1 TIMOTI 4
4
1MỌ Gbigbọ ko dọ dódo dọ, to ojlẹ godo tọn lẹ mẹ mẹdelẹ na jai sọn yise mẹ, bo nasọ na otọ́ gbigbọ oklọ, po oplón aovi tọn po; 2yé na nọ dolalo to yẹnuwiwà mẹ; mẹhe yè yí ogàn miyọnawu do si ayiha na; 3yé na nọ ké dọ mẹde ma na wlealọ; yé na nọ dosẹn dọ yè ni sù olàn, ehe Jiwheyẹwhe da nado yí opé do yi to yé he yise bo sọ yón nugbo lẹ dali. 4Na nudida Jiwheyẹwhe tọn lẹpo wẹ yén, ode ma sọ tin bọ yè dó gbé, eyín yè yí opé dó yí i: 5na yè lẹ ẹ wé gbọn ohó Jiwheyẹwhe tọn pọ odẹ̀ po mẹ.
6Eyín hiẹ nọ flin onú helẹ mẹmẹsunnu lẹ, hiẹ na yín devizọnwàfọ dagbẹ Jesu Klisti tọn de, he yè plón to ohó yise tọn mẹ, podọ sọn oplón dagbe lẹ mẹ, ehe hiẹ ko to hihodo kaka jẹ dinvie. 7Ṣigba gbé otàn hógblo yọ́nhonọ lẹ tọn dai, na hiẹ ni nọ zán dewe tọ jijọdi-Jiwheyẹwhe ton mẹ. 8Na zinzán agbasa tọn yín alenọ na pẹvidé: ṣigba jijọ-di-Jiwheyẹwheyín alẹnọ na onú lepo, é tindo opagbe aihọn he tin to dinvie tọn, po aihọn he ja tọn po. 9Nugbo wẹ ohó lọ, é sọ jẹ na alọkẹyi lẹpo. 10Be enẹwutu we mìwlẹ to tuklajẹ, bo sọ to oya mẹkiko tọn ji, na mìwlẹ dotu do Jiwheyẹwhe ogbẹnọ go, mẹhe yín Whlẹngantọ omẹ popo tọn, humọ yé he yise lẹ tọn. 11Onú helẹ wẹ hie ni nọ degbèna, bo sọ nọ plọ́nmẹ. 12A dike mẹde vlẹ ovu towe blo: ṣigba hiẹ ni yín ohia de hlan yisenọ lẹ, to ohó mẹ, to owalọ mẹ, to owanyi mẹ, to gbigbọ mẹ, to yise mẹ, to wiwe mẹ. 13Kaka yẹn na do wá, nọ tunnukun owẹ́ hihia, homejladohó po oplọ́n po go. 14A gbekọ nunina he tin to ohò towe mẹ go blo, ehe yè na we gbọn dọdai dali, pọ alodomẹji mẹho lẹ tọn po. 15Nọ do ayi onú helẹ go, jo dewe hlan yé petepete; na whinwhẹn towe nido diun jẹgbonu to omẹ popo de. 16Payi dewe po mẹpinplọn towe po go; nọ nọte to ye mẹ; na ehe wiwà mẹ hiẹ na whlẹn dewe, po ye he to ohó towe se lẹ po.
Currently Selected:
1 TIMOTI 4: BWL23
Highlight
Copy
Compare
Share
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
