1 AHỌLU LẸ 19

1AHABI sọ dọ na Jẹzebẹli ehe Elija ko wà lẹpo, podọ dogọenẹ le é ko yí ohi do hù yẹwhegán lẹ dọ. 2Jẹzebẹli sọ do mẹdagun de hlan Elija de, dọmọ, Mowẹ gbọ yẹwhe lẹ ni wà hlan mi, podọ humọ ga, eyín yẹn ma basi ogbé towe di ogbẹ́ dopo yé tọn tọn to osò to ojlẹ he nkọ mẹ. 3Whenuena ewọ mọ enẹ, é tite, bo yì na ogbẹ́ etọn, bo wá Beẹli-ṣeba, he yín Juda tọn, bo jó mẹmẹsi etọn dai to finẹ. 4Ṣigba ewọ lọsu yì gbéjizọnlin azán dopo tọn biọ zùngbo mẹ, bo wá bo sín atin junipeli de glọ: é sọ biọ na ede na é nido kú; bo dọmọ, E tin sù; dinvie, OKLUNỌ È, yí ogbẹ́ ṣie sẹ́; na yẹn ma tin pónte hú otọ́ ṣie lẹ gba. 5E sọ mlọn ai bo damlọn to atin junipeli de glọ; bo, dayi e go, angẹli de sọalọ ẹ, bo dọ hlan ẹn dọmọ, Tite bo du. 6Ewọ sọ pọn, bo, dayi e go, to finẹ aklahihi to akán lẹ ji de tin to ota etọn, po ogò osìn tọn po. Ewọ sọ dù bo nù, bo sọ vọ̀ ai mlọn. 7Angẹli OKLUNỌ tọn lọ sọ vọ̀ wá whla awetọ, bo sọ sọalọ ẹ, bo dọmọ, Tite bo sọ dù; na gbéjizọnlin lọ yín daho gbahu na we wutu 8Ewọ sọ tite, bo dù bo sọ nù, bo sọ to yìyì to huhlọn núdùdù nẹ tọn mẹ okle kande po ozán kande po jẹ Holẹbi osé Jiwheyẹwhe tọn kọ̀n. 9E sọ wá finẹ jẹ aigbaslo de kòn, bo to finẹ nò; bo, dayi e go, ohó OKLUNỌ tọn wá e de, ewọ sọ dọ hlan ẹn dọmọ, Elija, eté hiẹ to wiwà to ofi? 10Ewọ sọ dọmọ, Yẹn ko to awuwhànnọ yín talala na OKLUNỌ, Jiwheyẹwhe awhànpa lẹ tọn; na ovi Islaeli tọn le ko gbẹ́ alẹ́nù towe dai, họ̀ agbà towe lẹ liai, bo sọ yí ohi do hù yẹwhegán towe lẹ: Yẹn, yèdọ yẹn ṣokẹdẹ yè pòdai; yé sọ to ogbẹ̀ ṣie din, nado zé e sẹ̀. 11Ewọ sọ dọmọ, Tọ̀n yì, bo ṣite to osé OKLUNỌ tọn nukọn. Bo, dayi e go, OKLUNỌ jùwájei, jẹhọn daho sinsinyẹn de to osé lẹ tlẹn, bo sọ to osé lẹ gbà to OKLUNỌ nukọn; ṣigba OKLUNỌ ma tin to jẹhọn lọ mẹ gba: podọ to jẹhọn lọ godo aigbasisọsiṣọ de; ṣigba OKLUNỌ ma tin to aigbasisọsisọ lọ mẹ gba: 12Podọ to aigbasisọsisọ lọ godo miyọn de; ṣigba OKLUNỌ ma tin tò miyọn lọ mẹ gba: to miyọn lọ godo ogbè pẹvi masìsọ de. 13E sọ yín mọ, whenuena Elija sè e, wẹ é dọ̀n awugbó etọn do bú nukunmẹ etọn, bo tọ̀n yì, bo ṣite to bibiọ aigbaslo lọ mẹ tọn. Bo, dayi e go, ogbè de wá e de to finẹ, bo dọmọ, Elija, eté hiẹ to wiwà to ofi? 14Ewọ sọ dọmọ, Yẹn ko yín awuwhànno talala na OKLUNỌ, Jiwheyẹwhe awhànpa lẹ tọn; na ovi Islaeli tọn le ko gbẹ́ alẹ́nù towe dai, họ̀ agbà towe lẹ liai, bo sọ yí ohi do hù yẹwhegán towe lẹ; yẹn, yèdọ yẹn ṣókẹdẹ yè pòdai; yé sọ to ogbẹ̀ ṣie din, nado zé e sẹ̀. 15OKLUNỌ sọ dọ hlan ẹn dọmọ, Yì, gọ̀ do aliho towe ji do zùngbo Damasku tọn mẹ: whenuena hiẹ wá, hiẹ na samisisána Hazaẹli nado yín ahọlu to Silia ji: 16Podọ Jehu visunnu Nimsi tọn wẹ hiẹ na samisisána nado yín ahọlu to Islaeli ji: podọ Eliṣa visunnu Safati tọn sọn Abẹli-mẹhola mẹ wẹ hie na samisisána nado yín Yẹwhegán to otẹn towe mẹ. 17E na sọ wá jọ, dọ ewọ he hòngán sọn ohi Hazaẹli tọn nù wẹ Jehu na hù: podọ ewọ he sọ họ̀ngán sọn ohi Jehu tọn nù wẹ Eliṣa na hù. 18Gãnṣo yẹn na pò fọtọ́n ṣinawe dai na mi to Islaeli mẹ, okligonu lẹpo he ma ko dẹ́ hlan Baali, po onù lẹpo po he ma ko donùnùgo nẹ̀. 19Mọwẹ é fọ̀nyì sọnfìnẹ, bo mọ Eliṣa visunnu Ṣafati tọn, mehe ko to glepọ, po glepọ̀nu oyín tọn wiawe po to nukọn etọn, ewọ, sọ tò wiawetọ kọ̀n: Ẹlija sọ juyì gododọ̃n jẹ e de, bo dlan awugbó etọn do e ji. 20Ewọ sọ jó oyìnsisá lẹ lọ dai, bo to wezundo to Elija godo, bo dọmọ, Yẹn vẹ̀ we, gbọ yẹn ni donùnùgona otọ ṣie po onọ ṣie po, whenẹnu yẹn na hodo we. Ewọ sọ dọ hlan ẹn dọmọ, Sọ vọ̀ yì; na etẹ́ wẹ yẹn ko wà hlan we? 21Ewọ sọ lẹ́gọ̀ sọn hihodo e mẹ, bo yí glepọ̀nu oyìnsisá lẹ lọ kọn, bo hù yé, bo sọ yí nuzinzán oyìnsisá lẹ tọn lẹ do sọakúsìn olàn yetọn, bo na hlan gbeto lẹ, yé sọ dù. Whenẹnu wẹ é tite, bo hodo Elija yì, bo sọ to devizọ̀nwà hlan ẹn.

Currently Selected:

1 AHỌLU LẸ 19: BWL23

Highlight

Copy

Compare