CANTARES 8
8
1¡Turallaychus qanqa kawaq,
mamaypa ñuñunta ñuñuq!
Chaypachan hawapi tupaspay much'aykuykiman,
manataqmi pipas pisichawanmanchu.
2Mamaypa wasinmanmi pusaykiman
yachachiwaqniypa wasinmanmi pusaykuykiman.
Ñoqan q'apashaq vinota ukyachiykiman,
granadaykuna ch'irwasqatan haywaykiman.
3Lloq'e makinpin umay sawnakun,
paña makinwantaq oqllaykuwan.
4Jerusalén sipaskuna, jurapuwaychis:
Ama munakuytaqa rikch'arichisunchischu,
aswanpas kikillanmanta sayarichun, nispa.
Soqtakaq taki
Warmimasinkuna
5¿Pitaq chay munakusqan qhariman k'iraykukuspa
ch'inneqmanta wichamuqri?
Warmi
Manzana sach'a k'uchupin rikch'arichirqayki,
chaypin mamaykiqa wiksallikurqasunki,
chaypin nanaywan hap'ichikuspa wachakurqasunki.
6Ñoqallata sonqoykipi hap'ikuway,
ñoqallata makiykipi apakuway.
Wañuy hinan munakuyqa kallpasapa,
Wañuy-pacha hinan sinchi loqhellaña,
sansariyninpas nina rawray hinan,
qallushaq nina rawray hinan.
7Askha unupas munakuytaqa manan thasnuyta atinmanchu,
manan mayukunapas millp'uyta atinmanchu.
Pipas kay munakuypaq llapa wasi kawsayninta qonman chayqa,
pisichasqapunin rikukunman.
Warmiq turankuna
8Kanmi panachanchis,
mana ñuñuyoqraqmi.
¿Imanasunmi panachanchista,
pay rimaykukuq hamuqtinku?
9Paychus perqa kanman chayqa,
perqa patapin qolqe torrekunata sayarichisunman,
paychus punku kanman chayqa,
cedro tablakunawanmi muyuchisunman.
Warmi
10Ñoqaqa perqa hinan kani,
ñuñuykunataq torrekuna hina,
chaymi paypaqqa sumaq kusichiqnin kani.
11Baal-hamonpin Salomonpa uvas chakran karqan,
chaytan qhawaqkunaman qorqan,
sapankankutaq rurusqanmanta waranqa qolqeta payman apamunanku.
12Salomonlláy,
waranqa qolqeqa qanpaqmi,
iskay pachaktaqmi chakra qhawaqkunapaq,
ñoqaqa kikiymi uvas chakrayta qhawakuni.
Qosa
13Urpilláy,
qanqa huertakunapin tiyashanki,
qharimasiykunaqa makin uyarishanku,
ñoqaman kunkaykita uyariykachiway.
Warmi
14Phawamuy, munakusqalláy,
q'apashaq orqo-orqo patapi
orqo taruka hina kay,
luychu hina kay.
Currently Selected:
CANTARES 8: QC88
Highlight
Copy
Compare
Share
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.
