1 TIMOTI 1
1
1PAULU Apọsteli Jesu Klisti tọn kẹdẹdi osén Jiwheyẹwhe Whlẹngan tọ mítọn tọn, po Jesu Klisti Oklunọ tódido mítọn po; 2hlan Timoti, ovi ṣie nugbo to yise mẹ: Ojọmiọn, lẹblanu, po jijọho po, sọn Jiwheyẹwhe Otọ mítọn dẹ, po Jesu Klisti Oklunọ mítọn po de.
3Le yẹn vẹ̀ we dọmọ, na hiẹ ni sinai to Ẹfẹsu, whenuena yẹn yì Makedonia, na hiẹ nido nọ nasẹ mẹdelẹ dọ yé plón oplọ́n devo omẹ blo, 4podo yé sọ dotó otàn podọ otàn whẹndo hóhó tọn he madopodo nẹlẹ go blo, ehe nọ fọ́n nukanbiọ dote, hú oplón Jiwheyẹwhe tọn he nọ hẹn omẹ dote, ehe tin to yise mẹ: nọ basi mọ. 5Mọ opòdo asẹ lọ tọn wẹ owanyi sọn ayiha wiwe mẹ, sọn homẹdagbe mẹ, podọ sọn yise he madoklọ mẹ: 6sọn ehe mẹ mẹdelẹ ko klán dovo, bo sọ lógò do ohógblo didọ mẹ; 7bo sọ to mẹplọntọ osén tọn jlo na yín; yé ma tunwun onú he yé to didọ, kavi onú he yé to didọ numakumaku. 8Ṣigba mìwlẹ yọnẹn dọ osén yónwhanpẹ, eyín gbẹtọ zán ẹn do ogbè osén tọn ji: 9yè sọ yọ́n ehe dọ, yè ma basi osén na dódónọ gba, ṣigba na oglójẹtọ po tólivẹtọ lẹ po wẹ, na gbẹtọ ayìhamawenọ lẹ, po ylandonọ lẹ po, na máwenọ po omẹ gbigble lẹ po, na otọ́hutọ lẹ po onọhutọ lẹ po, podọ na gbẹtọhutọ lẹ, 10na ogàlọtọ lẹ, na yé he nọ yí sunnusi do hẹn yéde gble lẹ, na gbẹtọfintọ lẹ, na lalodotọ lẹ, na whiwhietọ lalonọ lẹ, eyín onú de sọ tin bo jẹagò do oplón he pégan go; 11kẹdẹdi wẹndagbe gigo Jiwheyẹwhe donanọ tọn tọn, he yè ko yí do alọ mẹ na mi.
12Yẹn sọ dopéna Klisti Jesu Oklunọ mítọn, mẹhe gọalọna mi, na yè lẹn mì jẹ na nugbonọ, bo so yí mi do devizọ́n mẹ; 13jẹnukọn mẹhe yín nùzàntọ de, homẹkẹndomẹtọ, danuwàtọ; ṣigba yẹn mọ lẹblanu yí, ná yẹn yí mayọnẹn do basi i to mayise mẹ wutu. 14Ojọmiọn Oklunọ mítọn tọn po yise po po owanyi po, he tin to Klisti Jesu mẹ, sọ sú bo lankan. 15Nugbonọ wẹ ohó lọ, é sọ jẹ na alọkẹyi popo, dọ Klisti, Jesu wá aihọn he mẹ nado whlẹn ylandonọ; mẹhe mẹ yẹn yín gángánsu te 16Ṣigba na ehe lọ tọn wutu wẹ yẹn mọ lẹblanu yí dọ to yẹn mẹ di ogán na Jesu Klisti nido yí linsinsinyẹn popo hia jegbonu, na ohia yé he na yí i se to godomẹ na ogbẹ madopodo lẹ tọn de. 17Be hlan Ahọlu madopodo, makú, mamọ, Jiwheyẹwhe nuyọnẹntọ dopolọ, we yẹyi po gigo po tin na kakadoidoi. Niṣẹ.
18Aṣẹ he wẹ yẹn na we, ovi Timoti, kẹdẹdi dọdai he ko jẹnukọn gbọn ogò we nẹlẹ tọn, dọ gbọn yé dali na hiẹ nido fùn awhàn dagbe; 19nọ hẹn yisè po ayiha dagbe po go; ehe mẹdelẹ ko tùndlan sọn yé de, gbọn yise tọn dali yé dalẹ: 20mẹhe mẹ Himeneu pọ Alẹksandló po tin te; mẹhe yẹn johlan Satani, na yè nido plọ́n yé ma nado zannù ba.
Currently Selected:
1 TIMOTI 1: BWL23
Highlight
Copy
Compare
Share
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
