1 AHỌLU LẸ 13

1BO, dayi e go, omẹ Jiwheyẹwhe tọn de tón sọn Juda mẹ wá gbọn ohó OKLUNỌ tọn dali jẹ Bẹtẹli: Jeloboami ko tin to ote to agbà lọ dali nado mẹ́ nuwhẹnkún. 2Ewọ sọ dawhá do agbà lọ ji gbọn ohó OKLUNỌ tọn dali, bo dọmọ, Hiẹ agbà E agbà, le wẹ OKLUNỌ dọ: Dayi e go, yè na ji ovi de hlan owhé Davidi tọn, Josia gbọn oyín dali; to oji we wẹ e na yi yẹwhenọ otẹn yìaga lẹ tọn lẹ do sánvọ́ te he to nuwhẹnkún mẹ́ to oji we, podọ ohú gbẹtọ lẹ tọn lẹ we yé na sọ mẹ́ to oji we. 3Ewọ sọ na ohia de to azán doponẹ gbè, dọmọ, Ehe wẹ ohia he OKLUNỌ ko dọ lọ. Dayi e go, yè na tlẹn agbà lọ, afín he tin to e ji wẹ yè na sọ kọ́n jẹgbonu. 4E sọ wa jọ, whenuena ahọlu sè hódidọ omẹ Jiwheyẹwhe tọn lọ tọn he é dawhá do agbà lọ ji to Bẹtẹli mẹ, wẹ Jeloboami dè alọ etọn tọ́n sọn agbà lọ ji, dọmọ, Mì wle e. Alọ etọn, he é dè jẹgbonu do e ji, hú, sọmọ bọ é ma sọ sọgan vó ẹ dọ̀n do godo hlan ẹn gba. 5Yè tlẹn agbà lọ ga, afín sọ kọ̀n jẹgbonu sọn agbà lọ ji, kẹdẹdi ohia he omẹ Jiwheyẹwhe tọn lọ na gbọn ohó OKLUNỌ tọn dali. 6Ahọlu lọ sọ gblọn bo dọ hlan omẹ Jiwheyẹwhe tọn lọ domọ, Biọ dinvie nukundagbe OKLUNỌ Jiwheyẹwhe towe tọn bo hodẹ́ na mi, na yè nido vọ alọ ṣie gòjóna mi. Omẹ Jiwheyẹwhe tọn lọ sọ biọ OKLUNỌ, yè sọ vọ́ alọ ahọlu tọn gọjóna ẹn, bo sọ lẹzùn dile é te dai. 7Ahọlu sọ dọ hlan omẹ Jiwheyẹwhe tọn lọ dọmọ, Wá owhé gbè po yẹn po, bo nagbọjẹ dewe, yẹn na sọ na ale de we. 8Omẹ Jiwheyẹwhe tọn lọ sọ dọ hlan ahọlu dọmọ, Eyín hiẹ na na odá owhé towe tọn mi, yẹn ma to na yì whégbe po hiẹ po gba, mọ yẹn ma to na dù akla kavi nù osìn to ofi he gba: 9Na mọwẹ yè naṣẹ mi do gbọn ohó OKLUNỌ tọn dali, dọmọ, Hiẹ ma na dù akla de, kavi nù osìn, kavi gọgbọn aliho he hiẹ gbọn wá gba 10Mowẹ é gbọn aliho devo yì, bo ma sọ gógbọn aliho he é gbọn wá Bẹtẹli mẹ.

