan mi dọ yen ni hodo yé yì, podọ yẹn hà nudepope blo. Humọ mẹmẹsunnu sidọpo helẹ plan mi yi, mí sọ biọ owhé dawe lọ tọn gbè. 13E sọ la le e mọ angẹli de to owhé etọn gbè do na mí, he site bo dọmọ, Do ome hlan Jọppa, bo ylọ Simọni oyíngó mehetọn nọ yín Pita; 14mẹhe na dọ ohó lẹ hlan we, ehe dali hiẹ po owhégbètọ towe lepo po na I gbọn do gán. 15Le yẹn ṣẹ̀ hódọ, Gbigbọ Wiwe jẹte do yé ji, dile é jete do mí ji do to whéwhéwhenu. 16Whenenu wẹ yẹn flin ohó Oklunọ tọn, le é dọ, dọmọ, Johanu yí osin do baptizi nugbo; ṣigba yè na yí Gbigbọ Wiwe do baptizi mìwlẹ. 17Be eyín Jiwheyẹwhe na onunima he hunko yé ehe e na mí mehe yí Jesu Klisti Oklunọ se lẹ; mẹnu wẹ yẹn, bọ yẹn na do sọgan glọnalihona jiwheyẹwhe? 18Whenuena yé se onú hele, ye bò onù yetọn do, bo sọ pagigona Jiwheyẹwhe, dọmọ, Be Jiwheyẹwhe yí lẹnvojọ hlan ogbè, hlan Kosi le ga.
19Yé he vunvún pé na homeken he fon gbọn Stefani tọn dali lẹ zinzọnlin yì Fenike, po Kiplu po, po Antioku po dali, ye ma dọyewheho ohó lọ tọn hlan medevo gba, adavo hlan Ju lẹ kẹdẹ. 20Ome dẹlẹ sọn yé mẹ, omẹ sọn Kiplu po Silene po, whenuena yé jẹ Antioku, ye mẹhe dọhó hlan Gleki lẹ, yé to yewheho Jesu Oklunọ ton dọ. 21Alọ Oklunọ tọn sọ tin po yé po soha ome susu tọn yise, bo sọ lé do Oklunọ de 22Whenenu wẹ linlin onú hele tọn di jẹ otọ́ agùn he tin to Jelusalẹm tọn me: yé sọ do Balnaba hlan, do e ni yì kaka je Antioku. 23Mẹhe, whenuena e jẹ finẹ, bo mọ ojọmiọn Jiwheyẹwhe ton, homẹ etọn hùn, é sọ yí ohó do jlahomedona yé omẹ pó, dọ, po awuwiwle to ayiha mẹ po wẹ yé ni yí dó sèbọ Oklunọ dogo. 24Na omẹ dagbe wẹ ewọ, é sọ gó na Gbigbọ Wiwe po yise po: gbẹtọ susu wẹ ye sọ hia dogo Oklunọ. 25Balnaba sọ tón yi Talsu, na nado din Saulu. 26Whenuena é sọ mọ ẹn, é hẹn ẹn wá Antioku. E sọ wá jọ, dọ owhè dopo pete wẹ yé do to pipli hẹ agùn lọ, bo sọ plón omẹ susu. To Antioku whéwhe wẹ yè plọn nuplọnto lẹ ylọ dọ Klistiani te.
27To azán nẹlẹ mẹ yẹwhegán le sọn Jelusalẹm jẹte wá Antioku. 28Dopo to yé mẹ, he yè nọ ylọ Agabu sọ fọ́n site, bo sọ dohia gbọn Gbigbọ dali dọ, huvẹ daho de na tón lédo aihọn lẹpo: ehe sọ sè to Klaudiu Sesali whenu. 29Nuplọntọ lẹ, omẹ dopodopo kẹdẹdile huhlọn etọn sọ, dogbèpọ nado do alọgo dohlan mẹmẹsunnu he nọnọ̀ Judé lẹ: 30Ehe yé yí basi, bo sọ yí dohlan mẹho lẹ gbọn alọ Balnaba po Saulu po tọn me.
Currently Selected:
OWALỌ APỌSTELI LẸ TỌN 11: BWL23
Highlight
Share
Compare
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
