CANTARES 7
7
Qosa
1Ñust'alláy,
¡imayna munaychan usut'ayoq chakiykiqa!
Puriqtiykin teqniykikunaqa alhajakunaman rikch'akun,
allin yachaqpa ruwasqan alhajakunaman rikch'akun.
2Pupuykiqa muyu qeru hinan,
chaypiqa sumaq vinoqa kashallanpunin.
Wiksaykiqa hamanq'ay t'ikawan muyuykachisqa
trigo huñusqa hinan.
3Iskaynin ñuñuykiqa
taruka mellizo uñakuna hinan.
4Kunkaykiqa marfil torre hinan.
Ñawiykiqa Hesbón llaqtapi Bat-Rabim nisqa punku qayllapi
iskay unu p'uytu hinan.
Senqaykiqa Damasco llaqtaman qhawaq Líbano orqopi torre hinan.
5Umaykiqa Carmelo orqo hinan munayman rikch'achisunki,
pakasqa chukchaykipas sani-pukamanmi saman,
chay chukchaykin reypa sonqonta suwan.
6Sonqolláy,
ima sumaqmi kanki,
sonqo suwan kanki,
q'ochurichishawankin.
7Palmera sach'a hina sikllan kanki,
ñuñuykipas dátil nisqa rurukuna hina p'utiy-p'utin.
8Ñoqan nirqani: Palmeraman wichasaq,
dátil nisqa rurukunata pallasaq, nispa.
Ñuñuykiqa rurusapa uvas ch'ampa hina kachun,
samasqaykipas manzana hina q'apachun,
9simiykiqa sumaq vino hina kachun.
Warmi
Chay hinaqa, munakusqallaypaq chay vinoqa kachun,
siminpaqpas kirunpaqpas llamp'ullaña kachun.
10Ñoqaqa munakusqaypaqmi kani,
sonqonqa aysakamushallawanpunin.
11Munakusqalláy,
haku campota risun,
alheña t'ika-t'ika ukhupi puñumusun.
12Tutallamanta uvas chakrakunaman risun,
ichapaschá ch'ikchishanmanña,
ichapaschá mukmunkuna phanchishanmanña,
ichapaschá granada mallkikuna t'ikashanmanña,
chaypin munakamusqayki.
13Munakusqalláy,
mandrágora t'ikakunan q'aparishan,
punkunchispitaqmi imaymana misk'i fruta kashan,
unay pallamusqatapas chayllaraq poqosqatapas waqaychapurqaykin.
Currently Selected:
CANTARES 7: QC88
Highlight
Copy
Compare
Share
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.