11Dinvie yẹwhegán mẹho de nọ nó Bẹtẹli mẹ; dopo sọn visunnu etọn lẹ mẹ wá bo dọ azọn lẹ he omẹ Jiwheyẹwhe tọn lọ wà to Bẹteli mẹ to gbènẹgbe nẹ̃: ohó lẹ he é ko dọ hlan ahọlu, yé ga yé dọ hlan otọ́ yetọn. 12Otọ yetọn sọ dọ hlan yé dọmọ, Aliho tẹwẹ é gbọn yì? Dinvie visunnu etọn lẹ ko mọ aliho he omẹ Jiwheyẹwhe tọn lọ he sọn Juda wá gbọn yì. 13E sọ dọ hlan visunnu etọn lẹ dọmọ, Mì blapana kẹtẹkẹtẹ lọ na mi. Mowẹ yé blapana kẹtẹkẹtẹ lọ nẹ: ewọ sọ hẹ́ e ji. 14Ewọ sọ jẹmọna omẹ Jiwheyẹwhe tọn lọ, bo mọ ẹn aisinsin to oaki de glọ: é sọ dọ hlan ẹn dọmọ, Hiẹ wẹ omẹ Jiwheyẹwhe tọn he sọn Juda wá? Ewọ sọ dọmọ, Yẹn wẹ. 15Whenẹnu wẹ é dọ hlan ẹn dọmọ, Wá whégbe po yẹn po, bo dù akla. 16Ewọ sọ dọmọ, Yẹn ma sọgan lẹ po hiẹ po gba, kavi yì whégbe po hie po gba: mọ yẹn ma na dù akla kavi nù osìn po hiẹ po to otẹn he me gba: 17Na yè ko dọ hlan mi gbọn ohó OKLUNỌ ton dali dọ, Hiẹ dù akla de kavi nù Osìn to finẹ blo, kavi sọ vọ́ lẹ́ nado gbọn aliho he hie gbọn wa yì blo. 18Ewọ sọ dọ hlan ẹn dọmọ, Yẹn ga yewhegán de yẹn yín dile hiẹ yín; angeli de wẹ sọ dọhó hlan mi gbọn ohó OKLUNỌ tọn dali, dọmọ Hẹn ẹn gọ̀ po hiẹ po biọ owhé towe gbè, na é nido dù akla bo sọ nù osìn, Ṣigba lalodo é te hlan ẹn 19Mowẹ ewọ gọ̀ yì godo po e po, bo dù akla to owhé etọn gbè, bo sọnù osìn. 20E bo wá jọ, le yé sinai to tafo lọ kọ̀n, wẹ oho OKLUNỌ ton wá yẹwhegán he hẹn ẹn gọ̀ wá godo de: 21Ewọ dawhá hlan omẹ Jiwheyẹwhe tọn lọ he sọn Juda wá, dọmọ, Le we OKLUNỌ dọ, dọmọ, Sọle hiẹ ko yín tólivetọ hlan onù OKLUNỌ tọn, bo ma ko yìn gbedide he OKLUNỌ Jiwheyẹwhe towe degbèna we, 22ṣigba bo gọ̀ wá godo, bo ko dù akla bo sọ nù osìn to otẹn lọ mẹ ehe ton é dọ hlan we dọ, A dù akla de blo, a sọ nù Osìn de blo; osiọ towe ma na wá olidò otẹ towe lẹ tọn kòn gba. 23E sọ wá jọ, godo é ko dù akla, podọ godo he é ko nù, wẹ é blapana keteketẹ lọ na ẹn, enè wẹ, nado dọ, na yẹwhegán lọ mẹhe ewọ ko hẹn gọ̀ do godo. 24Whenuena yè ko hẹn ẹn yì, okinni de pé e to aliho lọ, bo hù i: yè sọ zé oṣiọ etọn dlan aliho ji, okinni lọ sọ nọte to oṣiọ lọ kọ̀n: yé sọ wá bo dọ ẹ to tòdaho lọ mẹ fiẹ yẹwhègán mẹho lọ nọ nò. 25Bo, dayi e go, gbẹtọ lẹ juwájei bo mọ osiọ lọ zizédlan aliho ji, okinni lọ bo sọ tote to oṣiọ lọ kọ̀n: yé sọ wá dọ ẹ to tòdaho lọ me fie yẹwhegán mẹho lọ nọnọ̀. 26Whenuena yẹwhegán he hẹn ẹn wá gòdo sọn aliho lọ ji sè etọn, é dọmọ, Omẹ Jiwheyẹwhe tọn lọ wẹ, mẹhe yín tólivẹtọ hlan onù OKLUNỌ tọn: enẹwutu wẹ OKLUNỌ jó e hlan okinni lọ, he ko tlẹn ẹn, bo hù i, kẹdẹdi òhó OKLUNỌ tọn, he é ko dọ hlan ẹn 27E sọ dọhó hlan visunnu etọn lẹ, dọmọ, Mì blapana kẹtẹketẹ lọ na mì Ye sọ blapana ẹn. 28Ewọ sọ yì bo mọ osiọ etọn lọ yè zédlan aliho ji, kẹtẹkẹtẹ lọ po okinni lọ po to ote to oṣiọ etọn kọn: okinni lọ ma dù osiọ lọ, mọ é ma sọ tlẹn kẹtẹkẹtẹ lọ. 29Yẹwhegán lọ sọ zé oṣiọ omẹ Jiwheyẹwhe tọn tọ́n lọ, bo tẹ́ ẹ do kẹtẹkẹtẹ etọn ji, bo sọ hẹn ẹn gò: é sọ wá todaho yẹwhegán mẹho lọ tọn mẹ, nado blawu, podọ nado di i 30E sọ tẹ́ oṣiọ etọn do oyọdo etọn titi mẹ, yé sọ blawu to e ji, dọmọ, Núgbẹ́, mẹmẹsunnu ṣie 31E sọ wá jo, to godo é ko di i, wẹ é dọhó hlan visunnu i etọn lẹ, dọmo, Whenuena yẹn yín osiọ whenẹnu mì ni di mi do olidò ehe mẹ yè di omẹ Jiwheyẹwhe tọn do; mì ni té ohú ṣie lẹ do ohù etọn lẹ de. 32Na didọ he é do dawhá gbọn ohó OKLUNỌ tọn dali do agbà lọ ji to Bẹteli mẹ, podọ do ohọ̀ otẹn yìaga tọn lẹ tọn lẹ he tin to tòdaho Samalia tọn mẹ lẹ lẹpo, na wá sè nugbonugbo.

33To onú he godo Jeloboami ma sẹ sọn aliho ylanylan etọn mẹ gba, ṣigba bo sọ vọ́ yẹwhenọ otẹn yìaga lẹ tọn lẹ basi sọn gbẹtọ lẹpo ṣẹnṣẹn: medepope he jlo, é nọ lẹ ẹ wé, na yẹwhenọ otẹn yìaga lẹ tọn lẹ nido tin to finẹ. 34Onú he sọ lẹzùn ylando hlan owhé Jeloboami tọn, yèdọ nado sán ẹn sẹ́, podọ nado và ẹ sẹ́ sọn nukunmẹ aigba tọn ji.

Currently Selected:

1 AHỌLU LẸ 13: BWL23

Highlight

Copy

Compare