1 TIMOTI 3
3
1NUGBO wẹ ohó lọ, Eyín mẹde jlo otẹn bisọpu tọn, azọ́n dagbe de wẹ é jlo. 2Enẹwutu bisọpu do na tin matin ovlẹ, asisunọ yọnnu dopo tọn, mẹdehótọ, hùwhẹnọ, owalọ dagbenọ, ojohẹmẹtọ, mẹplọntọ, vivẹnunọ; 3e ma yín ahannùmúnọ, é ma yín nulimẹtọ, é ma yín adọwhénnọ na ale wutu, adavo homẹmiọnnọ, é ma yín jlẹwátọ, é ma yín nukunkẹnnọ gba; 4mẹhe pé owhé etọn ji talala, bo sọ hen ovi eton lẹ litai to owalọ mẹho tọn lẹpo mẹ; 5(na eyín gbẹtọ ma yọ́n nawẹ nado pé owhé ewlọsu tọn ji, nawẹ ewọ na pọ́n agùn Jiwheyẹwhe tọn go do?) 6Agblinọ de ma gba, to kikla mẹ é nikã jai do whẹgbledo lẹgba tọn mẹ. 7Humọ é do na do oyín dagbe to yé he tin to gbonu lẹ de; na é nikã jẹ ovlẹ po omò lẹgba tọn po mẹ. 8Mọkẹdẹ wẹ diakọni lẹ do na yín omẹ abọeabọẹ, é ma yín dégbèawenọ, é ma yín mehe jo yéde hlan ovẹ̃n susu, é ma yín adọwhénnọ na ale wutu gba; 9mẹhe nọ hẹn nudabla yise tọn go to ayiha wiwe mẹ. 10Gbọ yè ni mọdòna ehelẹ ga whé; whenenu wẹ yè ni gbọ yé ni dugán diakọni tọn eyín yé ma tin whẹgbledo. 11Podọ yọnnu lẹ do na yín omẹ abọẹabọẹ, é ma yín kunnubutọ, adavo hùwhẹnọ, nugbonọ to onú popo mẹ. 12Na diakọni lẹ ni yín asisunọ yọnnu dopo tọn, bo nọ pọ́n ovi yetọn lẹ go, podọ owhé yé lọsu tọn gbè go dagbedagbe. 13Na mẹhe nọ zán diakọni-gán yẹtọn dagbedagbe, hò tenmẹ dagbedagbe de hlan yéde, po tugbigbo daho po to yise lọ mẹ he tin to Klisti Jesu mẹ.
14Onú helẹ wẹ yẹn kanwe etọn hlan we, yẹn sọ to nukundo nado wá de we to azánvi hẹlẹ mẹ: 15ṣigba eyín yẹn nọte dẹn, na hiẹ nido yón le hiẹ na nọ basi dewe do to ohò Jiwheyẹwhe ton mẹ, ehe yín agùn Jiwheyẹwhe ogbènọ tọn, odotin afọdotẹn nugbo tọn. 16Podọ matin núdindọn, daho wẹ nudabla jijọdi-Jiwheyẹwhe tọn: yè yí Jiwheyẹwhe hia to agbasa mẹ, bo sọ sùwhẹ nẹ̃ to Gbigbọ mẹ, yè mọ ẹn to angeli lẹ de, yè dọyẹwheho etọn hlan Kosi lẹ, yè yí i se to aihọn mẹ, yè sọ yí i daga do gigo mẹ.
Currently Selected:
1 TIMOTI 3: BWL23
Highlight
Copy
Compare
Share
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
