1 TIMOTI 5
5
1AWỌHẸ mẹho de blo, ṣigba nọ jlahòmẹdo nẹ di otọ́ de: dẹpẹmẹ lẹ di mẹmẹsunnu: 2yọnnu mẹho lẹ di ònọ, yọ̀pọ yọnnu lẹ di nọviyọnnu, po owalọ wiwe lẹpo po 3Gbogbena asusiọsi he yin asusiọsi nugbonugbo lẹ. 4Ṣigba eyín asusiọsi de tindo ovi, kavi ovívi de, gbọ yé ni plón nado do azón ovi tọn hia to owhé yetọn gbè whé, na yé ni sọ nọ sudagbehọ mejitọ yetọn lẹ: na enẹ wẹ yọn, bo sọ yin alọkẹyi to Jiwheyẹwhe nukọn. 5Be ewọ he yín asusiọsi nugbonugbo, bo yin ewọ dopo, na dotu do Jiwheyẹwhe go, bo na sọ nọte to ovè po odẹ̀ po mẹ̀ to okle po ozán po 6Ṣigba ewọ he tin to ogbèdudu mẹ é kú whenuena e gbẹ tin to ogbẹ̀. 7Onú helẹ wẹ hiẹ ni nọ degbèna, na yé nido tin matin ovlẹ. 8Ṣigba eyín mẹde ma wleawu dai na etọn titi lẹ, humọ na owhédo etọn lọsu lẹ, é mon yise lọ, é sọ ylan hú mayisenọ. 9A dike ye yí asusiọsi de do ogbé lọ mẹ blo, ada o é pé omẹ owhè kandekovi, bo sọ yín yọnnu asú doponọ dai, 10mẹhe yè dọhó etọn to azọ́n dagbe mẹ; eyín é ko pọ́n ovi lẹ go, eyín e ko yí jonọ do whégbe, eyín é ko kló afo mẹwiwe lẹ tọn, eyín é ko gọalọna nukunbibianọ lẹ, yín é yín dọ e ko yí sọwhiwhe do domọna azọ́n dagbe lẹpo. 11Ṣigba gbé asusiọsi yọ̀pọ yonnu lẹ: na whenuena yé sẹ agòjo sọn Khsti tọn mẹ, yé na jlo alọ na wle; 12ye ylanwhẹ, na yé ko zé yise yetọn tintan dlẹn wutu. 13Humọ ye plọn gbọn enẹ me ga nado yín adidọnọ, bo nọ to dindanpe whegbèwhegbè; e ma yín adidọ kẹdẹ, ṣigba hofusadọtọ, ajanmánọ, yé sọ no to onú he ma jẹ dọ. 14Enẹwutu yen jlo dọ yọpọ yọnnu lẹ ni wlealọ, na ye ni jivi, na yé ni nọ pé owhé ji, yé na otẹn kẹ̀ntọ lẹ nado dọ ohó gblo blo. 15Na medelẹ ko joagò hodo Satani dinvie 16Eyín sunnu kavi yọnnu he yise de tindo asusiọsi, yé ni nọ gọalọna yé, yè dike é jo yé do okò ji na agùn blo: na yè nido mọtẹn gọalọna yé he yín asusiọsi nugbonugbo lẹ.
17Mẹho he pọn onú go dagbe wẹ yè ni lẹn jẹ na yẹyi whla awe, humọ mẹ he to tukla ohó po oplón po tọn jẹ lẹ. 18Na Owe wuwe dọmọ, Hiẹ ma na bla onù na oyín he to gbadó li. Podọ, Azónwàtọ jẹ na ale etọn. 19Eyín yè jẹwhó mẹho de tọn, hiẹ yí blo, adavo to kunnudetọ awe kavi atọn nukunmẹ. 20Wóhẹ mẹhe wà oylan lẹ to omẹ popo nukọn, na mẹhe po lẹ nido sinú. 21Yẹn degbèna we to Jiwheyẹwhe nukọn, to Jesu Klisti Oklunọ po angẹli mẹsinsinyan lẹ po nukọn, dọ hiẹ ni nọ donukun onú helẹ go, mẹ kuwinyan na ode hú awetọ blo, hiẹ yí guwhẹ do wà onú depope blo. 22Hiẹ yawu zé alọ do mẹdepope ji blo, hiẹ sọ yín mimáto to ylando omẹ devo lẹ tọn me blo. Whlá dewe to owalọ wiwe mẹ 23Hiẹ sọ yín nùnùtọ osìn tọn ba blo, ṣigba nọ nù ovẹ̃n pẹpẹ na homẹ towe ton wutu, podọ awutuṣẹ́nṣẹ́n towe whepoponu tọn. 24Ylando mẹdelẹ tọn nọ do ede hia daijẹnukọn, bo jẹnukọn yì whẹ̀dida mẹ; mẹdelẹ tọn sọ nọ hodo yé to godo. 25Mọkẹdẹ wẹ, azọ́n dagbe mẹdelẹ tọn nọ do ede hia jenukọn ga, mẹhe ma sọ to mọ lẹ ma sọgan yí awú whlá.
Currently Selected:
1 TIMOTI 5: BWL23
Highlight
Copy
Compare
Share
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
