1 TIMOTI 2
2
1ENẸWUTU yẹn jlahomẹdona, tin tan popolẹpo tọn, dọ yè ni vẹvè, yè ni hodẹ, yè ni dèvè, podọ pẹdido ni yín bibasi na gbẹtọ lepo; 2na ahọlu lẹ po mẹhe tin to otẹn daho mẹ lẹpo po; na mìwlẹ nido zìn ogbẹ zọnlin abọẹ-abọẹ to jijọho podọ to jijọ-di-Jiwheyẹwhe tọn lẹpo mẹ, podọ to owalọ wiwe lẹpo mè. 3Ehe wẹ yọ́n bo sọ yín alọkẹyi to Jiwheyẹwhe Whlẹngantọ mítọn nukun mẹ; 4mẹhe to jijlo dọ yè ni whlẹn omẹ popo gán, podọ na ye ni wá oyọnẹn nugbo tọn kòn. 5Na Jiwheyẹwhe dopọ wẹ tin, whẹgbọtọ dopo ga to Jiwheyẹwhe po gbẹtọ po ṣẹnṣẹn, dawe lọ, Jesu Klisti; 6mẹhe yí ede do fli omẹ popo, nado yín kunnude to ojlẹ etọn me. 7To ehe mẹ yè dè mi do basi yẹwhehodọtọ, apọsteli, (nugbo wẹ yẹn to didọ to Klisti mẹ, yẹn ma dolalo;) mẹplọntọ Kosi lẹ tọn to yise po nugbo po mẹ.
8Enẹwutu yẹn jlo dọ, sunnu lẹ ni nọ to dèho tó ofi popo, na yè ni nọ to alọ wiwe zé daga, matin homẹgble po nuhiha po. 9Mọkẹdẹ wẹ, na yọnnu lẹ ni nọ yí avọ̀ jlẹmẹjlẹmẹ do doasọna yédè, po winyan po po húwhẹ po; é ma yín odà bibla, kavi sika, kavi osé dagbedagbe, kavi avọ́ akuẹgegenu sọ dogo tọn gba; 10ṣigba (ehe jẹ na yọnnu he yigbèna jijọ-di-Jiwheyewhe tọn) gbọn azọ́n dagbe lẹ mẹ. 11Gbọ yọnnu ni yí abọẹninọ po taliai lepo po do plonnú. 12Ṣigba yẹn ma dikena yọnnu nado nọ plónmẹ gba, kavi nado nọ degbè di ogán to sunnu ji gba, adavo ni nò abọẹ. 13Na Adam whé wẹ yè da, enẹgodo Evi. 14Yè ma sọ klọ Adam gba, ṣigba yọnnu lọ, whenuena yè klọ ẹ, ewọ wẹ jai do sẹ́nmejẹ me. 15Ṣigba yè na whlẹn ẹn to vijiji etọn mẹ, eyín yé gbọsi yise owanyi walọwiwe po hùwhẹ po mẹ.
Currently Selected:
1 TIMOTI 2: BWL23
Highlight
Copy
Compare
Share
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
